مدونة أبوفلان تقنية ، أخبار ، تجارب شخصية ، مطاعم ، سياحة
.
أفكر جديا باقتناء نظام الأندرويد مع هاتف samsung galaxy s
بعد رؤيتي لعدد لا بأس به من المقارنات بين الآيفون 4 والسامسونج جلاكسي
التجربه ستكون جميله خاصة وأني أعتبر نفسي متقوقع 🙂 داخل تفاحة أبل
.
.
.
أفكر جديا باقتناء نظام الأندرويد مع هاتف samsung galaxy s
بعد رؤيتي لعدد لا بأس به من المقارنات بين الآيفون 4 والسامسونج جلاكسي
التجربه ستكون جميله خاصة وأني أعتبر نفسي متقوقع 🙂 داخل تفاحة أبل
.
.
أهلاً بكـ في عالم الحريه والأحرار 🙂
دعايتك قويه والحريه مطلوبه p:
ما اتوقع بيطول معك
مثل واحد من الشباب كان معه ايفون وراح اشترى جالكسي ماكمّل اسبوع معاه الا وهو بايعه.
يقول: تروح يمين تروح يسار مالك الا الايفون :d
لكن عموماً بتكون تجربه حلوه ، ويمكن تقتنع ان مافيه نظام ممكن يغطي على ال iOS :d
أنا كنت أي فوني وحولت للجلكسي و لا سار لي شي 😛
على قولتك اما يزيدني ثباتا على الايفون او يسحبني الى مستنقع الاندرويد 🙂
عيل وييييين اللي كل شغلي أبل بأبل 😀
ماكو خلاص ابطلت هالشعار 🙂
عن تجربة الجهاز رائع وممتاز بكل المقاييس
وعصر الأيفون انتهى هذا عصر الاندرويد
بس اذا تبي نصيحتي انطر nexus S اهو نفس
مواصفات الجالكسي لكن من ناحية التحديثات بتوصله
اول لانه بيكون مدعوم من قوقل 🙂
بالتوفيق في الاختيار ,,
المشكله العربي مو مدعوم فيه
موجود بمزاد الكويت على 250 وانت صاعد
اشكرك اخوي نموول
+1
بالإضافة إلى ثبات و استفرار النظام بشكل أكبر من السامسونج جالكسي
على فكرة : الديزاير اتش دي يتفوق بشكل كبير على الجالكسي اس في قوة و سلاسة السوفتوير
اما الجالكسي يتفوق بالهاردوير
ربما تحتاج برنامج لحل مشكلة البطء التي تلاحظ أحياناً في الجالكسي
الله يوفقك
الجهاز حلو
بس أنا أقول أبل وبس
واحد من الربع قال لي هذي المقوله
((صدقني أمش علي كلام الناس تويوتا أحسن سيارة و أيفون أحسن جهاز. تكون أنت بخير))
(:
بس انا احب يكون عندي تيوتا وبي ام 🙂
طبعا الايفون راح يكون الاصل والجلاكسي الفرع الا اذا فرض نفسه الحبيب
املك الجهاز لكن بشرط تحدثه وتنزل روم مطبوخ سريع تلقا الروم اب منتدى الكمبيوتر الكفي
من السرعه تحس انك بتطير ماشالله
بتحس بجودة الشاشه القويه وانا اعتبرها اقوا من شاشة الايفون لمسا ونقاوه
لا تنطر النكسس اس لانه مشكله اب تعريبه عكس الجلكسي الي تعريبه منه وفيه وماراح تواجه مشاكل
خذها نصيحه من مجربه لجهاز النكسس ون ومطلعه اب سوالف الرومات والحوسه
خلك على جلكسي اس بتستانس منه وبيعجبك ان شاء الله
تحياتي
أشكرج هذا الكلام الي يشجع بس الي مايعرف يطبخ رومات شسوي 🙁
ماااتطبخ انت الروم بس تنزله من النت والسلام ختام 🙂
للحين قاط خيطي اتصيد لي واحد في المزاد وفي محلي السابق 🙂
يبيله ( بس ) حق الخط الثاني وليس الجهاز الرسمي لأن وين وين بينه وبين الآيفون يا بوفلان مشواااااااااار
