مدونة أبوفلان تقنية ، أخبار ، تجارب شخصية ، مطاعم ، سياحة
.
الكثير يسألني هل أشتري الماك بوك من الكويت ولا أطلبه من بره ووين افضل مكان !؟
في الحقية أفضل شراء هو من السعودية عن طريق شركة حاسبات العرب وكيل رسمي عن شركة أبل في السعودية
.
مميزات الشراء من من السعودية :
* الكفالة لمدة سنة مع وجود متخصصين ومهندسين بشهادات معتمده من أبل للصيانة .
* كيبورد عربي يوفر خاصية الإضاءة للأحرف العربية والإنجليزية .
سلبيات الشراء من الكويت أو من أمريكا :
* الكيبورد عند الكتروزان مطبوع عليه العربي بالليزر وبالتالي ستفقد ميزة الإضاءة ومن أمريكا يكون الكيبورد غير معرب .
* الكفالة لاتوجد في حال طلب الجهاز من أمريكا وعندنا كفالة لمدة سنة ولا أثق صراحة بفريق التصليح .
.
حاسبات العرب VS الكتروزان :
* يجب الإنتباه هنا الى أن المقارنة هنا في الصور بين أجهزة ماك بوك برو الجديد الي نزل قبل اسبوعين تقريبا عند حاسبات العرب في السعودية , وبين عروض شركة الكتروزان للأجهزة القديمة الي تم طرحها في السوق السنة الماضية ويتم الآن محاولة تصريفها بايهام الناس الي ماتعرف للماك بس بياخذونه موضه أنها أجهزة جديدة وعليها Amazing price كما نشرها حساب الكتروزان على تويتر 🙂
.
أسعار حاسبات العرب للأجهزة الجديدة
هنا موقع أفرعهم على حسب موقعهم ( اضغط هنا )
.
.
أسعار أجهزة الكتروزان للأجهزة القديمة مع عرض على حسب كلامهم .
.
.
نصيحة !
* من يرغب بشراء الماك بوك برو ياخذه من السعودية الا في حال عدم حاجته للكيبورد العربي وعنده أحد يقدر اييبله الجهاز معاه من أمريكا .
.
سؤال ؟
* هل تعتقد أني سأكتب هذا الموضوع في حال وجدت اعلان شركة الكتروزان في مدونتي ؟
.
أنا مستغرب صراحة انه مافي وكالة ابل بالكويت حتى الحين
مع انه مشروع ناجح لو افتتحوا الوكالة
وفيه ناس علبالهم انه محل الاي سيتي بالافنيوز وكيل لكنه موزع عادي حاله حال المحلات الثانية
فعلا ما أدري اشلون طريقة أبل في هالسالفه وأخذ الوكاله
لكن وكالة أبل أعتقد صعبة لأنهم أكيد يشرطون عليك سعر معين ماتتجاوزه وهالشي مايعجب ربعنا
بوفلان
ليش ماتبي إعلانات في مدونتك ؟؟
أتوقع ستتقاضى عن موضوع المقارنة بين الكتروزان وحاسبات العرب أو بتغيير بسيط فتكون المقارنة بين الشركه السعودية والشركات في الكويت
يعني لو افترضنا أن الموضوع انكتب عن حاسبات العرب فقط لن ينقصه من ذلك شيء
المدونة لتبصير الناس مو لعمل دعايات وتصير نفس جريدة الوسيط 🙂
لكن ماتمنع الصراحه وجود اعلانات
محد بيقاضيني ابدا لايوجد قانون يجرم مايكتب هنا حتى لو قاضوني بتزيد الشهره وبيخسرون القضية لاني كتبت موضوع صحيح 100%
اقصد راح تستغني عن المقارنة
شكرا على الموضوع
مشكور علا المصداقية والصراحه …. الله يكثر من امثلالك 🙁
العفو وربي يجزاك خير
قاعد ادور واحد من فترة
استخدامه بالتصاميم اقوى من الوندوز
بس الي عندنا صج اي كلام
اليوم نويت اشتري من برا
بس الظاهر لي سفرة للخبر هاليومين 🙂
الله يعطيك العافية خيو
وموفق خير ان شاءالله.
