مدونة أبوفلان تقنية ، أخبار ، تجارب شخصية ، مطاعم ، سياحة
.
.
شخصيا أتمنى لو يتابعني مديري في الدوام لأنه شخص غير إجتماعي ويجعل بينه وبين الموظفين فجوة حتى يتمكن من تطبيق القانون بحذافيره واحيانا يتجاوزه
لكنه لو فعلا تابعني أعتقد أني سأرتاح لأن الكلام الذي أقوله في نفسي سأكتبه وسيصل إليه مباشره 🙂
.
سؤالي لكم ماذا لو كان مديرك/مديرتكِ يتابعك على الفيس بوك او على تويتر ؟
وأنت تعلم أنه يتابعك
فهل ستجامل ؟ أو تتوقف عن الحلطمة من الدوام ؟
أو ستختار أوقات مناسبة للكتابة بتويتر ؟ أو بيشوفك تكتب الصبح يقول هذا فاضي خل اكلفه بشغل 🙂
.
انا مدرسي يتابعني بتويتر P:
وعادي ظليت كما أنا ، بس التحلطم ما نقدر نوقف عنه
يمكن المدير غير عن المدرس بس انت غير والله لو انك طالب عندي أعتز إني أدرسك
مديرتي سابقا معايا الي الان علي تويتر و اتكلم دائما معاها
شخصيتها مريحه و بعد تركي لمكان العمل وهي كذلك اخدت راحتي اكتر
ماشاء الله شي طيب أن يكون هناك تقدير وحب بين المدير وموظفينه
اللهم يمن علينا 🙂
لوووووووول انا شخصيا ماراح اجامل 🙂 اعطيه من تحت الحزام
تسلم بوفلان ع المواضيع الروعه
ايه هذا المفروض يعجبني الصراحه وهم التقزات محموده
يكـون أحسن ،، بأترقى في خلال اسبـوع ..
يعني من جوابك بتشتغل مجاملات 🙂
خله يشوف , تلقاني أبط الجربه وأبث مافي قلبي, بالرغم اني بثيت من قبل ودوم كلمته تكون فكره حلوه بندرسها !! ماصارت دراسه ,, الله يسمع منك ويدش على الاقل يتابع ويعرف احتياجات الاقسام, وحتى لو قال اشعندج بالتويتر اقوله مو شغلك انت اشدراك اني بتويتر ولا بالفيس بوك ؟!! انت بعد داش فجابل شغلك احسن ولا حلال عليك وحرام على غيرك ههههههههههههههههههههه <<<< عاشت سوبر فطوم ( :
اهم شي الشغل يمشي ونراقب الله في اعمالنا ونحلل معاشاتنا, واذا بو الشباب تدخل, تلقاني اجمع القروب الصعب ونسوي مظاهرات عند ساحه الاراده ونرفع عليه قضيه احتباس حريه, واجمع 80 مليون كويتي ونصير مثل مصر ههههههههههههه لا تسألني من وين اييب ها80 مليون, كلنا على بعضنا ما وصلنا 3 ملايين, بس راح اييب, أأجر ناس وألبسهم دشاديش
ماشاءالله خوش موضوع, يضحك, قواك الله ابوفلان وبارك الله فيك ( :
افضل شي بالتعامل مع المدير الصراحه وان كانت مضره قليلا
لكن افضل شي لما تكون صريح ان لا يكون في قلبك شيء تحمل همه
والله بلشة بس أنا مرتاحة من هالناحية لأن مديرنا بينه وبين التكنولوجيا زعل قديم قديم
وإن افترضنا وحدة من ال
RATS بتفتن علي عنده ساعتها أسويلهم بلوك
الجهل ينفع أحيانا
ابداً لا تفكر ترتبط بزملاء العمل الكترونياً
كافي تواجد معهم في الدوام
تصدق خوش نقطه 🙂 بس بعضهم ربعك بره وداخل
انا حاط صور المدرسين كلهم فالفيسبوك
وكل واحد من اخوياي يقطع ف المدرس اللي ما يعجبه
ودرا مدرس وعلم كل المدرسين ههههههههههه
وشافوا كل شي هههه
الحين خليته فقط للاصدقاء =)
افا 🙁
تصدق ذكرتني اشوف طلتبي يمكن مسوين لي صفحه بالفيس بوك 🙂
افضل ان حياتي بالدوام تكون حياتي بالدوام فقط !
