مدونة أبوفلان تقنية ، أخبار ، تجارب شخصية ، مطاعم ، سياحة
الأخ بو وليد طالب امس وجبه من مطعم كاستللو الفنطاس وهو من النوع الي ياكل السندويتش بدون لايشيل القرطاس
فا الأخ أكل نص السندويتش بالسياره والباقي بيكمله بالبيت
ولما شال القرطاس بالبيت تفاجئ بوجود ذبانه ملتصقة بالخبز والمشكلة أنها محمصه يعني تم ادخالها في السخان لتسخين الخبز وبالتالي صارت ذبانة محمشه ومحمصه بنكهة الفيليه 🙂
طبعا اشتكى للبلدية لكن الى الآن ما أدري اشصار ع الموضوع بانتظار رده قريبا
يععععععع صمون ذبان
هلا بالحبيييييييييييب مع فطيرة الزهيوي بالجبن اللي عندي خل هالمطعمين يفتحون بالوعه احسن لهم 🙂
لا عاد الزهيوي فيه صلصله بيضه شوي أحلى 🙂
بصراحه ما ادري شقول وخصوصا انيي بشكل شبه اسبوعي اطلب من هالمطعم ريوق ومن فرع الفنطاس
بس اتوقع عادي ماتظر لانه صارت ببطونا مناعه من هالامور من كثر ماناكل منها!!!
يابو فلان سؤال ، كم (((طن))) من الاغذيه الفاسده البلدية صادرت واتلفت والمشكله ولا مره قريت اسم متهم كله يقولون لقينا وسنعاقب المسؤلين عن هالاغذيه ولا شفنا شي بس شنقول
اي والله اطنان لحوم فاسده وذبان وبلاوي والحكومة توها ناطره مشكل ما ادري تشكيل
المشكله يا بو فلان محد اخذ حقي منهم
طبعا بالكويت ماكو فايده بس اعتقد حماية المستهلك افضل من البلدية !
حماية المستهلك اهم الي قالوا هالمشكله تبع البلديه
هذه الشركات صرفت المواد
غذائيةالغير صالحة للاستهلاك الآدمي …
دواجن
شركة الصفاة الخليجية، شركة سوق محمد والصحن المركزي للمواد، شركة الضيافة الخليجية، شركة مجموعة الزاد التجارية، شركة مركز سلطان.
لحوم
شركة الظاهر الدولية، شركة مجموعة بيج أبل، شركة العسلاوي المتحدة للمواد الغذائية، شركة الضيافة الخليجية، شركة مركز سلطان.
مياه
شركة التكنولوجيا الحديثة، شركة التكنولوجيا الحديثة، شركة التكنولوجيا الحديثة، شركة مجموعة الحرز للتجارة.
منتجات الالبان
شركة بترا للصناعات الغذائية، شركة ربوع الخليج للتجارة العامة، شركة الوفاء والسلام التجارية، مؤسسة ورثة علي سالم التورة، شركة مجموعة المركز الدولي، مؤسسة ورثة علي سالم التورة، مؤسسة اريج الدولية، مؤسسة لمى الكويت، شركة مركز سلطان، شركة مجموعة الزاد التجارية.
مواد غذائية متنوعة
مؤسسة محمد صالح الرشود، شركة ترومبل للتجارة العامة، مؤسسة اريج الدولية، مؤسسة ورثة علي سالم التورة، شركة يوسف القرشي، مؤسسة الحديدة للحلويات، سوق محمد والصحن المركزي، الشركة الكويتية البريطانية المتحدة التجارية، شركة ساتكو التجارية، شركة مركز سلطان، مؤسسة القمر الكويتي، شركة مجموعة الزاد التجارية، شركة علي كويلا الغذائية، مؤسسة محمد صالح الرشود.
عليهم من الله ما يستحقون …
من كثر المطاعم بالكويت
كل منطقه فيها 100 الف مطعم
وقله الرقابة من البلدية
مسكينه وين تلحق البلدية هههههههههه
الله يديم النعمه بس
هذا الي خلاه يتمادون لاحسيب ولارقيب
والله ماقمت آكل إلا من ماكدونالدز والسبه وصاخة الهنود والمصريين! مافي على الفلبينيين خصوصا إذا كان في مطعم عالمي مثل ماكدونالدز.. وإذا تبون المأكولات البحريه مالكم غير فيش ماركت.. عموما في فيديو حق مطعم الطازج لاقين صرصور صغير ياحليله ناسيته أمه بالوجبه هذا الرابط
http://www.youtube.com/watch?v=3bgSsOmSktg&sns=em
شكرا يالغالي على نقل المعلومه
حسبي الله على ابليسك خل يدق على أمه وياخذونه ههه
اي بالله صدقت ماكدونالدز أكله نظيف بس مشكلته ماتدري الدياي واللحم اشمعطينه المطعم يبيع باليوم مليون ماك جكن شنو هالدياي الي مايوقف ؟
والله يا بو فلان رحت حق بلدية الفنطاس قالوا لي ان الي مسؤول عن هالشغله موموجود بعد ماكنت ناطر بالسياره بره والحبيب مسكر الباب الحديد لان خايف يكسرون باب الزجاج و انا ما ادري ناطر متى يفتح و الحبيب طالع يفتش المشكله اني بعد ما دريت انهم مبطلين من الساعه ٢.٣٠ وكنت ادق محد رد علي الا بعد خامس مره رد علي بغالي وقالي ان الحبيب مو موجود دشيت ما لقيت الا البنغالي بروحه و يقولي انا جديد ما اعرف رقم ولا واحد فيهم
والله مسخره ! المراقبين بالبلدية يحتاجون من يراقبهم !!