تحياتي
نفس الحال بوناصر حق رقمي الثاني بدال نوكيا المروح بوليت 🙁
وان شاء الله بحصلي واحد بسعر زين ونظيف
والله يابوفلان اذا انت تحب تتعبث اخذه لانه عشان يضبط ويصير سريع لازم تركبله روم مطبوخ على نار هاديه ههههه بدون معجون طماط
بس الجهاز حلو صراحه وبانتظار التقرير عنه
والله هاذي نقطه سلبيه فيه للأسف انك لازم تلعب فيه عشان يقايش مع الآيفون
واخير واحد اقتنع بالاندرويد هالكلام نقزه لصاحب مدووونه:)
ان شاء الله يعجبه أول شي 🙁
المقارنات بالفيديو ماتكفي يابوفلان
انا خذيته من الربع وقلبت فيه يمين ويسار
…
فرق
اقول خلك مع الركب .. لا تمشي عكس التيار تغرق يابوفلان
يا اخي الواحد وده يتعبث شوي ويجرب الأنظمه الثانيه عرفت اشلون يعني ابل والآيفون موجودين بس يبيله نجرب شوي
والله وانا كمان زيك من جد أبغاه او اشتريته انت انا معاك في نفس الوقت
اليوم ان شاء الله باخذلي واحد
اخذه بس جرب استخدامه بالاول لان السامسونج وايد قوي وعجيب الصراحة بس راح تفتقد فيه كذا شغله اول شي ان خاصية اللمس فيه مو smooth كثر الايفون بعدين ثاني شغلة البرامج بالايفون وايد اكثر بس مايعني انه برامج الاندرويد مو شي ومثل ماعلقو الشباب اول ماتاخذه جم تعديل فيه ويصير 100% حلو وسريع ووبالتجربة راح تعرف شقصد واذكرك لاتستخدم الاندرويد كاساسي الا اذا اقتعت 100% وصراحة انا اشوف المقارنة صعبة لان هذا نظام والايفون نظام ثاني مع بعض نقاط التشابه واهلا بك بالاندرويد وقيادة ممتعة :D:D:D:D:D
انا استخدمته وهو مضبط ومعدل وعجبني
بس من استخدمته وهو عادي طاح شوي من عيني
لكن مازلت مصمم اقتحم عالم الاندرويد
بوفلان الجالكسي فعلاً جهاز عجيب و اول ماتشتريه بتكرهه من اول لمسه لانه ليكون بطيء و ممل و يعلق و تشغيل البرامج بطيء.
لكن بعد ماتركبلك روم راح تحس انك ماسك تلفون صاااااروخي، و انت ماتطبخ روم ولا شي
كل الي عليك انك تحمل الروم و تنسخه عالجهاز و من الجهاز اسويله install بـ خطوات جداً بسيطة
عالعموم الجهاز راح يعجبك و الماركت بيعجبك لكن الايفون الي يميزه برامجه فقططط، في بعض البرامج تصير نسخة للآندرويد و نسخة للايفون راح تلاحظ انه البرنامج عالجالكسي اسرع لانه البروسيسر الي فيه
1جيجا بينما الايفون ٤ البروسيسر ماله ٥١٢ ميجا 🙂
و مبرووك عليك الجهاز مقدماً
فروس عاد انت الحين صرت اخبر مني ومنكم نستفيد 🙂
هو مشكلته انك اذا خليته على وضعه مايقايش مع الايفون بس مع بعض التضبيط يصف يمه
انا عندي هالجهاز ومريحني عالاخر رغم عيوبه الا انه لا يحتاج جيل بريك ولا ايتونز
انا جربت الايفون 4 وقعد وياي اسبوع وما عجبني وبعته
اذا اهلا بك في عالم الاندرويد :))
آآآآآآآآآآآآآيفون و بس و الباجي خس
ياخوان انذونني اريد موقع التنزيل لتطبيقات سامسونغ كلكسي اس
تستطيع تنزيلها من market الموجود بالهاتف
لعفو يااخوان انقذوني
اريد الموقع الخاص بكلكسي اس لتحميل التطبيقات