مدونة أبوفلان تقنية ، أخبار ، تجارب شخصية ، مطاعم ، سياحة
توجهت اليوم الى مبنى البريد الحكومي أبو صناديق حديد 🙂
صندوق البريد قد تحتاجه في حال رغبت بطلب بعض الأشياء من الصين لتوصيلها مباشرة الى الكويت أو تستقبل فيه بعض الأوراق خاصة اذا كنت تتعامل مع قوقل أدسنس وتنتظر وصول كود التفعيل 🙂
سعر الصندوق ٨ دنانير = ٥ للصندوق و ٣ تأمين على المفتاح
وصورة البطاقة المدنية
يتم تزويدك بعدها برقم الرمز البريدي ورقم الصندق ويسلمونك المفتاح
حلو .. الله يعطيك العافية .. هذا اللي كنت ابي معلومات عنه
بروح افتحلي صندوق 🙂
العفو طال عمرك
أرخص من اراميكس وبدون فلوس شحن بس التأخير الله يعينك عيله
السلام عليكم. والله يابوفلان انا انصح بارامكس ارخص وافضل شركه بالكويت البريد الحكومي خساره انا طالب علي البريد الحكومي شوية مكملات غذائيه وزنها7 كيلو طلع علي الشحن الدولي اغلي من الاغراض الشحن بروحه42 د ك والجمارك22 د ك وبنك التجاري دينارين وتخليص جمركي للشركه 4 د ك وعليك الحسبه انا حسبتها لو طالب من ارامكس ارخص من الصندوق الحكومي ب 30 د ك
عندنا صناديق حديد ( :
يعني بسوي مثل الافلام الاجنبيه أخش مستنداتي بهالصندوق , خوش معلومات بوفلان
لفتح صندوق لي, بو فلان يصير نروح المبنى العصر ولا بس الصبح ؟
بس الصبح
هههههههههه
شهالصدفة يا بوفلان ، اليوم راح مع واحد من الشباب حق البريد ، و اخذتلي فرة على هالصناديق كنت ناوي اصور و اكتب عنهم بس الي رحتله قديم جيل مو مال تصوير
لا تقلد 🙂
زين سويت صحيح انه قليل استخدامه بس لازم نجرب
هل المبلغ ٨ دنانير في السنه ولا فقط ال٥ في السنه؟
وايد تفرق ؟
أنا هذي مشكلتي مع قوقل ادسينس
صارلي سنيييييييييييييييييين اراسلهم واعطيهم عنواني
بس عمك أصمخ
افا ولي الحين ماوصلك شي ؟
والله خوفك نفس الحاله انا لي الحين ماوصلني شي لكن توني مسجل مو بعيد
ههههه بوفلان عطني رقم صندوقك بدزلك رساله خنشوف متى توصل ..
طبعا ماكو اشتراك شهري او سنوي صح ؟
ههههههه بو سالم 🙂 شرايك نسوي سبام على صندوقه البريدي 🙂
=====
لو قايل لي جان عطيتك عنوان صندوقي وخليتهم يرسلون رسالتك عليه 🙂 لأن ماراح تحتاجه إلا مرة وحدة بس عقبها شغلك كله بالدي اتش ال ، وان شاء الله قريب يفعلون لنا الويسترن مثل السعودية وغيرها من الدول العربية
وبنفس الوقت وفرت عليك 8 دنانير ومشوار هاهاي
موفق خير بوفلان
ملاحظة : خوش بريد هذا !! انت ساكن بالضاحية << ماخذ فكرة أن الضاحية احلى من فرنسا
فيه شهري بس ماتسوى السالفه 🙂
ذكرتني بـ مركز بريد منطقتنا اهدموه و بيبنون بداله بنك !!
مادري وين راح يروح بريدنا :\
يمكن يدمجونه مع مركز ثاني او انقلوه داخل مبنى ثاني بنفس المكان
للامانه احنا عندنا من زمااان
فجربت احد المرات طلبت من الصين كم شغله والميزه اللي عجبتني صراحه انهم هم يوصلون ببلاش !
