مدونة أبوفلان تقنية ، أخبار ، تجارب شخصية ، مطاعم ، سياحة
قمت بزيارة ثانية لهذا المطعم لأتلذذ بتناول الستيك الذي عشقته بينما صاحبي الي كان معاي ماعجبه طعم الفيليه ونصحته مايطلبه well done لكن العناد ومايسوي 🙂
المهم أني أود شكر السيد لويس راضي مدير المطعم على تقديم طبقين من السويت تقديرا منه على الريفيو الأول الذي كتبته عن المطعم ( اضغط هنا )
الطبق الأول عبارة عن كريم كراميل تعلوه طبقة من السكّر الخشن 🙂
الطبق الثاني عباره عن تشيز كيك لذيذ فعلا وأنصح فيه أكثر من الأول
شكرا للسيد لويس مره أخرى على هذه الضيافة
أخيييييييه شكل الستيك يشوق ما شالله ، بالعافيه و عقبال نزوره لأنه صج من زمان خاطري بستيك قوي لوول
روحله وراح تدعيلي
جربت المطعم و كان الستيك لذييييذ
بس هالمطعم فيه عيب شرعي .. وهو ان ما عندة الا صلصة وحدة للستيك و هي (اتش بي) ,, حتى (اي ون) ماكو!!
ياريت توصل لهم هالملاحظه لان اغلب مطاعم الستيكات ينوعون في الصلصات
شخصيا أشوف هالصلصلات الثقيلة تخرب طعم الستيك ولو اني مرات استخدمها بشكل بسيط
لكني افضل الصلصات المشروم والفلفل الأسود أكثر
والله شغل هالتويتر
دعايات واكل بلاش
تستاهل الف عافيه
قل اعوذ برب الفلق
بالعافيييه
عاد انا مو زود احب الستيك بس شوقني ستيكك 🙂
ربي يعافيج
الستيكات من مأكولاتي المفضلة
مداخيل العافية حبي بو فلان
المطعم ممتاز من جميع النواحي سواء الفكرة او الخدمة و الاكل .. انصح فيه الجميع
الله يعافيك يا أخوي حمد وشكرا للنصيحه
مطعم مايستاهل 3 من 10
يعني ابسط شي يكون في كلينكس على الطاوله لا لازم تطلب علشان ايبلك 3 حبات موظفين منفسين تدفع الحساب حتى مايبتسم عطاك الكرت ومشى عصيره ماي
ان كان على الستيك ترا في احلا منه
بعدين ماشفت بالمنيو شوربات شنو عندهم منيو ثاني
تحصل أحيانا يكون لشخص معين تجربة سيئة مع مطعم الكل يمدحه صارت معاي وايد
لكن للأمانه فعلا خدمتهم مو قوية ويبيلهم اهتمام شوي
بالعافيه بوفلان شهيتنا ياخوي
يعافيك ربي يابوعبدالله يستاهل روحله ودلع كرشك 🙂
ها سويتها ورحتله مره ثانية بالعافيه ماعطاك الكرت اللي قلتلك عنه وسجلك كذا زياره علشان يطلعلك طبق فري وماسأل عني
لا والله ما عطاني كرت يكفي انه ضيفنا وماقصر وانت بعد ماقصرت يالحبيب
ياليت تعرفنا شنو الستيك
مانعرف الا كبسة
هاهاها ابو فلان, هذا مو كريم كاراميل, هذا يسمّونه كريم بروليه, ما له شغل بالكريم كاراميل.. لوول
و أنا معاك, معظم المطاعم الراقية ما يقدمون الستيك صوص و لا حتى كاتشب, لأنه الطباخ أو بالأصح الشيف يكون تعب على تأليف الخلطة السرية و الصوص المقدم مع الطبخة, و الأيه ون راح يقتل كل التعب اللي سواه الشيف, و لذلك بعض الطباخين بالمطاعم الراقية ممكن يزعلون إذا طلبت هالأنواع من الصوص و يقولون لك “روح ماكدونالد أحسن لك” هاهاها