مدونة أبوفلان تقنية ، أخبار ، تجارب شخصية ، مطاعم ، سياحة
.
معرض انفو كونكت وغيره من المعارض أصبحت للجشع وزيادة الأسعار وليست لطرح العروض والخصومات
آخر هذه المعارض معرض التقنيه والاتصالات المقام حاليا على ارض المعارض حيث زيادة النصب والإحتيال من قبل الشركات المزودة للانترنت
وهذا باتفاق بينهم لأن الشعب سيحصل على 1000 دينار وليس من المعقول ألا يستفيدون منها ويقومون بشفط جيوب المواطنين
وهذا مايجعلنا نعارض هذه المنحه عندما يكون وزير التجارة ضعيف لايستطيع ضبط الأسعار وتنقلب الزيادة الى نقمة
.
شخصيا تكلمت عن زيادة سرعة اتصالي بالنت مع كوالتي الى MAXDSL التي تعطيك من 5 الى 24 ميغا على حسب المنطقة التابع لها ( اضغط هنا )
لكن هذا الإشتراك كلفني بالفعل 209 دينار أما الآن فالمعرض مختلف كليا , ومتخلف أيضا الى أبعد حد والإستغلال أصبح ع المكشوف
.
قمت هنا بعمل مقارنة لأسعار المعرض في سنة 2010 لشركة كوالتي نت و أسعارهم في هذه السنة في المعرض 2011
وما نعلمه تماما أنه كلما زادت الشركات زادت المنافسه وكلما تقدمت السنين أصبحت خدمة الانترنت أرخص وأقل إلا هنا فالشيء يزيد ولا ينقص عندما يتفق الكل على استغلال المواطن مع نوم وزارة التجارة
.
انظروا هنا الى أسعار كوالتي نت في معرض 2010
.
.
وهنا أسعارهم في معرض 2011 مع الأخذ بالإعتبار عدم وجود اشتراك MAXDSL قاموا بإزالته وتقييد المستخدم بسرعة 8 ميغا فقط وقاموا بزيادة السعر لابارك الله فيهم وفي استغلالهم
.
.
الصورة من مدونة 2:48AM
.
أخيرا لو كنا فعلا نريد كسر استغلالهم يجب عمل مقاطعة شعبية لهذه الشركات !
لكن هل تعتقد أن المواطن الكويتي الي بايده ألف دينار بيقاطع 🙂 ؟؟
مالكم امل 🙂
.
.
والله ما اكلها غير الوافدين و الكويتيين اللي كانوا ناويين يوفروا الألف او يسدوا فيها ديون.
+1
فعلا المواطن الكويتي مافي ثقافه شرائيه عنده !!
الله يعين
كلش ميح والسبب الفلوس وسهولة الحصول عليها
يزك الله خير يا بو فلان و الله يكافينا شر هل الشركات الجشعه
انا بالامارات سنة ٢٠٠٨ كان اشتراك ٢ ميقا ب ٢٩٩ درهم ) ٢٤ دينار كويتي ( بعد سنه بالظبط الاشتراك ٨ ميقا سعره ب ٢٩٩ درهم لا و أول ثلاث شهو مجاني
هاذي الديرة الي تحس القانون فيها يمشي بالمسطرة مو عندنا يعطون خبر للتجار انه في منحه قبل الشعب 🙂
والله لو الشعب الكويتي يقاطع اي شركه اسبوع بس تشوف الشركات الثانيه كلها تخاف وتظبط نفسها
يعني نصب واضح مع الاسف واستغلال للمواطن باي طريقه
وين التجار ووين المراقبين على هالامور ؟؟
اكيد ربعهم بالدوانيه !
هذا الي المفروض يصير بس ربعنا على طول يقولك يامعود كلها فرق عشرين دينار أقطها بمطعم 🙁
يقول المثل اللي يجي بالساهل يروح بالساهل
اللي جاه 1000 دينار مو فارقة معاه غلاء الاسعار مؤقتا (لما تخلص الاف)
وبعدها يحس بالمعاناة
عندك علي سبيل المثال الايفون قبل خبر المنحه كان 240 الي 260
الحين 299
والاسعار بارتفاع مستمر
لا تلوم التجار فهدفهم الاول والاخير الربح وهو الغرض من نشأة المؤسسة او الشركة
فـ اذا كان المستهلك لا يعي ان هناك استغلال ولا توجد رقابة او مجاملة من التجارة
راح ترتفع اكثر واكثر
فعلا كلامك صحيح
اذا كان المستهلك ساذج للأسف فلا نلوم التجار لكن الذكي منهم من يستغل الوضع ويكسب أكثر بتخفيض السعر
هههههههههههه
انا ماخذ كوالتي ماكس دي اس شهر 6 إلى طاف
بـ 300 دينار ..!
