مدونة أبوفلان تقنية ، أخبار ، تجارب شخصية ، مطاعم ، سياحة
.
الأخ مانشستراوي أرسلي أسعار الآيفون 4 وسعره عنده يوريكا قبل حملة لا للغلاء 🙂
كان سعر الجهاز قي تاريخ 20/12 = 235 د.ك ، هذا للـ 16G
مع حملة لا للغلاء في هذا الشهر أصبح سعر الجهاز للـ 16G أكثر من ذي قبل = 265 د.ك
.
قبــل
.
بعــد
.
الكلام الآن ماذا بعد أن سلطنا الضوء على هذا الإرتفاع والإرتفاع في أسعار الإنترنت الذي أشرت إليه في موضوعي السابق ( اضغط هنا )
نتقدم بالشكوى للرقابة وحماية المستهلك في وزارة التجارة وهذه أرقامهم
العاصمة : 22523063
حولي : 25341947
الاحمدي : 23916290
الفروانية : 24728301
الجهراء : 24874370
مبارك :23840012
فاكس التجارة : 22400568
.
ولكن !!
* نتكلم بكل صراحه بعيدا عن تصريحات وزير التجارة وأنه سيحاسب من يقوم برفع الأسعار
يخبرني صديق موظف في حماية المستهلك يقول أن التجارة لاتستطيع ملاحقة أي شخص يقوم برفع أي منتج ولو باع البيبسي بـ 100 دينار والسبب أن الوزارة تعتمد في محاسبتها على قانون سنة 79 على ما أعتقد والذي تم تحديد أسعار خمس أصناف فقط منها كيلوا اللحم وسعر صمونة البيض وصمونة الفلافل فقط لاغير وبالتالي لايوجد قانون يحكم رفع الأسعار .
.
الخطوة الصحيحة !!
* الخطوة الصحيحه هي مقاطعه جماعيه لكل من يقوم برفع السعر مع عمل حملة لارشاد الناس للمحلات التي تبيع بسعر مناسب وأرخص من شركات النصب والإحتيال .
لكن مشكلتنا هنا مع الناس وخاصة الكويتيين من تقوله يا أخي قاطع ! يقولك يامعود كلها فرق عشر دنانير ماراح تفرق 🙁 وبالتالي يجب أن نقوم قبلها بحملة توعية لثقافة المقاطعة ثم نمارسها .
.
الي علينا قاعد نسويه في مواقعنا !! نحط للناس المعلومات الصحيحة والتوعية
ولكن مثل ماقلت انت القانون غير مفعل + البعض من المستهلكين موراضي يستوعب انه قاعد يشجع التاجر على الزيادة لأن موفارقة معاه
انا بالنسبة لي ما انتظر ، على طول اشتكي حتى لو فيها على الأقل قرصة للتاجر
نتمنى أن تفهم الناس لهذي الأوضاع
تحياتي
فعلا انت دايما سباق في الشكوى يابوناصر وهذا شيء يعجبني فيك صراحه
والله نبهنا الكثير من الناس عن الطلب للخارج بس الناس متسعجله وبعدين تتحلطم يقولون كل شي مرتفع
لذلك والله فعلا يبيلنا حمل قويه حتى لو بالصحف عن ثقافة المقاطعه والطلب من الخارج
الموضوع مايحتاج مقاطعة
اللي حاب يدفع ويشتري خل يشتري بفلوسه 🙂
ما أتوقع في واحد (ذكي) راح يشتري شي أغلى من قبل بـ 50 ولا 60 دينار … عدل لو مو عدل ؟
🙂
ندري ان الفلوس فلوسهم ماقلنا شي بس معناته انك تشوف الناس تشفط فلوسنا ونسكت ؟
بعدين للأسف فالواقع يدل على هالشي الناس بدت تشتري الآيفون أكثر من قبل وهم يدرون انه رافع الأسعار
أنا معاكم مستعد اقاطع الأجهزة بكافة انواعها الي تنباع بالكويت، و انصحكم بالطلب من الانترنت الي مايعرف يطلب هذا رابط فيه طريقة الشرح
http://d.pr/DLy1
الطلب من الانترنت = توفير
انا الحمد لله من اشوف اي شي غالي في الكويت على طول اطلبه من بره لانه غالباً ما يكون سعر الي يشتريه ارخص، ومنتجات ابل الصغيره دايماً اطلبها ومستجيل اشتريها من الكويت لانه الأسعار في الكويت غاليه وايد وبره الكويت جداً رخيصه. اما اذا كان شي من ابل وحجمه كبير اشوف اسعاره في دول الخليج وفعلاً ارخص من الكويت بعد في السعوديه في مجمع الراشد. الزبده: مااشتري لا من يوريكا الي تزيد اسعارهم على كيفهم ولى من غيرهم في الكويت
أنا نفس حالة الاخ فروس جربت تلفونات وساعات الفرق يفوق 30 دينار
كفايــــــه غلاء
مثل ما ذكرت أخوي بوفلان المسألة مو مسألة دينار أو دينارين
حتى لو 100 فلس مو من حقه يرفعها !!
