مدونة أبوفلان تقنية ، أخبار ، تجارب شخصية ، مطاعم ، سياحة
أخيرا حصلت على جهاز الآيباد٢ بعد انتظار شحنه لمدة ٣ اسابيع من بريطانيا
كنت قد تكلمت سابقا عن الجهاز وقمت بعمل تقرير عن مواصفاته فور الإعلان عنه ( اضغط هنا )
الجهاز أخف وأنحف من الاصدار الأول بكثير وهذه اهم المميزات التي جعلتني اقتني هذا الجهاز الجميل
حيث في السابق كانت عملية مسك الآيباد1 لفترة طويلة يتعب اليد
لكن الاصدار الجديد من الآيباد أصبح وزن الجهاز معقولا جدا
الجهاز يحتوي كامرتين أمامية VGA ضعيفة جدا وخلفية 2 ميغا بكسل مع إمكانية تصوير الفيديو بصيغة HD 720p
مدخل الجهاز من الأسفل غير مرن بسبب الإنحناء الموجود بأطراف الجهاز وادخال الكيبل يحتاج تركيز
أيضا يمكن تركيب وصلة HDMI للجهاز ووصله بالتلفزيون وتشغيل الألعاب عليه و تصفح المواقع او عمل بروجكت
كذلك المايكروفون تم تكبيره وتقويته والصوت أصبح أفضل من الآيباد الجيل الأول
تشغيل الرسوميات أصبح أسرع بما أن المعالج تم تطويره وتغييره
التنقل بين البرامج اسرع بكثير
كما ذكرت في التقرير الذي وضعت رابطه في بداية الموضوع اضافة بعض البرامج مثل photo Both وخاصية الـ Face Time
أخيرا الجهاز يعتبر ثانوي بالنسبة لي فلا يغنيك عن الهاتف ولا يغنيك عن اللابتوب
جهاز يصلح للألعاب والتصفح ومشاهدة الفيديو
جهاز جميل أيضا في حال أردت لأطفالك الإستفادة من بعض البرامج فيه كبرامج الأطفال والأحرف والبرامج الدينية
الف مبروك
الله يبارك فيك يالحبيب
على البركه يابو فلان
تكسرهم بالعافيه ان شاء الله
ربي يبارك فيك ويعافيك
اهم شي بركبله حماية عشان ماينكسر الا بالعافيه
بالمبارك بوفلان
تكسره بالعافية ان شاء الله
مبرووك اخوي
الله يبارك فيك يالمنقفاوي
هههههههه مبروك ابو فلان انا في بريطانيا الحين وشريت الايباد من يوريكا نفس السعر قبل لا امشي ليش معذب نفسك وناطر ثلاث اسابيع
والله ماتوقعت سعره ينزل بهالسرعه عندنا
الف مبروك يابو فلان ، وتكسره بالعافيه
الايباد بصوب والتصوير بصوب ماشاء الله عليك مبدع
صرت محترف تصوير 🙂
ننتظر تقرير جلاكسي2
مبروك بو فلان
اعتقد سالفة الطلب من بريطانيا الحين كلش ما تسوه الاسعار شوي شوي قامت تنزل و تكلفة الطلب صارت اعلى من تكلفة الشراء من الداخل
و اليوم بعد حاسبات العرب في (السعودية) اعلنو عن اسعارهم ابتداء من (١٥٥)
بالضبط وكلامك عدل
مكنت اتوقع هذه الاسعار لكن كثرة البائعين تؤدي الى نزول في السعر بسبب التنافس
افضل شراء الآن من السعودية
حسب علمي الكامره الخلفيه اقل من ٢ ميجابكسل وحسيت انه بطاريه الايباد الاول كانت تطول معاي اكثر
اعتقد كلامك صحيح لأنهم لم يقوموا بتغيير البطارية او زيادة قوتها بينما قاموا بزيادة سرعة الجهاز وهذا الشيء سيؤدي الى اختلاف في ساعات الاستهلاك بين الاصدارين الأول والثاني
يعطيك خيره يكفيك شره
اهم شي وخره عن اليهال وانت بخير 🙂
وشكرا على النبذة اللطيفة
جنك تدري شاريه حق فلان 🙂
بس الحماية ان شاء الله تسوي شغل
ماشاء الله تبارك الله
الله يعطيك خيرة ويكفيك شرة
الايباد اللي طالبة في كيبورد عربي من المصنع
جميع اجهزة أبل معربة من المصنع
الله يعطيك خيره ويكفيك شره رائع جدا وموفق يارب
ليتك مصور الخروف فيه خخخخخخخخ
الخروف انتحر من تقريص فلان 🙂
مبروك يابوفلان والايباد ماعليه كلام
بالنسبة لي التكلفة كانت 270 دينار كويتي عدا ونقدا مع التوصيل
اشتريته هدية للوالدة
الصراحة الجهاز قوي وافكر اضرب عليه من الوالدة
أنت أخذت المواصفات الأكثر
وتستاهل الوالده وخذلك واحد ثاني لاتكسر فيها او اقعد ذم الجهاز لين تقولك ما ابيه 🙂
مبروك مبروك يالحبيب
تكسره بالعافيه .. واختيار موفق
الله يبارك في يالحبيب والفال لجهازك تكسره بالعافيه 🙂
مبروك مرة ثانية 🙂
أنا من جربت الألعاب القوية على iPad فكرت إني أشتري iPad 2.
ربي يبارك فيك يالحبيب
اعقتد انك بديت تنفتن بأجهزة شركة أبل
فعلا القيمز بالأجهزة جذاب وقوي
مبروك وصول الجهاز وانا جهازي ياي بالطريج وهله هله بالبرامج السنعه
الله يبارك فيك وابشر
الف مبروك وبألف عافيه ..
تفضل http://www.apple-kw.com/?p=372
الله يعافيك وشكرا وبالتوفيق
ماعليه سوالي مختلف
الستارة اللي بالصورة من وين؟
الستارة هاذي طال عمرك انا مركبها
تروح ايكيا وتختار ثلاث ألوان تبيها وبعدين تمر أقرب تنجيد ستائر وتقوله ركبلي اياهم
كلفتني تقريبا 30 دينار
يعطيك العافية ياخوي ابوفلان شرح وافي وكافي …. 🙂
الله يعافيك أخوي كيفان حاضرين للطيبين
مبروك
اهم شي تشتري سمارت كفر و انصحك روح اكس بي في شارع ابن خلدون سعر الكفر الاسود ١٨ يعني نفس سعر ابل
السمارت أعتقد حماية مو ذاك الزود
وشكرا على الإقتراح بحاول امره اشوفلي حماية زينه ضد تكسير العيال
مبروك وتكسره بالعافيه ^_^
ربي يبارك فيك أخوي هاني
اترك عنك الايباد بوفلان
الستارة اللي بالصورة …
من وين وبجم ؟
تمت الإجابة فوق 🙂
تكسره بالعافيه والله يعطيك خيره ويكفيك شره
مبروووووك وتكسره بالعافيه انشالله 🙂
,‘
سلآم عليكمْ
طيب سؤالي مَ يمديني آستخددم القططعه فِ آيبآد 1
آتوقع آلآ !
وغغير كدا برضووْ مَ يمديني اشبكك فلآش يو اس بيْ فيها !!
:/