مدونة أبوفلان تقنية ، أخبار ، تجارب شخصية ، مطاعم ، سياحة
,
مايحتاج نقول انه مطعم أمريكي 🙂
رحتله بوقت مافي أحد الساعه وحده الا عشر قبل لا الناس تطلع من دواماتها
والميزة انك تلقاه فاضي والشيف يمخمخ لما يطبخ وبين هالشي بالستيك يوم يابولي اياه ..
المقبــــلات
ماك جيييز
عبارة مكعبات جبن مع معكرونيا مقليه
طعمه ممتاز وحلو
والي بعده طبعا مافي كويتي مايعرف بطاط تويستر مال فرايديز
وهذا طبق ثمار البحر
عبارة عن سمج وربيان وخثاق كلهم بالبقصمات
الأطبــاق الرئيسية
ربيان بالبقصمات ماشاء الله عنيف هالطبق والربيان طييييب جدا جدا
ببداية الموضوع قلت انه ميزة الوقت الي مايكون فيه زحمه الشيف يكون فاضي ويضبطلك الطبخه
وفعلا قالولي الستيك راح ياخذ 25 دقيقه قلت مو مشكلة
يوم يابوه طلع ألذ قطعة ستيك كليتها من فرايديز على كثر روحاتي له هاذي أحلى قطعة كليتها
طرية حدها ومطبوخه مضبوووط
وهذا عصير الكتريك
صودا وليمون وما ادري شنو 🙂
التقـــــييم
جودة الأكل 9 / 10
الخدمة 9 / 10
المكان 8 / 10
السعر 9 / 10
,
عوافي عوافي 🙂
الله يعافيك منور 🙂
بالعافية، الحقيقة مطعم فرايديز من المطاعم المفضلة لدى شريحة كبيرة من العوائل لجودة الطعام والأسعار المعقولة.
في عندي تساؤل، اسم المطعم هو T.G.I. Friday’s وهي اختصار جملة Thank God It’s Friday، يا ترى شنو سبب هالتسمية؟
الله يعافيك أخوي كويت10
أحسنت دائما العوايل تلقاهم زحمه على هالمطعهم
ومن مميزاته سعره مقارنة وجودة اكله مقارنة بتشيليز وأبل بيز
بالنسبة للتسمية الله اعلم شنو المقصد منها !!
الرد موجود بمدونة دودو:
http://dodoq8.blogspot.com/2010/04/what-is-your-top-3-restrant-in-kuwait.html
ماشاء الله
تم اضافة المدونة للقوقل ريدر لمتابعتها
شكرا
عليك بالف عافية
بس دير بالك من هالعصير
ترى ادمان ويقولن أنه مو زين
كله الوان
بس لذيذ
🙂
الله يعافيك ان شاء الله
والله طحت فيه طيحه كل مطعم ادور اي شي ازرق فيه ليمون 🙂
مشكلتنا نفكر بالمتعه اللحظية وماندري شنو العواقب
ما اقدر اهده لو فيه طباشير 🙂
احبه هالمطعم وخصوصا مقبلاته لذيذه ..
مشكور ..
وبالعافيه يارب..
العفو
وماتنلامين محبوب الشعب هالمطعم
والله يعافيج
بالعافيه 🙂
يعافيج ربي
والله انا هالمطعم مااكل عنده بكثره والسبب مرات الزحمه والناس ,,
بس يبيلي ارد اكل عنده اجرب اطباق جديده
تسلم ايدينك يابو فلالالالان يالبطينييييييي
صدقت زحمه وعوايل لانه رخيص وزين
والله يعافيك ان شاء الله
روحله بحزة اختبارات الطلبه مافي ولا قطو 🙂
سلام بو فلان
ان شالله تكون و العايله الكريمه بخير
انا جني قريتلك من قبل انك مسوي ريجيم !!
الاطباق اللي حاطها كلها الغام سعرات حراريه الله يهداك
لا يحوشك .. هذيلي يردون بيوم اللي انا نزلته بشهر
شكرا 🙂
ياهلا بالعم
ابشرك بخير ونعمه بفضل الله
انا ويييين والرجيم وييين وام فلان ماتساعد طباخها مايشجع ع الرجيم لازم عيوش ولبن وككاو ههههههه
موضوع الرجيم وقف قيده كورسين على ما نخلص دواام 🙂
بالنسبة للأكل ترا لايت وخفيف 🙂
والعفو
عليك بالعافيه
اختيارك للأطباق لذيذه
نجرب بالعطله شورانا
نبعزأ الفلوس بالمطاعم
الله يعافيج
أطباقه ممتازه بس فيه جم طبق يديد تعبان مثل كوكتيل الربيان سيء جدا جدا
والفلوس رايحه رايحه في المال ولا في البال
عليك بالعافية:)
من مطاعمي المفضلة:)
الله يعافيج
مي تو
انا فضولي
ابي اعرف عصير الفراولة حق منو ..هاااااااااااااااااااا
ايه هذا يايبينه بالغلط 🙂
بس شربناه 🙂
g,الي منزل الصور ابي اعرف كم اسعار اكلاتهم يعني لو 3 اشخاص
كم يبغالهم فلوس عشان يتعشو ولك مني كل الشكر والتقدير
3اشخاص تقريبا يطلع 28 دينار
دخلتة وصار الحساب 1000 بس عاد لايفوتكم تراه المطعم نايس
اسم فرايديز
Thanks Gud Ness its fry day