الحين بـ 1500 دينار
اووووله ..!
والله انا جددت بالعيد كان فيه عرض بـ 260 الله يديم الرخص الحين صارت الأسعار نار
اتمنى مسح ردي الأول ..!
لإنه غلط
إحبااااااااااااط
http://www.kems.net/price_list_new_ar.aspx?id=1
هذا رابط شركة كيمز و ٢ ميغا السنة المضية ١٨٠ و الحين ٢١٥
و عند فاست تلكو ٢١٩
http://www.fasttelco.net/AxCMSwebLive/HomeADSLService.cms
صج استغلالية
شكرا على التوضيح بوجمال
فعلا كل الشركات بدل أن يتنافسوا اتفقوا على اكل اموالنا
العفو بوفلان
بس السؤال الي احتاج اجابته هو
هل اسعار النت ستتصاعد بعد المعرض ام لا
يعني بالكويتي : ما انجدد و ننطر ولا انجدد و نسلم بهسعر
أما بالنسبة للمقاطعة فللأسف هذي ثقافة ما نملكها في الكويت
بس صج احباااااط ، وين ما انودي ويهنا انشوف الاسعار مرتفعة و لا جنه في جهة مسؤولة اتحاسب ا، اتسوي اي شي
والمشكلة التصاريح بالجرايد تقول غير , والواقع ولا من شاف ولا من دري
ليش ما تاخذ من شركة كيمز ؟
ميزة المعرض انه في شركات وايد ..
للأمانه انا ما رحت بس هذا اللي أعرفه !
عموما هذا شي متوقع من حرامية الديرة ..
كلهم نفس الأسعار وكيمز البعض يمدح والبعض يذم وكواليتي وضعيي معاها ممتاز
التجار يبون القبض على أكبر عدد من (1000) دينار بجيوبهم
🙂
لعبة الشاري انه مايشتري
والناس يعطونهم اياها بارده مبرده
شكل المعرض كله نصب..
اشتراكي 512 جددته بـ49 د.ك..
طبعاً سنة 2010..
يمكن الاشتراك أول مره غير ومو معناة هذا إن سعرهم مو مبالغ فيه..
لكن لو كانت للتجديد بعد فمصيبة..
الآيفونات زادوا أسعارها والاشتراكات ولا من شاف ولا من دري من التجارة
بالنسبة لزيادة سعر الايفون احب اوضح :
في ستور بريطانيا الي شاري منه جهازي و بعض اجهزة العايلة لاحظت زيادة ١٣ باوند على الجهازين ٤ ، ١٦ و ٣٢
للعلم و الدهشة 🙂
الشعوب العربية تسوي احتجاج على شيوخهم وفازوا بالنهاية مانقدر نسوي جذي مع التجار الحثالة الي هني ؟؟ حلال علينا نبوقهم اصلا يحمدون ربهم تربيتنا ما تسمح لنا نبوق ولا اهو حلال علينا فلوسنا كلها راحت عليهم حسبي الله عليهم وصج صج صج وزير التجارة ضعيف بصراحة يبيله يحطون للوزارة مرأة متسلطة مرأة من الحريم الي يحبون يطقون …. يبيلهم جذي ولا الرياييل طيبين وينقص عليهم @@ لوووول مو كلهم طبعا
ما أوافقج سلوى الجسار اذا صارت وزيرة التجارة الله يستر 🙂
الله يستر علينا
الكل بينهش هالألف من جيوبنا بكل طريقة
حتى الخدم صار الحين كل واحد عنده مشكلة ويبي معاشين مرة وحدة والبعض يقولك بصراحة يبي هدية !!!! الكل عيونه وحلجه مبطل حسبي الله ونعم الوكيل
أما سالفة الخدم قوية
خلاص الناس صارت مفتحه باللبن ماكو شي ينخش كل شي يطلع جدام الناس
موضوع شيق وأوافقك عليه، لكن موضوعك اقتصرت فيه على شركة واحدة فقط وكان الأولى استعراض أسعا بقية الشركات
كان ودي لنني ماحصلت صور لعروض السنه الي طافت
شركات الإنترنت وحدت أسعار اشتراكات DSL هالسنة، يعني نقدر نسميها مؤامرة.
والله اللي ما يلعبون هذي وهي ما بعد صرفت لكم على ما اعتقد بدوا يرفعون الاسعار
اشتراكي من STC بـ 249 ريال في الشهر انترنت 4 ميقا مع مكالمات محليه وداخليه مجانا وازيد خمسين ريال عشان اخذ 1 جيجا انترنت جوال عليه تخفيض 50 بالميه
STC دمرت شركات الانترنت الثانيه بعروضهم
الا باسال عندكم تشترك الاشتراك هذا ولازم تشترك باشتراك من شركه اتصالات والا خلاص هالاشتراك وبس
تكفه يامعودين
خل تنزل الألف بالأول وبعدين زيدوا ..
