مطعم ساسو .. Saso Restaurant
فبراير 15
,
مطعم ساسو : مطعم يقدم الأكل الياباني اللذيذ 
مكانهم : الفرع الي رحتله كان بأبراج عاليه وغاليه بالمهبوله الطريق الساحلي ..
صورة لجانب من المطعم
وهذا المنيو
المقبلات
طلبنا كريزي ماكي
عبارة عن لفائف سوشي بالعيش والروبيان خطير جدا هالطبق
الطبق الثاني
كرات الهلابينو بالبطاط ناااااار تصلخ صلخ ماكليتها بسبب قرحة المعده
وهذا ربيان بالبقسمات حلو الصراحه ودهنه مو وايد نفس باقي المطاعم
الأطباق الرئيسية
هذا ستيك بصلصة الفطر ماعجبني وايد بس المدام عجبها وتقول طعمه مميز
والطبق الثاني
ربيان مشوي بالليمون والروب والجبن ما اقول إلا انه ودي اروح مره ثاميه عشان أطلبه طعمه خطير وممتاز
ويحطونلك معاه بطاط بالكزبر
العصاير
هذا عصيري موهيتو اوف اوف اوف انا من عشاق الليمون بالنعناع مع السبرايت بس هذا فيه شي ثاني غير السبرايت بس مشروب غازي شنهو ما ادري أتمنى إني أشرب واحد هاللحظه إهئ إهئ
والعصير الي ورا عصير برتقال بالأناناس
التقيــــــــــــــم
الخدمة 9 / 10
المكان 7 /10
صغير جدا يمكن فيه بس سبع طاولات
جودة الأكل 9 / 10
السعر 9 / 10
وهاذي الفاتورة
,
عيل وين فلان ؟!! فديته ؟!!
والله شكل السوشي يم يم لذيذ ..
وعلام الدعوة ربيان ربيان .. : )
بالعافية يا ألبي .
هذا الي كنت بقوله يعرف بو فلان هالسوالف ماتطوف علي ماتشوف الدنيا ليل
بس مكانهم خايس وصغير ومكشوف كله على الواجهه
المفروض تعطيه ٤ حق الديكور بس
على فكرة تقدر تطلب من المطعم ويوصلك البيت
اذا كان المكان صغير..
انا فقدت ثقتي فيك خلاص..
من أول ما فتح وأقولك خل نروح له.. وانت مسوي فلم
بس خلاص توبه اقولك نروح هالمطعم .. ههههههههههه
خلاص واح أوديك ياحبي
عليكم بالعافيه
انا كله اطلب بالبيت .. اهوا مو بس ياباني .. امريكي بعد
الله يعافيج
ايه صح يوصل البيت المشكلة انه يمنا وابتلشنا كل يوم يبون يطلبون بعض الناس
معلموه جديده شكرا لج
بالعافيه يارب..
شوقتني اجربه..
مشكور..
الله يعافيج
يستاهل التجربه الصراحه
والعفو
ساسو مطعم عالمي مو صيني
انا مدمن على هالمطعم
واستيك الفطر عذاب لاكن في عيب واحد
ان كلش ما يشبع
بسم الله الرحمن الرحيم
السلام عليكم ورحمة الله وبركاته
جنك حاس اني احب الاكلات اليابانيه وخصوووصا السوشي مو صج :p
تسلم بو فلان على التدوينه الحلوه
ويعطيك الف عاافيهعلى المدونه الراقيه وقوااك الله
تيحاتي اختك
Ambiguity
وعليكم السلام ورحمة الله وبركاته
انا افضل الماكي على السوشي
والعفو أختي وحياج الله المدونة مدونتج على وزن البيت بيتج