ولكن ولأن المجتمع ثقافته الشرائية سيئة ما تفرق معاه
ويعتبر السوق الكويتي سوق خصب للسرقة .. من التجار وشركاتهم !!
أذكر لك قصة بسيطة
قبل فترة يحكي لي صديقي عن مطعم قريب من بيتهم
وكان دائما يطلب منه وجبة شيكن بـ 750 فلس
ومرة مع موضة زيادة الأسعار قرر المطعم يبيعها بـ 800 فلس .. لاحظ الفرق السخيف !!
المهم دق عليه صاحبي قاله عطنا وجبة شيكن .. قال ترى صارت بـ 800 قال : شنوو .. لا خلاص ما نبي !!
سكر التليفون ودق أخوه الصغير :
وقال عطنا 4 وجبات شيكن .. قال بس ترى الوحده بـ 800 فلس
قال الولد : بس دايم نطلبها بـ 750 ..1
قال المطعم صارت بـ 800
قال الولد : مانبيها مع السلامه
مع ثالث إتصال أو الرابع
راح الحبيب ورجع السعر للـ 750 فلس
قال عطنا ثنتين وتعال 🙂
شفت شلون !!
سوري على الإطالة ولكن .. إخذ العبرة 🙂
انا بوجهه نظري هذا مأخذ على وزارة التجارة
معقوله قانون من ٧٩ ماتعدل عليه ولا اظافو سلع استهلاكية مهمه
بعدين في قانون “ارتفاع سعر السلعه بشكل مصطنع” يخول للمفتش مخالفه التاجر لكن للأسف الوزير مو مفعل هالقانون
لان طبعا مصلحه التجار مهمه بالنسبه له
الوعي وثقافه المقاطعه … هو الحل والعقااب
اي نعم المقاطعة
الحمدالله ما قمت اشتري الكترونيات من الكويت لانه استغلاااال
وانا امس رايح الغانم لقيت الايفون4 32 اب 288 والله لما اخذته من الغانم قبل لا يعلنون عن المنحه كان 277
لا للغلاء بس مثل موضوعك السابق لما قلت خل نقاطع بقول مثل كلمتك كويتي بيده 1000 راح يقاطع مالكم امل تحوشه حساسيه
ووالله يا ابو فلان ما خفي كان ااعظم انا بس دزيت لك الايفون انت دش الموقع مالهم و شوف الاسبيشل اوفري وتشوف الزياده على التلفونات و الاجهزه الكهربائيه
يعني بالعربي ما يعرفون يجذبون الموقع مالهم يفضحهم 😀
اتوقع اغلبكم يعرف قصة الشعب الارجنتيني مع البيض لمن قررو التجار يرفعون سعره بس الشعب قاطعهم وخاس البيض عندهم وما شرو البيض الا بعد ما نزلو من سعره القديم 75% يعني التجار قامو يبجون وانقلب السحر على الساحر اتمنى لو الناس هني تصير عندهم وعي وثقافة الشعب الارجنتيني ويقاطعون هالطماعين اللي لا ذمه ولا ضمير بصراحه
كلام صحيح وواقعي وانا فكرت اني ادز لجميع البلوقاتيه من بينهم انت وفرانكوم وبنج بانه يتم عرض الشركات الي رفعت الاسعار وجماع الكل على مقاطعهرصحيحه يكون لنا قرارواضح وصريح ومو مستعيلين على السلع الي نبيها ورتفعت اسعارها لانه اذا رفعو اسعار وشترينه هشي بيشجعإم وخر شي احنا الخسرانين ، وهي مو سالفت بخل لا بالعكس هي سالفت مبداء وحترام هشي وعدم استخفاف فينا ولا احنا ناس بايقه فلوسها وعلى قولتك يابوفلان الي يقولك فرق عشره