مو من الحين ..
ماسوت علينا هالألف والله
ياحلات فاست تلكو
كلهم نفس الطقه ماطاح الا انبطح 🙂
مو يدرون انه في ناس ما يدققون وايد.
اذا استمروا بهالطريقه الله يخلي ال good ol’ dial-up
5 بالشهر ومشيها والله كريم عشان يحترقون شوي
الشركات تسوي عروض انه يدبلون لك سرعة الاشتراك بنفس سعر اشتراكك القديم , بس هني حضراتهم الخدمه صارت اسوأ والقيمه زادت :/ صج ماشين عكس العالم -_-
السلام عليكم حبيبي اول شي الاسعار ها موجود من اخر شهر ٢٨-١١ وقبل ما تنزل المنحه الاميريه فا الرجاء عدم نشر الاشاعات
وعليكم السلام ورحمة الله
عزيزي بلال المقارنة بين اسعار السنة الماضيه والحاليه وليست بين شعر واحد وشهر ١٢
ما ادري اشلون صارت اشاعات !؟
اخوي بلال .. حلو الاسعار قبل المنحة 🙂
المعرض كل سنة ينزل الاسعار من 20 الى 50% تقريباً
وين العروض هالسنة ؟ انت تتكلم عن الاسعار العادية قبل المعرض 🙂
وليش الانترنت عندنا هالسنة زاد سعره وما عليه عروض في معرض بالسنة يصير مرة !
خل عنك كلام الشركات يقصون عليك وتصدقهم
ترا احنا نركب 2 ميجا ومستانسين بالكويت غيرنا بالدول الخليجية 8 ويفكرون ياخذون اعلى بنفس سعر ال2ميجا عندنا 🙂
بالكويت كل شي عجيب …… شركات بدل ما تتنافس تتفق !!!!!!!!!
أنا عن نفسي رحت المعرض و شفت الجشع
و لذلك مصمم على مقاطعة الأنترنت من هذه الشركات اللي أتحدت علينا
و الله المستعان
شـي يبط الجبد بصراحه , بآخـر 3 سنوات اسعار الاشتراكات بالمعرض كل مالها وتنزل ..
هالسنه مادري شفيها زادت , وربي ذلووونـا على الألف !
عيل لو المنحه كانت 10.000 شيسووون فينـا ؟!
كنت افكر اجدد اشتراكي هالأيام اللي راح ينتهي شهر 5 بمناسبة الخصومـات , بس شكلي بنطر لين شهر 5 وبشوووف جووود يحترمون انفسهم شـوي !
حبيبي انا موظف بأحد هالشركات ومن ٣ سنين مو من يومين ال ٥١٢ كان ٨٠ دينار ال ١ ام بي ١٤١ دينار ال ٢ ام بي كان ١٩٢ دينار انفو كونيكت السابق تم تقديم اشهر مجانيه على هالاسعار بشهر ٥ وبالتحديد ٢٧ الشهر اصبح ال ٥١٢ ب ٤٩ ب٩٤ دينار وال ١ ام بي ونص ب ٩٩ وال ٢ ب ١٤٥ دينار بالتحديد وبيوم ٢٨ شهر ١١ قررت الشركات اعادة الاسعار لان السعر الحالي مقارنة بعدد سكان الكويت وتكاليف الباندويث ومصاريف الشركة ما عادت توفي معاهم ورجعو للاسعار القديمة الاسعار برجع بعيد نزلت اخر شهر ١١ قبل المنحة الاميريه ومش متل ما حضرتك تفضلت وقلت بمقالتك وهيدا ئلي بعني بالاشاعه وشكرا…
اذا انا لم اكذب عندما قلت انه نصب واحتيال فالأسعار السابقه ارخص بكثير من الحاليه
ثم ان الانسان يعرف ان الشركات يجب ان تتنافس لا ان تتفق على سعر معين
اذا كانوا اكثر من خمس شركات وتقول انت انه مابيوفوا معاهم ليش مايتحدون بشركه وحده ويريحوننا ويرتاحون من المصاريف والباندويث
الكلام ان المعرض كله استغلال باستغلال
السنة الي طافت الي مشترك 2 ميغا ب 180 صار مضطر يدفع 340 وين قاعدين !؟!
