مطعم سنيور ساسي .. Signor Sassi Restaurant

 

 

جاءتني دعوة قبل أسبوعين تقريبا من ادارة مطعم سنيور ساسي الإيطالي

هاذي تعتبر زيارتي الأولى لهذا المطعم الذي يقع بجانب ابراج الكويت على شارع الخليج العربي وله اطلاله جميله على البحر

وله فرع آخر في مجمع 360

 

يفضل الحجز للمطعم قبل الذهاب له

 

المقبـــــــــــلات

 

جبن موزاريلا مغطى بالعجين مقلي مع صلصة طمام كان عادي جدا ماعجبني

 

 

طبق ربيان وكالاماري مع صلصة سويت وصلصة تارتار هذا الطبق الي يروح المطعم لازم يجربه جدا لذيذ وكميته كثيره الكالاماري في العاده يكون غير طري لكن هنا كان فعلا طري ولذيذ

 

 

الأطباق الرئيسيـــــة

 

ربيان مشوي مع الزبدة والثوم ممتاز حجمه وسط واييك الجرسون يسألك تبي فلفل أسود أو لا وتطلب معاه ماش بوتيتوه 🙂 أو خضروات

البطاط كان دهنه وايد ماعجبني دسم جدا

 

 

باستا الفريدو ما عجبت صاحبي لكن شخصيا اشوفها جيده

 

 

وهاذي اللزانيا الي اول مره اجربها بمطعم ايطالي وعجبتني جدا

 

 

 الحلويات

 

تيراميسو حلو وخفيف عالجبد 🙂

 

 

كريم كاراميل جيد جدا بالنسبة لي

 

 

التقييـــــــــم

 

جودة الأكل 7.5 / 10

المكان 9 / 10

الخدمة 9 / 10

السعر 8 / 10