سالفة هالذبانه ذكرتني بسالفه كنتاكي سوق شرق.. تلوع الجبد
على ما اعتقد بـ2005 كنت رايح سوق شرق وقلت الا اكل من كنتاكي وفيه عماله مصريه طبعاً
لما اعطوني صينيه اكلي لاحظت عامل مصري يركض الى المطعم ويحذر العمال قالو لهم بسرعه البلديه وصلت!
وما اشوف الا مصاروة الكنتاكي المرعوبين ينطون فوق الباب بسرعه ويتركون المطعم فاضي!! واذا بأفراد البلديه يدشون ويفتشون الاكل وكان الجو متوتر
انا من الجوع اخذت وجبتي ورحت اكلها ويحوشني الالام ومغص قوي .. الظاهر تسممت! هذا بدال ما ارمي الاكل
الظاهر احد مشتكي عليهم وهم متوقعين البلديه تأتي
والله تصير ما استبعدها
فرق بين ماكدونالدز وكنتاكي ولا اعتقد ان العماله لها دور كبير بل الإدارة وخوفها على السمعه هي الفاصل
بروتين
فعلا هذا هو حسن الظن بالإخوان 🙂 بارك الله فيك 🙂
يطبقون حديث النبي عليه الصلاة والسلام
( إذا وقع الذباب في إناء أحدكم فليغمسه كله ثم ليطرحه ، فإن في أحد جناحيه شفاء وفي الآخر داء )
هم اغمسوه وعلى بو وليد ان يطرحه
واذا صارت فيج يا فتاة راح تسوين نفسي ما راح تفكرين تطرحينه
لا والله ما المس الوجبه بكبرها
بس ياخوي شكثر نشتكي على المطاعم والاغذيه الموجوده بالجمعية
بس لاحياة لمن تنادي
عندنا بالمنطقه الرابعه موظفين شئون المستهلك يوقعون حضور ويتركون المكاتب فاضيه
والبلديه حدث ولا حرج
والبعض هم الي مضبطين اصحاب المطاعم في المنطقه وتلقاهم ربع
والتعليق الاول دعابه فقط
شكرا
والله يابو فلان هذا الشي مو بعيد على اهمال البلديه انا حصل معاي موقف قبل يومين رايح كنتاكي العارضيه وجان الاقي ذبانه بالغطا مال البيبسي زين ما شربته ولا المصري مو عاجبه منفس مضروف انا الي انفس واغسل شراعهم بعد
والله يافلان اول شي بالعافيه عليك وثانيا اذا كان البلدية اللي يشتغلون فيها ذبان واقف عالمطاعم عموما عوافي القرمه نص السندويشة
روح حماية المستهلك يسكرون المطعم 🙂
بوفلان ذبحتنا بهالبوستات شكلنا بعد شهر من متابعتك مراح ناكل شي هيهي
وعساكم اتوبون من أكل المطاعم …
اذا كان رب البيت بالدق ضاربٌ
فشيمة اهل البيت هي الرقص
ورقصني ياجدع
طبعا مافي أحلا من وجبة بق ديلوكس بالدوده الخضرا من هارديز. ولا كانت. حيه مو محمصه استغفرالله. تذكرتها
ماكدولندز الدجاج و اللحم فيه معالج نسبة جيدة منه مياه و الباقي كربوهيدرات و مواد ثانية للحفاظ على التماسك و 23% منها فعلاً دجاج
كريسبي ذبان ،تدرون أن بيض مكونالز اللي يقدمونه للريوق مو فريش ولكن اييهم محفوظ في علب بلاستيك
ذكرتني مره طالبه وجبه من مطعم القبقب المفروض يكون نظيف لان اغلب الي يشتغلون من الشام
اول مابطلتها لقيت ذبانه ميته من حرارة البخار بلوجبه صج لاعت جبدي