مدونة أبوفلان تقنية ، أخبار ، تجارب شخصية ، مطاعم ، سياحة
,
والله هالمطعم فكرته ماشاء الله ناجحه للإنسان الحريص على صحته أو الي يتبعون نظام غذائي معين
توه فاتح فرع في أبوحليفه بعد كويت ماجيك ع اليمين
أكله ممتاز وطعمه حلو
والمنيو من أجمل ماشفت لأنه كاتب كل وجبه جم سعره حرارية وجم نسبة البروتينات وجم كربوهيدرات ومن هالسوالف
طلبت منه لحم وديج رومي كان حلو جدا جدا وسعره مناسب وأكله راهي
وهذا الطلب
طلبت راب لحم وديج رومي وديج رومي ساندويتش
وماشاء الله طلع وايد كل صمونه فيها أربع قطع
وشغله نظيف وتغليفه حلو
حتى المنيو يفتح النفس
,
GOOD
والزين فيه اختيار المكان ! لأنه بجانب تجمع الأمريكان والي يبجثون عن نفس هذي المطاعم مو مثلنا ندور المندي
مشكور ويبيله تجربة
صدق بوناصر
يحبون هالسوالف اييك ماسك هالفلبينيه من خصرها وداش المطعم يدور شي خفيف هههههههههه
حسبي الله عليهم
عليك بالعافيه 🙂
انا ما حبيته
الله يعافيج افا عاد والله انا يوم دخلت توقعت انه ماراح يعجبني بس طلع العكس يمكن ماتوفقتي باختيار الصمونه
أي الأذواق تهتلف
شاكرلك مرورج
بالعافيه يبيله نجرب
خو احنا شورانا غير الاكل
السلام..
بالعافيه يارب..
انا ماجربت الصمون جربت السيزر وماحبيتها بس بجرب الصمون ان شاءالله..
ومشكور..
وعليكم السلام والرحمة
الله يعافيج
لا والله كل شي عندهم حلو جربيه يستحق التجربه الصراحه
احب هالمطعم وايد
خفيف ونظيف وسعره حلوو
بالعافيه
اي والله مثل ماقلتي نظيف شكله ومرتب
والله يعافيج
عليك بالعافية:)
الله يعافيج يارب