الله يعافيك
أنصحك فيه للتصاميم والمونتاج شي خطير الماك
وترجع بالسلامه ومبروك الجهاز مقدما
الي اشوفه من المدونين بغض النضر عن الاخ هورنت (لانه وحش) يتلكلكون ويتغاضون عن ذكر مواضيع عن المعلنين عنهم، وحسبالهم المتابعين (خفاف عقل) او (تمشي عليهم) ولاكن اذا استمر الوضع جذي، راح نطالب بأسقاط المدونات
وبوفلان انت كنت وحش قبل بس الحين بديت تخرب (الظاهر من الشهره) متغيره مواضيعك
لاتقارني بهورنت الكبير كبير
مواضيعي متنوعه غير متخصصه وهالشي يمكن هو الي يخليك تحكم انها غير عن أول 🙂
بو فلان الصراحه كبرت ابعيني وايد مدونين يطنش في موضوع انه في شركه تنصب على الناس وحاط اعلاناتهم في مدونته اقدر استأذنكك واقول قواك الله والله يكثر من امثالك ^_^
ربي يبارك فيك
مايمنع أحط اعلانهم لكن أصارحهم بكل شي
بارك الله فيك
لابد من تنوير الناس
ولا محل ورشة يسوي قورمات بـ ٣٠ دينار ها هاهاي
الله لا يهينك يا بوفلان
كلنا وراك يا ريس 🙂
كل شي ولا محل ورشه .. الحراميه هههههههههه
بس حسيت اني مقفل لما رحتلهم .. ما ادري ليش !
ولا ٣٠ دينار على كوماند + C ههههههه
ورشة غير 🙂 هذاك صك عليهم نفس القذافي مع حسني وبن علي
الله يعطيك العافية يا ابو فلان
الصراحة مواضيعك شهادتي فيها مجروح
انت ممتع للغاية ويشرفني اني اكون احد متابيعك بستمرار
وبالنسبة للسؤال اللي طرحته
لو كانت المدون شخص ثاني كان جواب ( لا )
لكن انت ما تعودنا من غير الصراحة والجرأه
وهذا اللي يخليني اتمسك بمتابعتك دائما
كل الشكر لك
الى الامام الى الامام
ثورة ثورة ….
:”>
ربي يبارك فيك على الكلام الطيب الي افتخر فيه
والمدون لازم يكون صريح لأن هناك من يثق في رأيه دون بحث ومشاوره
الصراحه اللي يشتري من الكويت ما عنده سالفه ..
بس اكو موقع لازم تتطرقله http://www.macble.com
اما بخصوص الكتروزان .. حتى لو حطوا اعلانهم عندك .. كلمة الحق لابد ان تقال 🙂
الموقع ممتاز وأرخص بكثير من يوريكا والغانم واوزان
ويعتمد على الطلب والكيبورد ايضا معرب مو اصلي لكنه يبقى الأرخص
اثبت بالدليل القاطع انك مزدوج
شكرا لك
حاسبات العرب تمثل شركة ABM
من يمثل ABM في الكويت؟
يمثل ABM في الكويت شركتين :
ديجينز Diggits
آي سيتي
وهذيل هم المعتمدتين من ABM وهي الوكيل الحصري لآبل في الشرق الأوسط
موقعهم اللي فيه أسماء وكلاءهم بالكويت :
http://www.abmme.com/en/support/where-to-buy.html
http://www.abmme.com/en/apple-authorized/kuwait/?type=premium-resellers
مشكور ع المدونه الاكثر من رائعه اخوي ابو فلان وانا متاكد مو انا اول واحد يقول هالكلام عن مدونتك
بس للمعلوميه حبيت اضيف انك ممكن اذا شريت من امريكا او احد افرع ابل تقدر تطلب منهم طباعه اللغه ع الكيبور ومجانا لانها من سياسه ابل انهم يوفرون كيبورد بلغتك الام
وتقبل مروري اخوي ابو فلان
شكرا على كلامك الطيب
الكيبورد اقدر تطلب تغييره بأمريكا ويكلفك 400دولار وتستلمه بعد عشر ايام
بوفلان مشكور على الموضوع مع ان مالي نية اشتري كمبيوتر بس هم شي زين علشان نعرف مستوى الصلخ بالأسعار عندنا بالمقارنة مع الدول المجاورة.