لاسباب ومنها
انه مكان عمل ويحتاج للتركيز وعدم التطرق لمواضيع اعبر فيها عن ارائي الخاصة سواءاً بالفيس بوك او التويتر
ومن الممكن ان تختلف ارائي وتوجهاتي عنه
فيجعل هذا حاجزاً بيني وبينه بالعمل
وغير هذا في يوم من الايام ان شاء الله لعلي اصبح المدير
وكما نعرف بان الناس لا تنسى ان فلان زل او اخطا او كتب …
فافضل عدم اطلاع مديري على ما اكتب في بعض المواضيع
فعلا قد يخالفك الطرح فيحقد أو يضايقك
الخصوصيه أحيانا تنفعك كثيرا
شكرا علي تعليقك الجميل
بالنسبه لي
مديري ونعم
امدحه واهوا مايدري
بس هم ليته مايتابعني .. او خله يتابعني ومايعرفني ..
الظاهر تحب الخصوصيه 🙂
ليت اأتمنى تتابعني لأنها ملعوزتني وصرت مقيمه في مكتبها أطبع واسوي لها ملفاتها والسبب انها شافت لابتوبي معاي وسألتني( بلهفه) تعرفين له وأنا بحسن نيه جاوبتها طبعاااااااا 🙁
ذ
هاذي مشكلة الي يطق صدر 🙂
دائما في عملك اعمل نفسك جاهل حتى لايتم تكليفك بعمل غيرك
لا تبوق لا تخاف !!
واكره شيء عندي الكذب والتحايل في الدوام ..
وبدون شك لا تتصنع في المواقع الإجتماعية وخلك نفس وضعك الطبيعي !!
وخله يتابعني و أكيد راح اكبر في عينه اكثر إذا شافك انت مثل ما أنت بدون كذب و تزيف
تحياتي
والله بعض المدراء يحقد يابوناصر مايعرف شي اسمه ماكو مجامله
طبعا الصدق في كل شي هو الأفضل في حال كان مديرك انسان فاهم وواعي انه لازم يتعرض للانتقاد
انا الصراحة مديري خوش واحد ساعات الصبح ادش الفيس بوك بالدوام ويشوفني وما يقول شي الله يحفظه
تسلفنا اياه يامعود 🙂 مو بكيفه يمنعك منه
انـا طالبة
و لـو عرفت ان وحدة من مدرساتي
يتابعوني مـراح اغيّر شي من تويتاتي
و لا راح اتغير أو اجامل !
اهو تويتر حق السوالف و التحلطم و التواصل
بدون حدود
فـ دام اني مو قاعدة اغلط على احد
ماراح تتغير تويتاتي 🙂
بس هل تجاملينها ؟
انا عن نفسي ماعندي مشكلة الي بكتبه حق ربعي بكتبه حق المدير دام اني مو معطل احد بالدوام مايقدر يحملني فوق طاقتي ولا شحقة صرنه مدنيين :d
بالنسبه لمديري بالدوام اعتقد من الى اسمع واشوفه من ربعي
انهم مرتاحين ,, ومسسوين ديوانية بالمدرسه ههههههه
ويجتمعون ومرتآحين معاه
ممم على حسب شخصية المدير
وأفضل أنه ماتكون عندي بالفيس ..
لكن توتير مافي مشاكل
لان الفيس اكثر خصوصية من توتير_على الأقل بالنسبة لي_.
وَ أحب العلاقات اللي ماتتعدى محيطها ..
يعني مديرتي او مديري .. في العمل فقط
عن نفسي بيحولوني محاكمه عسكريه من كثر النحشات لول
ياليتها والله تشوف بكتب كل اللي بقلبي << قلب متروسه بس حسافه ماتعرف شي بالكمبيوتر وانا صايره طباعتها الخاصه لاني عطيتها وجه وابتلشت
في قصة، موظف فقد وظيفته بسبب تويتر!