طق علينا الباب ولا الموظف كويتي يقولي فلان فلاني وعطاني الاغراض !
ممتاز
شكرا لنقل تجربتك الفال لنا بس عسى مايضيعون اغراضنا
انا طالب واايد واايد اغراض من الصين من ايباي وجم موقع
اعطيه عنوان البيت ورمز البريدي للمنطقة للتسهيل بعملية الفرز
ويوصلي لي البيت بدون صندوق بريدي ولاهو يحزنون
واذا شي ثقيل من الصين او بريد امريكا استلمه من سنترال كيفان هناك بريد الحكومي العالمي يوصل بالسنترال
انا كنت مسوي نفس طريقتك .. مليون شغلة ماوصلت .. وجم شغله وصلوا بعد شهرين مادري 3 شهور
بوفلان عندي سؤال برا الموضوع، انت كنت كاتب في تدوينه سابقة ان وحدة من شركات الاتصالات بالكويت مسويه خدمة يعطونك ٢ سيم كارد على نفس الخط علشان تحط واحد بالآيفون و واحد بالآيباد مثلاً، صح انت كاتب عن هالموضوع والا انا غلطان ؟
كنت كاتب موضوع من باب تحريض فيفا انها تفعل هالخدمة وهي تعدد الشرائح
شركات السعودية تقدم الخدمة
لكن الشركات الكويتيه ماتقدها
اكتب بالبحث تعدد الشرائح
صراحه انا مادري شنو فايدة هالصندوق بالضبط
ممكن يكون حق مراسلات او ماشبه ذلك
لكن انا من زمان اطلب اغراض من الصين
وغيره من الدول
ويكون الشحن على البريد الدولي
والبريد الدولي الحكومي نوعين
فيه نوع يوصلك للبيت ( هذا يكون شركات خاصه تبع البريد الدولي )
وفيه نوع انت تروح تستلمه ( هذا البريد الحكومي البحت )
والصراحه خدمات البريد عندنا في الكويت فاشلة لدرجة ماحد يتصورها
ونتمنى انهم يطورون بالخدمات
ولو كانت مقابل مبالغ مادية
الأهم نحصل على خدمات مفيده
ووين موجوده هالصناديق ما قلتلنا يابو فلان؟
يعطيك العافية انا طالب بأمريكا ولما ارجع للكويت افقد هالشي وجزاك الله خير نورتنا بهالموضوع 🙂
عند اي جمعية تعاونية تلقى مبنى للبريد
ابوفلان ماقلت لنا فيها اشتراك سنوي وشلون نظام الطلب شغلات شخصية ولا عادي بكميات عشان سالفة الجمارك وشنو الدول الي اقدر اطلب منها ادري ضايقناك بالأسئلة ماعليه تحملنا
الاشتراك لمدة سنة
والاغراض الي تطلبها على حسب الموقع اذا كان عنده توصيل دولي او لا
لكن الشحنات الكبيرة تستلمها من سنترال كيفان البريد الممتاز
مال البلاش ربحه بين عطهم الرمز البريدي بسسسس طال عمرك
بوفلان انا طالب كميه من امريكا قبل اسبوع وزنها 25 كج فهل ياخذ منك البريد رسوم؟
انا صارلي اكثر من 5 سنين وانا اطلب من ارامكس ومثل منت عارف الشركات هذي تحاسبك علي كل نص كيلو دينارين ونص
صبحكم الله بالخير ،، انا طالب جم شغله من الصين عالشحن المجاني من أسبوعين وحاط عنواني ورقمي هل لازم افتح صندوق بريد ولا يدقون عليك ولا أروح ادورهم بمكان ولا شالنظام؟
اي بضاعة عن طريق البريد الحكومي توصل الى سنترال كيفان وهم يدقون عليك لكن اذا ماتصلوا عليك راجعهم