عاد تصدق انا اليوم كنت بالمعرض … شفت ان الاسعار ارتفعت عاد سالت موظف كوليتي نت ليش هالاسعار انا كنت مشترك ٢م ب ب١٨٠ شلون صار ٢١٥ يقول ان ارتفاع الاسعار جاي من الوزارة ؟؟؟؟ شلون ؟ الاجابه ناااار يقول تكلفه الانترنت ارتفعت عالميا ؟؟؟؟ شنو … شقاعد تقول
بالله عليكم هذا كلام وبعدين وزارة التجارة وينها ما تراقب هالشركات … جشع و طمع الى ابعد الحدود
و الله يا خوي ياريتالزياده بس بالمعارض بكل شي حوالينا ما يسوى يزيدونا شي الا يبون يشفطونه من عيونه و ماشالله التجار من النواب مستانسين اخذ من جيسه و عايده تلقلهم يطالبون بهالزيادات و الناس تستاهل و يرفعلك اسعار السلع من هني و الله هالشي الواحد يضحك عليه و لا يضيق خلقه
بس و الله لو ان الكويتين كلهم يوقفون وقفه وحده و يخلون بضاعتهم اتطيح بجبدهم و لا يشترون شي و لا نصير مقصه عندهم
بعدها راح نخلي هالشركات يبوسون راسكم عشان تشتري السلع 🙂
و الله يعطيكم العافيه
ارسنالي
نعم كل شركات النت متفقه على السعر
لازم نقاطعم. 512 بامريكا بلاش ومحد ياخذه وهني 97 دينار
يبيلكم ثوره مثل مالت تونس ومصر
يالحراميه.
عن نفسي ماراح أجدد والله يسلم كرت بوخمسه نقزر فيه لين الله يفرجها
اوافق كلام NK واللي صارلي بالضبط مثل اللي صارلك اخوي
اليوم رحت بجدد على أساس ان قبل اسبوعين متصل علي موظف من كواليتي نت وأحتفظ بإسمه وهو اللي رحتله اليوم المعرض عشان أجدد . انا رايحله بناء على اتصاله والي قالي فيه ان انا عميل مميز وصايرلي 10 سنين اشتراك متواصل سنة بسنة يوم رحته ولا يقولي نفس سعر اللي ماعنده اشتراك بكواليتي نهائياً . انا على اساس 2 ميجا وصايرلي سنتين اجدده ب180 د.ك بس هالسنه قالي 215 !!! ليش ما ليش ماكو جواب بس ابتسامه صفره من الموظف !!! عموما قلتله تدري شلون ؟ جددلي بدال السنة شهر واحد فقط !! حطيت اشتراك شهر وراح استمر بهالوضع لين اشوف عرض مثل الأوادم سواء بالعطلة الكبيرة مالت الصيف أو عروض الأعياد أو رمضان وهكذا .
نصب في نصب و تحققت مقولتي إن فعلا المنحة أصبحت محنة على الكويتي والوافد قبله .
شركات الانترنت بالكويت كلهم حرامية بدون استثناء
المقاطعه هذي كلام فاضي لازم نتحرك ويصير موقع يا شكوة جماعية لوزارة الموصلات تاخذ حقنه منهم ونطالبها بفتح شركات امريكية واروبيه شركات عربية نصابه ما نبي او هل شركات الزفت تتسنع وذا ما ردت علينا وتضامنة معاهم نرفع دعوة قضائية عليهم وعلي وزارة المواصلات معاهم لانها راس الافعي تصلح واهما يشوتون علينا والمصيبه تقول تحديد الداون لود يحمي المستهلك ويمنع القرصنه ماشالله عبقرية سرقه وتقول متحدد بالدول المتقدمة صح متحدد بس بخص الاسعار حق الناس الي تتصفح نت و الانترنت المفتوح مع لسرعات الجباره عندهم بخص الاسعار
لو سكتنا اليوم باجر راح يدوسونه دووووس بعد
نسيت اقول شغله عن شركتين ( طيطا وشين ) فيفا وزين العن والعنين يقولك الاشتراك يصل الي 7.2 ويصل الي 21 ميقا انزين يبدا من جم الله واعلم وما يسجلونه بالعقد يعني يبدا دايل اب وتدفع 30 دينار عادي وين حماية المستهلك عنهم الله لا يبارك فيهم
علي فكرة كوالتي نت عندها 1 ميقا مفتوح مو محدد سعره الاشتراك السنوي 800 دينار ماشالله بالكويت السرعات القديمة بدل لا تنزل قامت تزيد اضعاف اضعافها ذهب مو نت وين المستثمر الاجنبي خل يدش يلعن خير هل شركات النصابه وقصدي بالمستثمر الاجنبي الاجني الاوربي الامريكي مو العربي نفس فيفا طعم الثوووووم واحد