مدونة أبوفلان تقنية ، أخبار ، تجارب شخصية ، مطاعم ، سياحة
.
طبعا الكل متضايق من قصر كيبل الآيفون
بعد أن كتب الأخ Q8ping في مدونته أن ورشة مايكل الصيني في حولي توفر هذا الكيبل بمبلغ دينارين توجهت الى هناك وقمت بشراءه
فعلا تحتاج كيبل طويل خاصه في حال أن الكهرباء كانت بعيده عنك نوعا ما
الكيبل طوله مترين يعني أطول منك 🙂
.
.
صيني؟؟ اخاف يخرب الجهاز
كيبل ما يأثر لو شاحن كامل اعتقد صح كلامك
ماشاءالله طوله مترين, بدال ما أشحن جهازي ألعب بالكيبل نط الحبل ( :
بوفلان مافي منه الوان؟
الوااان !؟ هذا كيبل شاحن مو خيوط لابجين 🙂
اتعب يالكامره
صادوه 🙂
شلون الجودة ؟
لان السعر مغري صراحة ؟
الجودة جيده جدا يعني مو بوطقه مبين عليه زين
ابوو فلان .. شلوونه من ناحية الجوودة ؟!
الصيني يخووف الصراحه
عاد خابرك ازقرتي تهتم بأموور الكواليتي ..
لو انه محول وشاحن صح بتعب ع الجوده
بس واير ما يأثر وللأمانه جودته ممتازه
طوله ممتاز ..
أنا جرب العادي عندهم حلو ومافي مشاكل ..
وجربت قبله نوع ثاني من حولي طلع بطيء في الشحن
ماجربت تلشط فيه طلبتك 🙂
شي طيب لان الطول مطلوب احيانا
بالمبارك
والله يوصل بعيييد احسن من القصير تقعد تمغطه لين يتزلغ راسه
بو فلان ممكن رقم المحل او عنوانه
شكرا
حولي شارع بن خلدون مقابل تسجيلات رويشد
بيفك ازمه
مشكور
العفو ومن قلب
وينك عني من شهر ! شريت واحد مثل وايرك بالضبط ونفس الطول بس بخمس دنانير وما رضى ينزل ولا فلس . المحل واحد من محلات شرق اللي عند مكاتب السيارات .
صاحب محل ورشة مايكل رجل محترم
الله يوفقه
ادري داش عرض. بس حبيت اقول هالشي 🙂
صاحب محل ورشة مايكل رجل محترم
الله يوفقه
ادري داش عرض. بس حبيت اقول هالشي 🙂
نص جمال الريال طوله
قصدي الشحن هههههه
اي نايس الشحن الطويل بس الاصلي الي يكون من تحت مكتوب شاينه
الطول مطلوب لكن فيه مشكله فنيه
كل ماطال السلك اصبح هناك مفقودات بكمية الفولت المتدفقة بالكيبل
وعلشان تميز ان الكيبل ياثر او لا تقدر تتكد عن طريق متابعة حرارة المحول او حرارة البطارية
يعني ياشباب انتبهو لاتنفجر المحولات من الحراره بسبب طول الكيبل
او تخرب الجوالات عن طريق شحنها بالكمبيوتر او تخرب منافذ اليو اس بي
موفقين
شكرا على التوضيح
مافي إلا العافية إن شاء الله
يصلح تعلق عليه ملابس فوق السطح ..:)
لا غلطان تخليه مربط للفرس p;
الشاحن بوطقه ويشحن بطيييييئ والكل راح يلاحظ الفرق مع العلم اني بس ماخذ واير ولا البلاك اصلي
شنو الحكمه ان ابل تخلي الشاحن قصير ?
الحكمة وهوا صغير ان الكهرباء تصل للبطاريه بما يتناسب مع حجمها
انا عندي كيبل ٣ امتار من greffin شريته من اي سيتي
يجي عريض وقوي يعني الميتيريال حلو حيل
وسعره ١٣ دينار للي يخاف ويحافظ على ايفونة ^_^
والله انعوجت الرقبة من وايرهم
بس انا ابي اطول من مترين اذا فيه
مشكور بوفلان
ورشة مايكل الصيني
تعرض لكم هذا كيبل بطول مترين وهو تم صنعه علي افضل التقنيات وافضل جوده …كفالة هذا الكيبل 3 شهور من تاريخ الشراء وتسقط كفالته في سوء الاستعمال
السعر 4,900 فلس
الاخوه فقط للتنويه …سعر دينارين وهو السعر للجمله وكان عرض وقتها
اما الان فرجع سعره الاصلي 4,900 وعليه كفالة 3 شهور من تاريخ الشراء
فقط للتنويه
ممكن تدليني موقع ورشة مايكل الصيني وانا لك من الشاكرين
شارع بن خلدون مقابل محل رويشد