مدونة أبوفلان تقنية ، أخبار ، تجارب شخصية ، مطاعم ، سياحة
قبل يومين قمت بشراء هذا العطر بناء على اقتراح من أحد الشباب في تويتر
العطر يعتبر من النوع الشرقي لكن عجزت عن معرفة مكوناته 🙂 لكن بالفعل العطر أعجبني خاصة مع البخور وريحته قوية
سعة العطر 100 m وهو من انتاج شركة ScentStory FZE الإماراتية
سعر العطر 16د.ك من عطورات العارضية
بخصوص العطور أهم شي فيها إنها تطول وماتروح بسرعه
وهالشي ماشفته بولا عطر فرنسي مهما كان سعره..
قبل جم يوم شميت عطر عند ثنتين من الزميلات عجبني
شنو هذا يا فلانة قالت فرساتشي البنفسجي وبجم جان تقولي بخمس دنانير والثانيه بــ25 تقريبا… قلتلها وييه تقليد ؟؟ قالت وأحلى من الأصلي بعد … المهم رشيت منه على ملابسي( التقليد )…يومين الريحة ماسكة بهدومي ماراحت ..
كانت مسوية يمعة مع خواتها وبنات عمها وداقين على واحد من الوسيط اذا مو غلطانة وهات اتخمط ..لووول
والمشكلة ريحته نفس الأصلي بالضبط مافرقت معاه
:/
مبروك يا بو فلان ، تتعطر منه بعرس فلان ان شاء الله 🙂
طيب معرض البدور ماعرفنا هو اصلي والا لا
انا قبل شاركت بموضوعك لكن ما تأكدنا
هل العطورات اصليه والا لا ؟
لان واحد مجربهم يقولي مافي تركيز جنك ترش ماي
وانا جربت واحد بمنتدي .. عطوراته مجيسه ونفس الكرتون ونفس كل شيء تشوفه تحلف اصلي ، يوم رشيت منه مافي تركيز بعكس الاصلي اللي عندي عطره قوي ..
ياريت تفيدنا ..
بو فلان …… التصوير كووم .. والعطر كووووم
طالما بخور راح يعجبني 🙂
مع أني أشك في ذوقك :)))
عسى ربي يطيب أعمالك
والتصوير ما شاء الله
ذهبتةلنفس العنوان فى الوصف فلم اجد المخزن او اي علامة لعطورات البدور يرجى توضيح العنوان اكثر الحين صار البانزين علة اليمين يجي حرف التي يايمين او يسار اخذت يسار وبعدين او لفة يمين فلم اجد المخزن ولفيت الثانية يمين فلم اجد شي
ابد وصلت خير
حرف التي تاخذه يسار وبعدين اول لفه يمين تلقاه ثالث مبنى ع اليسار وتلقا نزله مثل سرداب هو بالسرداب 🙂
غالبا تلقى سيارة كورولا بوكس ابيض واقفه عند المخزن ( السرداب )
عاد ما يحتاج العطر الي يوصي عليه بو فلان يقوم سوقه ما شاء الله
بس صج مثل ماقال “دايم السيف” العطر كوم والصورة كوم
عليك بالعافيه بوفلان
فعلا العطر شي و مع بخور بعد يطلع روعه
وين اقدر احصل هالعطر من وين اي محل اخوي ؟ 🙂
اهنيك على الصورة والله 🙂
وان شاء الله نجربه هالايام
عليك بالعافيه انا شخصيا عندي هالعطر وريحته قويه
والله شكله حلو واذا شرقي ومن الامارات اكيد بيكون فيه عود وعنبر اعرف سوالفهم 🙂
قلنالك مليون مره لا تشتري من العارضية
مصر انها نفس الغرشه ونفس الريحه و و و
انزين جيك على هالمقطع
وابيك تدقق بأسماء الماركات وشوف العطور نفس الشكل تماما والريحه وتنباع بأسعار رخيصه مقارنه بالسوق
http://www.youtube.com/watch?v=bjX1LIV6xy8
ادفع فلسين زياده واشتري راحتي ولا اني اتعطر بنجاسه
وشكثر الاسماء المضمونه بسوقنا بس مادري فرق الفلسين يأثر فينا بشكل كبير المباركية العارضية وعد وخربط
ود عطورك اي مختبر كيميائي وشوف مكوناتهم
أول شي أهلا بعودتك يالحبيب فاقدك من فترة 🙂
يمكن نختلف بهل العطر أصلي أو لا بالنسبة لي نعم أعقتد انه اصلي لأني شريت من كل الأماكن وكلهم نفس الشي
لكن ماتوصل اننا نشكك بسالفة انه العطر فيه بول ومضادات ومواد ممنوعة ؟
طيب انا شلي يضمنلي انه دبنهامز اصلي أو وجوه أو بيضون مانعرف مصدرهم !! ولا أنا ملزوم أروح آخذ الغرشة وافحصها لأنك بتجربة والمقارنة بيبين معاك الفرق
صح على قولة {سيف الاسلام} تتعطر منه بعرس فلان انشالله 🙂
تتعطر فيهم بعرس فُلانين يارب ( :
وجميع الحاضرين تتعطرون بطيب الجنه يارب
ممكن عنوان المحل الله يرضى عليك ..
تقول عجزت تعرف مكوناته .. العطر تصنيفه Woody Spicy
يعني اغلب مكوناته بهارات واخشاب ويتكون من ..
البيس نوتز: المسك والعنبر وخشب السنديان والفانيلا والهارت او الميدل نوتز : جوزة الطيب والقرفه والنعناع والكمون والتوب نوتز :اللافندر واليوسفي والمندرين والبرجموت
شكرا للتوضيح
هذا العطر رجالي ام نسائي
وممكن صوره للنسائي
ابغي اعرف من اي محل اشتريت العطر لو سمحت !