انزين ياخي عشره هذي استفيد انت فيها اولا مثلا منها اشتراك او عشره على عشره عشرين
وصدقني لابد تلقا محل او شركه بتفكر بهشي من بعد ماتشوف هالهجوم والوقفه وبانزل وتلقا سلعتك ارخص واذا ماكو فتيده اطلب من بره وخلي سلعتهم اتبيت عندهم
بس حط ابالك ادا انت شجعتهم وشتريت على اسعار الغلا الغير معتاده راح تشجعهم يزيدون عليك باشياء ثانيه ممكن على يوم تصير اغلى من انتتقدر عليه
واخر شي احنا ماراح نموت ولا ينقصنا شي اذا ماخذينه الشي الي رفعو سعره
واخر شي هي مسالت مبدا وحترام العقل
يعني نفس هشركه تقولك احنا ملتزمون باقل الاسعار وشعارها لا للغلا
كانها تقول او توصل رساله انه عقليتك بين قوسين لوووووول
استخفاف فينا بشكل غبي
بس إذا تبي الصج يوريكا أفضل من غيرهم، ليش؟ لأنهم ما زالوا يعلنون عن أسعارهم بالصحف عكس باقي الشركات اللي اختفت إعلاناتها بعد موجة ارتفاع أسعار iPhone، يعني اللي أقصده على الأقل إن يوريكا عندهم شفافية أكثر من الشركات الثانية.
مع الأسف لا يدرك المواطن/ المستهلك حجم تأثيره ومدى قدرته على كبح جماح الأسعار بالمقاطعه
ونحتاج إلى جهد حكومي وشعبي مدروس لتوعية وتثقيف المواطن
تسلم إيدك وشكرا لطرح موضوعات مثل هذا الموضوع
بوفلان الايفون ٢٣٥ كان ليوم واحد فقط وقبله سووه ٢٤٥ هم ليوم واحد كان عرض وبعدين يرد سعره ٢٦٦
اتوقع يوريكا مازادت!!
للتوضيح يا اخوان ليش شفتوو سعر اي فووون فقط في اعلان بوريكا وما شفتوو باقي الاسعار
للعلم باقي الاسعار أرخص بكثيير في يوريكا من قبل بل ارجخص شركة في الكويت
ثاني شي سعر اي فوون يتحدد حسب العرض والطلب والكميات الموجوده بالسوق وكذلك يتحدد سعره خارج الكويت من الشركة الام
امر اخر يوريكا موزع ومو اهيا الي تحدد اسعار الاجهزة وانما الشركات الاجنبية والوكلاء اهما الي احددون سعر الاجهزة
باجي شي اخر اتوقع لازم انكون امينين في نقل وشرح وتوضيح اي امر لانه الله يحاسبنا على اي كلمه او معلومه او تحرك دون ان انكون متاكيد منها او من حقيقتها
ارجو شوفوا اسعار باقي الاجهزة وانت تعرفوون انه يوريكا اصلا حارقة اغلب الاسعار مقارنة ببقاي الشركات
واصلا باقي الشركات تبيع اي فوون اغلى من يوريكا بكثير وبدون كفالة ويوريكا بكفالة سنه لانه هذي الاجهزة تصليها يكل الكفير فى حالة العطل
وشكرا …
عفوا بس حبيت اعلق تعليق بسيط على ارتفاع سعر الايفون
الايفون ارتفع سعره من الشركة الام وانا عرفت هالمعلومه بنفسي لمن دخلت موقع ابل البريطاني اللي اطلب منه واكتشفت ان الايفون ارتفع سعره من ٢٣٥ سابقا الى ٢٧٦ دينار
وشكرا
زياده على الاخ المهندس
ترا بس سعر الايفون اللي غلا عندهم والسبب اهم قاعد يشترونه بسعر اغلا من قل وهذا كلام اكييد
🙂