مدونة أبوفلان تقنية ، أخبار ، تجارب شخصية ، مطاعم ، سياحة
ثلاث ايام مضت من فتحي لعلبة هذا الجهاز الرائع Samsung Galaxy S II
شاشة جميلة رائعة ، سرعة عالية ، تصوير عالي الدقة ومازال لديه المزيد على ما أعتقد
نعم عندما تستخدم جالاكسي 2 فأنت تستخدم جهاز بمواصفات عالية لاتستخدم نظام ( فرق بين النظام والجهاز ) جهاز يحمل آخر المميزات والمواصفات
سأحاول كتابة تجربتي عن هذا الجهاز بعد استخدامه مدة كافية
🙂 🙂 🙂
ملاحظات لمن يريد الحصول على الجهاز :
* شركة viva قامت بطرح الجهاز بشكل مجاني مع عدة باقات والكفيل لجهازها هي شركة البابطين الوكيل للجهاز نفسه
* التعريب سيكون متوفرا بشكل رسمي بعد أسبوع ومن يشتري الجهاز من viva يمكنه تعري بالجهاز بعد اسبوع في الدعم الفني عند شركة البابطين
* يمكنك شراء الجهاز من البابطين بسعر 219 د.ك
صعبك عليك هالابل يا اندرويد ..
في انتظار تقريرك عن الجهاز ..
بس أرفق بنا ولا تهز مكانة الايفون في قلوبنا ..
🙂
لا ماعليك اهم شي الإنصاف 🙂
بوفلان توني طالع من البابطين الي بالمطار قالي مو موجود راح يوصل تاريخ 15/7 ؟
خالصه أجهزتهم بسرعه خلصت ولا كان موجود وينباع
بالمبارك … تمتع
الله يبارك فيك
كله منك 🙂
اداء الجهاز جبار … الانترفيس مال الجهاز مليق
بالضبط يبتها 🙂 ولو ان شاشته روووعه
هه ” مـــا الحـــب إلا للحبيــــب الاولــــي ”
طبعا لا غنى عن تفاحتي المقرومه
ليش بعت اللي عندك ؟ القديم
عموما الجهاز أمس حصلته وفعلا روووووعة وبالنسبة للريفيو خصلت من الجزء الاول وجاري النشر خلال دقائق
🙂
القديم بعته بسبب المايك ماكان صافي ذبحني
مبروك الجهاز وهله بالريفيو الصعب
الجلكسي افضل من الأيفون بواايد
التصوير والفيديو شي خياالي
بس الايفون يتفوق عليه بالأب ستور للأسف
وعليك بالعافيه
فعلا الكلام سليم لولا الآب ستور وقوته مايقايش مع الجلاكسي الي الستور فيه كل شي من متردية الى النطيحة
انا امتلك الجهاز لي اسبوعين .. الصراحه ابدااااااااااع .. حملت واجهات وثيمات والعاب من خارج الماركت طبعا وما علق علي ولا مرة .. مع اني استخدم تعريب مادماك1.3، المشكلة الي واجهتني بعد التعريب هي المتصفح ،بعض الاحيان يعلق علي ولازم اسكرة وادخله ثانية لي يقولون الايفون افضل اقوله : لا تلعب على نفسك ، فرق شاسع بين الجهازين والافضلية للجالكسي طبعا …. ما يميز الايفون هو الستور حقه فقط ، لكن هذا لا يعني ان الستور حق الاندرويد فاشل بالعكس ممتاز ، واذا ما عجبك الستور حق الاندريد بامكانك ان تحمل من الانترنت مباشرة
الصراحة الي متردد في الجهاز اقولة خذه وانت مغمض ، يستاهل ما يدفع فيه والله .
انا كنت امتلك جالاكسي1 كان روعه في التصوير وروعه في للاداء بس اللي ذبحني فيه سالفة التهنيق والعليق كرهني بالجهاز بعته وشريت DESIRE HDالصراحة قمة في التماسك والسرعه وانا من عشاق ماركة HTCفعلا تحس الشركة تعبانه على الجهاز هذا غير الدعم الفني منها والتطوير المستمر لمنتجاتها
هل فيه عربي ؟
يا خسارة يا ابو فلان خسرنا واحد من حزب الايفون 🙂
لا ماعليك انا عضو في الحزبين يعني وسط 🙂
فعلا الاندرويد افضل بوايد من الايفون
بس اب ستور الايفون فيه برامج وايد و احلى 😉
اقوى ميزة تميز الآيفون هو الدعم والبرامج المرتبة والنظيفة
نرجع ونقول صعبه عليك يا جلاكسي
التفاحه ما تسيح بالحر
رحت لكل مواقع المتخصصة بالاجهزة التليفون يقولون الخبراء ان جلاكسي2 افضل من الايفون بمراحل وسالفه البرامج الفرق بسيط وراح يكتسح الايفون بالبرامج باخر السنه ياعيني عليك ياجلاكسي2
يعطيك العافيه ,,
كنت افكر اني ارجع اشتري ايفون 4 بعد البلاك بيري السخيف ,, ولكن بعد موضوعك و موضوع فرانوك شكلي باخذ الجهاز ,,
http://www.gsmaena.com
هالموقع يعرضك كل التلفونات و مواصفاتهم وسويت مقارنه بين الايفون4 وال جالكسي س 2
http://www.gsmarena.com/compare.php3?idPhone1=3621&idPhone2=3275
طبعا ال جالكسي عطاه 10 صفر !
انا يهمني اكثر شي القيمز اللي بالايفون والجيلبريك طبعا ,,
سؤالي ,,
ال جالكسي فيه العاب وايد ؟ نفس الايفون ؟
فيه نظام نفس الجيلبريك ؟ اللي يلعب بالجهاز ,, وطبعا ال instal0us ?
ومشكور وماقصرت ,,
بعد العبث بالجهاز لمدة 8 ساعات وتركيب رومات وبالبداية الكيرنل وتركيب التعريب الكامل ( للعلم اجهزة هاتف 2000 معربة كتابة وقراءة ومتصفح بعد ) بجهازين .. اعتقد الي الان القمة للجهاز والنظام التشغيل والبرامج ..
ممم ماشوف فيه شي زود وعندي قاعده دائما راعي الاولى مبدع 🙂
عندك خبر عن متى راح يتوفر في المحلات الآخرى مثل كارفور و يوريكا و الغانم؟
لأن البابطين خالص أعتقد , وما أبي أشترك بعقد فيفا 🙁
إنت خذيته من البابطين صح؟ , كان معاه كفالة؟
آسفين عالإزعاج يالأخو ^^”
ما شاء الله ….. الله يهنيك وعقبالنا
عطنا تقرير مفصل وملاحظاتك .. وتوصى ..
مبروك
هاتق 2000 تعريب كامل والكمال لله واصلي التعريب
السعر 225 دينار
بس حابب اسؤل البابطين تعريبه نفس هاتف2000 قصدي يحطون في ملفات التعريب ولا من خلال التطوير بالكمبيةتر من خلال برنامج كيس
وهل هاتف2000 نسخه شرق الاوسط ولا غير عن الباطين
دمتم بود