مدونة أبوفلان تقنية ، أخبار ، تجارب شخصية ، مطاعم ، سياحة
طفت الكهربا واشتغلت فجأة وانا أتمتع بالتصفح باشتراك شركة مدى في الدوام لكن المصيبة أن اضاءة الغرفة اشتغلت والمكيفات لكن جهازي الكمبيوتر والراوتر ما اشتغلوا !!
اكشتفت بعدها أن محول الراوتر انعطب بالإضافة الى مذربورد جهاز الكمبيوتر !
اضطريت بعدها لشراء محول آخر من مركز سلطان ، واتجهت لحولي لتصليح الجهاز
وقبلها بسنتين أيضا واجهتني نفس هذه الحركة وتعطلت خمس وحدات تكييف في البيت كلفوني 120 دينار لتصليحهم ؟!
طبعا تعويض اغسل ايدك بالكويت ويمكن ياخذون ضرايب بعد 🙁
ماتشوف شر يابوفلان
الحمدالله انها يت على جذي…لازم نسوي حملة ضد الكهربا قامو يحطون ليمت للاستخدام !! نخلص من الانترنت والحين الكهربا
الشر ما اييك
ياليت فيه لمت علي الأقل تعرف متى بتطفي هذي تطفي وتشتغل وتقولك قوم صلح 🙂
معوض خير ان شاءالله
هذا ديرتك … تصرف كوادر وتنسى البنية التحتية
الله يسلمك
صدقت وبعد يدفعون رشاوي 🙂
غدا الشر إن شاء الله
وأفضل شيء لحماية الكمبيوتر من انقطاع الكهرباء هو شراء جهاز UPS
رابط: http://bit.ly/Rs7bb
بعض الأنواع منه متوفرة بالسوق الكويتي، وسعره يبدأ من 30 دينار كويتي
عندي واحد للبيت بس صراحه مو سالفه هذي اشيل معاي واحد بكل مكان 🙂
يعني الدوام قلت مايحتاج اكلف نفسي واحطلي واحد لكن الظاهر بنضطر لهالشي
اوووف صج حركه بايخه .. انزين اي كمبيوتر الي خرب لايكون الايماك
Abo Flan Boss,
I use the following extension for my expensive equipments and you can buy it from hawaly for around 9 to 10kd :
http://www.belkin.com/uk/IWCatProductPage.process?Product_Id=135062
Brief :
The Maximum Series offers high-end surge protection for your advanced computers, peripherals, phone/fax, DSL/cable modems, and more. This model boasts 2700 Joules, 75,000 Maximum Spike Amperage, 8-sockets, and a lifetime £175,000 Connected Equipment Warranty.
Best of luck.
راوتر مدى عندك يختلف عن الى عندي !!!
شنو سبب
الموديل الجديد متوفر للمتشركين الجدد
الموديل القديم خلص وغيروه لهذا لانه افضل
الله يعنيك
ويستر السنه الجايه …..
وبعدين استخدم الجهاز الي قالوه الاخوان APC
المصيبة انه بالدوام يعني اذا كل مكان بروحله لازم احطلي جهاز !
مشكلة والله
الله يكون بعونك يابوفلان معوض خير
وياليت تفيدني بمحل يصلح الماك بحولي وسعره زين
ولله الحمد ماكان الماك 🙂
بس صراحة افتح اليوتيوب وابحث عن تغيير اي قطعة بالماك بتلقى الطريقة وخل محلات حولي تستريح
ما اعرف الا ورشة التابعه لآي سيتي ومع ذلك غاليين وما انصح فيهم
احنا برمضان صار فينا مثلك
طفت الكهربا خمس دقايق
جان يخترب ستلايت البيت كله “لانه مركزي”
صج كان ضيقة خلق بدون تلفزيون 🙂
و يالله خلص الستلايت عقب يومين بس تصليحه ما كان غالي حيل يمكن 30 دينار اقل او اكثر بـ شوي 🙂
برمضان ويخترب الستلايت شي ايجابي 🙂
لكن تبقى خسارة فلوس
خطاك السوء يابو فلان الظاهر يبيلك تامين
شامل حتى على محولات الكهرباء :/
Its time to invest in a good surge protector. never thought they are of any use. but i guess surges do happen. all it takes is few KDs
goodluck
معوض خير خيو ..