عندي سؤال، من وين يبت إعلان الكتروزان هذا ؟ يعني يديد توا حاطينه بالجريدة والا قبل اسبوعين مثلا لما نزل الماك اليديد ؟ والا انته امصممه حق الكتروزان وتبي تطلع من وراهم بيزتين بس لما اسحبوا عليك شرشحتهم هني بالمدونة 🙂
أتغشمر وياك بس صج ما مر علي الاعلان هذا بالوطن ولا بالراي.
تم نشر الاعلان عن طريق حسابهم في تويتر
ابدا مافي زعل 🙂
مادري شنو السبب الي يدفع بعض الناس عن السؤال عن اعلان الكتروزان موجود بصفحتهم بالفيس بوك روحو تأكدو بنفسكم واي توه الاعلان جريدة 5 مارس كان نازل
http://www.facebook.com/Electrozan
قواك الله بوفلان
أول مرة أدري ان السؤال عن مصدر معلومة يزعّل !
لانه فيه نوع من التشكيك بالمصداقيه
فهنالك في الكويت اكثر من 5 جرايد هل بحثت في كل واحده منها ؟
يعني تبيني اروح اشتري جرايد امس اللي اساسا انسحبت من السوق، وعقب ادور فيهم وحدة وحدة، بدال لا اكتب سطر أسأل بوفلان بثواني واهوا يجاوبني ؟! وينك اذونك،، كاهي.
بعدين في كل كتب الأئمة والعلماء لما ينسبون قول أو معلومة لأحد تلقاهم يحطون بأسفل الصفحة المصدر او المرجع لهذه المعلومة. فهل قيامهم بهذا الفعل لأن الناس شاكة فيهم ؟ وايد تمام انته .
كلام من ذهب يابو فلان
بس للامانه انا رحت هناك وشفت الاجهزه في بعضهم قديم
اما اللي سعره ٣٩٩ هذا قبل الاخير اللي نزل قبل فتره والسعر ممتاز جدا مقارنه مع باقي المنافسين !
ومعلومه جديده عن السعوديه صراحه ^_^
ياهلا وغلا
الأسعار المعروضه الآن لآخر اصدار للماك والكل يتحدث عن الأسعار الممتازه جدا
الكويت عندنا جشع أو قل أن كمية البيع أقل من السعودية وبالتالي يعتمدون رفع الأسعار بدل نظرية السعر المنخفض والبيع الاكثر
الصراحة انا متابعة جديدة لمدونتك و الصاحة استانس عالمواضيع و ان شاء الله للامام دائما ..
بالنسبة لي اول مره اسمع عن شركة حاسبات العرب و اشكرك على مدحها ..
