مدونة أبوفلان تقنية ، أخبار ، تجارب شخصية ، مطاعم ، سياحة
كما تعلمون فقد حصلت على جهاز شركة مدى الجديد Biscuit قبل اسبوع أو أكثر ( اضغط هنا )
وكنت قد جربت أيضا الجهاز الآخر الراوتر ( اضغط هنا )
والمهم جدا هو أن نستوعب أن الشركة وخدمتها تعتمد على التغطية وعلى مكان وضع الجهاز في المنزل
مميزات الجهاز :
* السرعة التي حصلت عليها بوضع الجهاز في أفضل مكان 6mb
* الجهاز بالنسبة لحجمه وسرعة اتصاله يعتبر مشابه لسرعة الـ DSL
* خفة الجهاز وسهولة حمله للتنقل وامكانية الشحن عن طريق الـ USB
* يحمل بالشحن لمدة 4 الى 5 ساعات
سلبيات الجهاز :
* أضعف في التقاط الاشارة من الراوتر الكبير لأن الجهاز السابق كان يعطيني 10mb من نفس المكان الي عطاني فيه الباسكيت 6mb
* يتصل فيه خمس أجهزة فقط
* داونلود غير ثابت يصعد الى 600 وينزل الى 300 كيلو بايت
رأي شخصي :
* الشيء الذي لاحظته في جميع تجاربي مع الشركة أن التصفح سريع جدا ورائع ، حتى في تصفح مقاطع اليوتيوب وان لم تكن التغطية قوية جدا
.
الوووله البنج عالي ١١٥ يعني انسى تلعب اون لاين بدون لاق
صحيح اعتقد حق القيمز ماينفع مع هالبنق
اخوي ابو فلان مكان هذي الصوره كنها بدبي الله يرضى عليك
شوف فوق كلمة DOWNLOAD
مشكووور اخوي ابو فلان وجعل والديك بالجنه
هذا اختيار السيرفر بما أن الشركة تاخذ الباندوث من دبي الحسبة تكون من هناك اضبط
تقريبا انا وصل معاي 5 mb لكن في بعض الاماكن في منطقتنا
في البيت للاسف ضعيف جدا مع اني اتركه بالحوش وماتوصل السرعه حتى 1
طبعا داخل البيت انسى الاشاره توصل
مع اني كلمتهم قبل الاشتراك وقالولي انه التغطية كامله عندك وانه اقل سرعه ممكن تحصل عليها هي 3
لكن للاسف
واتوقع الشركه تحتاج الى وقت للتطوير
ناهيك عن بعض الموظفين ما عندهم القدره او الخبره في التعامل مع العملاء كل موظف يفتي على كيفه
بالظبط !!
تو الناس عليها بنظري
اشتركت معاهم ٣ اشهر وشكلي بمددهم سنة
والله صارلي فتره بشترك وياهم بس متخوف
انا عندي فيفا ومرتاح جدا صارلي تقريبا اكثر من سنتين
مشكلتهم الوحيده الداونلود محدد هذا الي يذبحك بس 🙂
والي يخلي البعض يحول مدى انه تحميل مفتوح هذي ميزه تنحسبلهم
علي الهولي انا بفيدك باللي فهمته من موظف الشركه
انا رحت بشترك وكان فيه موظه من الجنسيه العربيه الله يسامحه قالي عطني عنوانك وانا اقولك اذا فيه تغطيه ولا لا دش بسرعه وطلع وقال منطقتك السيرفيس فيها توب
المهم سمعنا الموظف الكويتي وقال عطني العنوان مره ثانيه وكانت النتيجه انه مافيه تغطيه بس قال تقدر اجربه اسبوعين واذا مااعجبك رده
واسف عالاطاله
السلام عليكم انا من عشاق العاب الاون لاين واشترك عشان الاونلاين بس خلص اشتراكي مع فاست تيلكو 1.5 وكان نوعا ما جيد وقلت اجرب مدى بما انهم يردون لي فلوسي اذا ما عجبني ولكن للأسف مدى اكثر من سيئة بالعاب الاونلاين سيئة سيئة سيئة جدا جدا والموظفين كلهم قالو ان المنطقة فيها تغطية صحيح كلامهم من هالناحية لكن البنق يوصل معاي 250 والله ان وصل مره اكثر من 550 بس باليوتيوب والتصفح جيدة
ابوفلان اناا متوهق شركة زين والانترنت سيء لدرجة اني الانستغرام ماادخل صارله اسبوعين . قلت بشتري واي فاي متنقل مثل فيفا فور جي وجذي . واحد من ربعي نصحني بشركة مدى . ابي واي فاي زين . استخدامي (تحميل اب ستور ، يوتيوب ، تصفح ، ) تقدر تقول كل شيء p; . ارجو الرد =(