مدونة أبوفلان تقنية ، أخبار ، تجارب شخصية ، مطاعم ، سياحة
قبل أيام توجهت الى محل عالم التصوير كنت رايح للمشاهده فقط بس هالكلام مايمشي بعالم المخاسير أقصد عالم التصوير
المهم شريت جنطة لكامرتي مع أني كان عندي جنطة لكنها صغيره وماتشيل الا كامرة وعدسة وفلاش
الجنطة اليديدة تشيل الكاميرا وثلاث عدسات وفلاش وفيها مخابي جانبية من ماركة Matin الكورية سعرها 20 د.ك من محل عالم التصوير
اشتريت ايضا Tripod أو حامل ثلاثي للتصوير في الخارج أو عمل ريفيو أو اي شيء آخر بالإضافة الى ستوديو منزلي أو يسمونها خيمة منزلية للكاميرا راح أتكلم عنها بعدين
الترايبود صناعة صينية وقاعدته من المعدن نوعيته جيده جدا هناك ماهو أفضل منه وأثقل وأقوى جودة لكن أعتقد هذا سيفي بالغرض
سعره 23 د.ك
وين عنوان عالم التصوير
الشويخ خلف أسواق رامز
أو بمجمع المثنى
عندي نفس هالترايبود، ترا مو مره كويس !
يبيله عناية ما كمل معي سنه ورجلينه بدت ما تثبت بس الشنطه شكلها تماااام ماشاء الله
وبالعافية عليك اغراضك الجديده
ع البركة يابوفلان
فعلا الجنطه ضروربيه جدا حلاته يكون كل شي فيه
ترا ممتازه خابرك طالب كاميرا أوصيك ونفسي بهذه الحقيبة الجميلة بس جنك طالب وحده
مبروك
ربي يبارك فيك وبيك
تكسرهم بالعاااااافيه بس شنو نوع كامرتك
اخوي ابو فلان ما عليك امر شيل كلمة “كسكسي” من المدونة لان شركة فاست تلكو المتخلفة حاجبة هذي المدونه بسبة هذي الكلمة لان حتى لمن ابحث عن هذي الكلمة بجوجل ينحجب الجوجل بكبره
بالمبارك
عاد ننطر منك اشياء تسوى بعد هالمخاسير 🙂
ياحبك للمخاسير يابوفلان
عليك بالعافيه بو فلان
السلام عليكم يا جماعة الخير
بو فلان شلونك ؟
يالغالي انا عندي كاميرا نيكون د٨٠ ومليت منها صراحه
صارلها ٣ سنين عندي
المهم حبيت اشتري د٧٠٠٠ ? منو له خبره فيها وكم اسعارها وشنو تفرق عن اللي عندي
لقيت مستعملة ولكن خفيف استعمالها ب٧٠٠ دينار
معاها شنطه وهود وفلاش وفلاش ميموري ١٦ جيجا وتراي بوت والعدسه من ١٨-٢٠٠ و٣ فلاتر وميموري ريدر بالكرتوون
ارجو الرد وهذا ايميلي a_f_300@hotmail.com