والله خير الرازقين ..
,
,
هاذي الصورة صورتها قبل جم يوم وانا رايح أسحب من البنك التجاري
ولا الاخ الكريم حاط هاللزقه على مكينة السحب ههههههههه
طبعا المقولة مافيها شي الله يرزقك من حيث لاتحتسب لكن أحس مكانها وعند بنك ربوي يعني أقص إيدي إذا طلعلك منها شي بالغلط يمكن تنفجر المكينة ولا يطلعلك فلس زايد
اللهم أغننا بحلالك عن حرامك وبفضلك عمن سواك
,
مدونة أبوفلان تقنية ، أخبار ، تجارب شخصية ، مطاعم ، سياحة
LooooooL
شفتها قبل چم يوم ..
لو حاط ذكر أحسن له ..
فلوس ربا ليس رزق بل هو فتنة للذين في قلوبهم مرض ..
بس ما أستغرب لأن بعض الناس ألحين عادي عنده ما يفرق بين المال الحلال والحرام .. ويتعامل بربا زي شربت المويه ..
وحجته / ضرورة يا أخي .. أو معاملة البنوك الإسلامية خايسة وتعبانه ..
ولا حول ولا قوة الا بالله
مثل ماقلت كل ماسألت واحد وقلتله ليش ماتغير من الوطني تروح التمويل
قالك يامعود كلهم حراميه !!
صراحه التمويل شغلهم يخرع وتحس بريحة نصب
افضل بوبيان
وللاسف يبيلنا بعد بنك اسلامي ينافس التمويل لان بوبيان مو مال منافسه يمكن لانه حكومي
بعدين انت شموديك بنك ربوي ترى انت قاعد تساهم وياهم لانهم راح يخصمون منك ١٠٠ فلس والبنك له نسبة فيها يعني انت ساهمت في زيادة الربا ولو بفلس واحد 🙂
بوبيان من خسارة لي خسارة البنك وضعه يخرع والحين بيستلم ادارته البنك الوطني
بنك اسلامي بيفتح بنك وربة والرشق الأوسط بعد حول اسلامي
بس الواحد يستبرأ لدينه وماله حتى لو بيت التمويل نصاب هو أخف الشر
اللهم أغننا بحلالك عن حرامك وبفضلك عمن سواك.
أحسنت.
أحسن الله إليك وآمين
ماورا الرزق الحلال الا راحة البال والبركة