مدونة أبوفلان تقنية ، أخبار ، تجارب شخصية ، مطاعم ، سياحة
بعد قرار وزيرة التجارة بمنع رسوم الخدمة وغيرها من الزيادات الأخرى قامت المطاعم في الكويت بتطبيق القرار
في الصوره مطعم فرايديز يشطب على رسوم الخدمة ويلغيها من الفاتورة .. شكرا بوأحمد
وهذا أيضا مطعم ساسو يلغي رسوم الخدمة من الفاتورة .. شكرا أبو أفنان
وهذي فاتورة قديمة للمطعم في إحدى زياراتي له
.
الان يجب مراقبة الأسعار بعد الغاء رسوم الخدمة حتى لا يتم زيادتها وتعويض هذه الرسوم الملغية !
بالفعل أمس انا و ربعي بفرايديز جيكنا على رسوم الخدمه ما لقيناها
لكن ياخي هالأوادم غريبه .. تقعد تاكل بعشرين و أربعين دينار لا و بعد نص الأكل تقطه و مستخسر 900 فلس على روحة و ييت الريال اللي قاعد يشتغل و قضايا ؟
ياخي خلها صدقه لوجه الله !
المشكله هي ان ال900 يأخذها المطعم ولا يعطيها الويترز. فإذا لغو التشارج, الناس تحط تب للخدمه الزينه والفإدة تعم ك 😉
من قال ٩٠٠ فلس .. قبل جم يوم يو المطعم الايطالي الي يم ربي تيوسدي حسابي ١٠ ماخذين سيدفس ١٢٠٠ .. وهم تشليس ايام قبل نفس السعر يعني الي حسابه ٤٠ على قولتك بيددفع ٤ دنانير
تشليز تشيكو عليه ترى اسعاره ناااار….
والله زين سوة وزارة التجاره
وعندنا في الرياض الغو بعض مطاعم الفنادق الرسوم
بس
والله زادوا الاسعار وعندنا ستيك هاوس زادت اسعاره
فيجب مراقبة الاسعار
وإلاكأنك يابوزيدماغزيت
تسلم يا الذيب
وكل عام وانت بخير
قرار تشكر عليه وزارة التجارة ..لكن يجيب المراقبه على اسعار الوجبات ..
ضيف عليهم بعد مطعم تشيليز
اليوم متعشي عندهم وشفت بالمنيو شاطبين السيرفس
قرار حلو ولازم نتابع عن حقنا والاخ اللي يقول مستخسر عليه ٩٠٠ فلس اهو يعطونه معاش شنو مكلوف فيه اعطيه بخشيش انا كا احنا بالدوام نكرف ومعاشنا ثابت لابخشيش ولابطيخ عن المثاليات اللي مالها داعي يالله عاااد
مانبي بس للمطاعم… وين الشركات الثانية مثل السيارات لازم يطبق على الجمييييييييييييييييييييع
بس يابوفلان انا طلبت من مطاعم وجبات سريعه قالوا القرار مايخصنا وكلمت المدير قال ماطبق القرار عندنا
now I guess people have to give tips to waiters for good service. Some waiters really take care of you on the table and they deserve that tip
السلام عليكم/القرار جميل لحمايةالمستهلك ولكن لم يتم تطبيقه حتى الان في بعض المطاعم حيث أنهالم تفكر بتطبيقةاصلاً/أنا كنت في بيت المأكولات الايرانية ورفضت أدفع الرسوم وتم الاتصال على وزارة التجارة وافادني الموظف انه من اختصاص البلدية واتصلت على البلدية واخذالموظف المعلومات والموقع ولا اعرف ماذا ستفعل البلدية معهم مع العلم اني دفعت الرسوم حيث ان الموظف كان يحلف لي انه سوف يدفعها اذا مادفعت ولااريدان اغلب على امرالموظف المسكين والمفروض تحاسب المنشأهبالجزاء الرادع لكي تطبق النظام بجدية لان بعض المطاعم مازالت لم تمنعها تطلب من الزبون واذا مادفع الزبون أخذت الادارة من الموظف المسكين لان صاحب المطعم من الممكن أنه لم يعجبه القرارولم يسبق له الانذارولاتوجد رقابة مشدده يجب أن تكون هناك رقابةفي بداية القراروجزاءات رادعه وفوريه للمنشأه.ليتعضوا ببعضهم والسلام عليكم ورحمة الله