و لكن كلامك عن الكتروزان انا ما عجبني بصراحة
لان انا اخاف من هالامور اللي قد يكون فيها قطع ارزاق لان الناس اللي قرت موضوعك ما اتوقع بتشتري من الكتروزان (( قطع الاعناق و لا قطع الارزاق ))
تقبل و جهة نظري و اشكرك كل الشكر
أشكرج على كلامج الطيب
بالنسبة لطقع الأرزاق أان هنا لتبصير الناس بنصب الشركات وارتفاع اسعارها
كما لو سألني شخص عن أفضل مكان يبيع آيفون ونصحته بمحل معين فهذا لايعني قطعي لرزق المحلات الأخرى
أبدا وجهة نظرج ولها كل الاحترام
الحمدالله اني متعلم شغله وحده اني ماعامل الشخص بأخلاقه
وحصل خير اخوي بوفلان 🙂
السّلام عليكم
اخي ابو فلان في رأيك ، ماهو أفضل جهاز ابل لبرمجة الآيفون ؟ حيث اني أود تعلم البرمجه واود معرفة نوع الجهاز الافضل للبرمجه ؟؟
واللابتوب الذي من السعوديه ، هل فيه أحرف عربيه وإنجليزيه ام فقط عربيه ؟؟
واشكرك جزيل الشكر ..
أجهزة السعودية عربي انجليزي بالنسبة للكيبورد
وكل الأجهزة تصلح للبرمجة وبرنامج البرمجه لايعتبر من البرامج الثقيلة على الجهاز
انصحك بحجك ١٣ انش شخصيا احب الحجم الصغير الا اذا كنت تريده ثابت وقليل التنقل
يعطيك العافيه اخي ابو فلان ..
طيّب ، أبطلب لابتوب ماك من السعوديه ، عن طريق اي شركه اقدر اطلبه ؟
وهل الافضل للبرمجه ماك برو ؟
أسعدك الله كما اسعدتني بإجابتك السابقه .
السلام عليكم ,
أنا محتار بين ال 13 وال 15
أريد جهاز خفيف ولكن كرت الشاشة في ال 15 خطيييير .
السؤال هل احتاج كرت الشاشة في الشغل اليومي وهل لو خذيت ال13 سوف اندم على شيئ ؟
ولا تنسى فرق السعر ايضا 🙂
شفت اعلان ل يوريكا للبرو الجديد أعتقد اسعرهم مناسبة
(13″, i7 ) ب 499 دينار كويتي , ما رايك ؟ وهل يوريكا مضمون ام أطلب من أمريكا او بريطانا ؟
شكرا مقدما و جزاكم الله خيرا على المعلومات .
وعليكم السلام ورحمة الله
اذا ماكنت صاحب قيمز وتشغيل ألعاب ماتحتاج ال ١٥ انش
كرت الشاشه الموجود في ال ١٣ انش ممتاز ولا يضره ابدا التصفح والعمل العادي اليومي
أسعار يوريكا مقارنة مع الخارج غاليه والكيبورد العربي فيه مطبوع طباعة وليس من الشركة الأم
أنصحك تطلبه من أمازون
الله يجزيك الخير , امس ذهبت ليوريكا ولقيت الكيبود بالانجليزي ( وهو المطوب 🙂 ) ولكن للأسف ال 13″ خالص من عندهم , بس في ملاحظة : من بحثي في الانترنت و جدت الكثير يشكو من الحرارةالغير طبيعية على الاطلاق بالذات ال 13″ , هل ذلك بسبب نظام التشغيل ام هناك عيب مصنعي ؟
مع العلم المشتكون لا يستخدمون الجهاز بشكل ثقيل , مثلا ممكن ان ترتفع حرارة الجهار لدرجة عالية بالاضافة ارتفاع اصوات المراوح أيضا بسبب تشغيل أكثر من صفحة you tube!!!!
لأني بدأدت أتردد من الشراء , خصوصا أنا جديد على الماك
أخي الكريم ,
لقد ذهبت الى icity وقالوا لي أن أجهزة القادمة من أمريكا هي متوافقة مع الدول العربية من ناحية WIFI و لكن ستواجه مشلكة اذا حاولت الذهاب الى اوروبا حيث ان ال WIFI لا يشبك هناك . فهل هاذا صحيح ؟
وهل هناك مشاكل في الحرارة؟
سامحنا اذا طولنا عليك 🙂
شكرا ,,,,