مدونة أبوفلان تقنية ، أخبار ، تجارب شخصية ، مطاعم ، سياحة
قمت بحجز وطلب الجهاز قبل اسبوع تقريبا والآن موجود بالكويت وبانتظار توصيله للبيت من قبل DHL
الجهاز قمت بطلبه من هذا الموقع handtec.co.uk مع اختيار التوصسل للكويت عن طريق DHL
لكن انتبه أن الموقع سيطلب منك أوراقك الرسمية بعد الطلب مثل الجواز والليسن والبطاقة المدنية وقد يطلبون غيرها وتبتلش ترسالهم ٤ مرات حتى تتم الموافقة مثل حالتي 🙂
الجهاز كلفني 456 باوند تقريبا 208 د.ك
مبروك مقدما
بس ليش كل هذا !! انطر كم يوم راح يوصل الكويت 🙂
يقولون العربي مو ذاك الزود تكفى قولنا اذا كل شي ماشي معاك أوكي 🙂
الله يبارك فيك
طبعا ارخص من الي عندنا ، وخل يستريحون ربعنا الله يستر بجم بيبيعونه
العربي مافيه لي الحين بس في واحد عرب الجهاز تعريب غير رسمي والتعريب الرسمي أكيد بينزل بعدها بجم اسبوع
مبروك مقدما ..
بس العربي يطلع متقطع معاك بنسخة خبز الزنجبيل .. تحتاج تعربه تعريب غير رسمي .. او تنتظر نسخة 2.3.4 بتنزل خلال هالاسبوعين ان شاء الله
ربي يبارك فيك
فعلا العربي متقطع والتعريب غير الرسمي موجود وشكرا على المعلومه الأخيره يالحبيب
ليش ماطلبته عن طريق ارامكس في سبب ولا بس جذي ؟
ومبرووووووك :)) تكسره بالعافيه
الموقع يقبل التوصيل مع DHL فقط أو فيديكس ارامكس مو موجوده وسؤالك جدا ممتاز بس ماكنت بكتب هالشغله عشان بعض الناس يفهمون اننا انحشنا من شركتهم 🙂
والله يبارك فيك ويعافيك
لان لو طلب عن طريق ارامكس راح يعتبر شراء داخلي ( داخل بريطاني ) وبالتالي يحسب عايه ضريبة تصل لغاية 45 دينار كويتي !!
بينما لما يختر الدي اتش ال ويحط عنوانه بالكويت راح يعتبر شراء خارجي وبالتالي مايحق لهم يدفعونه الضريبة
وبالمبارك وكلنا ننطر اجهزتنا 🙂
شكرا ع المداخله يالحبيب
مبروووك مقدمااا
توني داااش المدونه عشان بشوف وصل الجهااز ولا بعد هههههههههه
بنتظااار تقريرك
الله يبارك فيك
باذن الله يتم كتابة التقرير بس يوصل
اختيارك موفق على هالجهاز الروعه
وانا من الناس اللي انطره بفارغ الصبر
واذا كنت تبي اتشوف الجينجربريد اللي نازل عليه روح يوريكا او البراك وشوف تلفون سوني اريكسون اركت وألقي نظره على هالاصدار الروعه
الاندرويد عالم حلو وسلس
عليك بالعافيه ياخوي 🙂
ماقصرت يالأمير 🙂
مشكلة سامسونج أنها تدخل بعض ملفاتها على النظام ممايسبب بطء للجهاز وهذا الشيء يقال أنهم عالجوه في النسخه هاذي
مبروك على الجهاز
كم راح يكلفك الشحن ؟
وصج إنه التلفونات إللي تطلبها من بره ما ياخذون ضرائب عليها الجمارك ؟
الله يبارك فيك
الشحن دافع وخالص مع دي اتش ال
التلفونات ماعليها ضرايب اي نعم
عليك بالعافيه
واحتمال ادخل عالم الاندرويرد لان الصراحه مليت من الايفون
يعافيج ربي
الآيفون فعلا يعاني من الجمود
البعض يحب العبث والتحميل من الانترنت مباشره وهذا مايفتقده الآيفون بنظامه الجامد
الجهاز من افضل الاجهزه بالسوق، أنا طلبت واحد من نفس الموقع و للتوضيح بس اول طلب راح يطلبون اوراق الثبوتية و اي طلب بالمستقبل سيكون جداً سهل بودن اثباتات للهوية والموقع جداً راقي بالتعامل و سريع و خدمة العملة راقية.
اي والله ابلشونا بالأوراق الثبوتيه 🙂
مبروك الجهاز
مبروك عالجهاز والتعريب من هذا الرابط
http://forum.xda-developers.com/showthread.php?t=1063205
شكرا لك
انا لحد الحين ماني عارف شلون نظام الطلب عن طريق الdhl وايضا الفيديكس ابوفلان نطالب ببوست ماعليك امر يشرح الطريقة اذا بنطلب من اي موقع يوصل بهالطريقة يعني شلون احط عنوان بيتنا بس وهم يوصلون ولا لازم افتح حساب عند dhl عشان اسجل عنواني ؟؟
على حسب الموقع
انا كاتب اكثر من موضوع عن الطلب من الخارج
اذا كان الموقع يدعم التوصيل العالمي عن طريق احدى الشركات المعروفه للشحن فهو افضل خاصة انها يطيح منك الضرايب
اما المواقع الي تلزمك بعنوان أمريكي أو بريطاني فتستخدم الطلب عن طريق اراميكس
لا انا فاهم شغل ارامكس لكن مثال طلبك هذا لازم اكون مشترك بdhl ولا عادي اطلب مباشر وهم بطريقة العنوان ماعرف شنو اعبي البيانات راح يطلبون الرمز البريدي ومنطقتنا ماشاء الله ليومك هذا ماني عارف شنو رمزها البريدي
اوقع مو الكل يطلبون منهم اثبات
انا ما طلبوا مني اثبات.. وطلبت ٣٢ جيجا و١٦ جيجا. وال١٦ اليوم يوصل
دفعت عن طريق Google Checkout
اذا طلبت من قوقل checkout او بايبال ما يطلبون منك اثبات بتاتا البتة شرط ان الحسابين ماعليهم قيود او تزوير او limited
يمكن ليش طريقة الدفع مضمونه
شخصيا طلبت دفعت عن طريق paypal واطلبوا اوراقي
.
مبروك مقدما ، وفي انتظار تجربتك للجهاز
لا أوصيك نبي أدق أدق التفااااصيل
حتى الأشياء اللي مو مهمة نبيها ههههههه
يعطيك العافية + متابعينك ق1
ربي يبارك فيك
باذن الله أسوي تقرير
للاسف اليوم نزل ابديت 2.3.4 من غير دعم اللغة العربية
اشلون احمل الجهاز الجالكسي