يبي الي يشتكي على Osama11 🙂
وعدني بالتعويض 🙂
والله يا بوفلان صارت فيني قبل شهرين تقريبا وتحجيت فيها بابتويتر وضرب الهارديسك عندي وأحمد الله منزل ثنين هارديسك مو واحد وبرامجي كلها بالثاني مو المضروب وكلفني 55 دينار SSD والله يسامح الوزارة
والله يا بوفلان صارت فيني قبل شهرين تقريبا وتحجيت فيها بابتويتر وضرب الهارديسك عندي وأحمد الله منزل ثنين هارديسك مو واحد وبرامجي كلها بالثاني مو المضروب وكلفني 55 دينار SSD والله يسامح الوزارة .
الله يعينك والله عاد اخطر شي الهارد تكون فيه ملفات مهمه ولا شي
اعرف واحد نفس الشي كان بالهاردسك مشروع كامل قيمته ٣ آلاف دينار دراسة كاملة راحت بلا رجعه 🙁
الله يعوض عليك
والله غير شغله هاذي .. بس ماشاءالله استفدت من ردود الاخوان بخصوص الجهاز اللي يحمي الاجهزة الغالية.
العوض من الله أما الكهربا فإنسى
عليه العوض ومنه العوض
اي والله بشر ماتوا بسبب الحكومة محد عوضهم للأسف
عدل كلامك مفروض يفتحون قبورهم ويعوضونهم
معوض خير ..
والله انا اتبع نصيحة الوالد الله يعافيه ..
من تطفي الكهرب نستنفر ونركض على الأجهزه نطفيها قبل لاترجع تتبطل الكهرباء..
لأن إللي يحرق الأجهزه إهي قوة الكهرباء أول ماترجع ..
مو لأنها طفت فجأه ..
مره ثانيه سو تمرين سريع مع ام فلان سكروا التكيف الثلاجات التلفزيونات .. الكمبيوترات هههههههه
وأهم شئ راوتر مدى أحس صكووك عين من قوة السيرفس ؛)
بالفعل هذا الي المفروض يصير
رجعت الكهربا اخطر شي ع الاجهزة الكهربائية بس شتلحق 🙂
استخدم فيش فيه فيوز وبهذه الطريقة ماراح تخترب اجهزتك واذا اشتغلت الكهرب فجأة راح يحترق الفيوز بدون أن تتضرر اجهزتك
أكو موزعات كهربه فيهم حامي للصواعق الكهربائيه مثل هاذي و يفصل عن الجهاز اذا زادة الكهربه
لا تفكر تشغل شي مهم بدونهم, انا من سنين و انا استخدمه عقب ما قمت اسمع افلام الربع اللي صارت بالأوادم
عظم الله اجرك بالأجهزه
كل ابونا يالخليج هااالحركه تصير عندنا
وما عندك احد
سعودييين
بالبداية الله يعوض عليك
بس السؤال ليش الأجهزة تخرب مع أن المفروض تكون مصممة أن تتحمل أنقطاع الكهرباء المفاجىء
أما بالنسبة للشباب اللي تكلموا عن الهاردسكات اللي تنضرب
أقول اذا كانت ملفات مهمة لازم تكون مسوي لها نسخة احتياطية
وأنصحك تخلونها بدروب بوكس
تعودنا , شكثر تطفي الكهربا بدون مقدمات و يخرب عندنا التكيف
و عاد شوف التصليح بجم !!
احترق الشر يا أبو فلان (على وزن انكسر الشر)
بس سؤال ، وين دوامك الي مأخذ اللاب والاشتراك ويأك ؟؟
والله دلع
لوووول بدينا شغل حسد !!
اي صح نسيت لا أقولك المدونه شكلها روعه من الإيباد احسن من اللاب مادري ليش!!!
الله يعيينك ” اذا شريت شي لاتحط عنه معلومات بالمدونه ‘ ترا في ناس ماتعطي خير ..