مدونة أبوفلان تقنية ، أخبار ، تجارب شخصية ، مطاعم ، سياحة
.
.
ماهي خدمة الشرائح المتعددة ؟
هي خدمة تمكن العميل من الحصول على ثلاث شرائح SIM CARD لرقم واحد
واحد للاتصال والنت , واثنين للنت فقط ( DATA ) .
.
ماهي فائدة الخدمة ؟
* الخدمة ستوفر على الناس الكثير من المال , فالكثير الآن يستخدم الآيفون للاتصال وبنفس الوقت مشترك بباقة للانترنت , ولديه أيضا خط داتا للإيقو
وبالتالي يدفع اشتراكين للانترنت وربما يدفع الثالث في حال ما إذا كان يستخدم آيباد ثري جي ولديه شريحة خاصة للآيباد 🙂
فهذه الخدمة ستمكنك من توفير ثلاث شرائح لخط واحد واشتراك واحد وتعمل على ثلاث أجهزة .
.
ماذا تستفيد الشركة التي تفعل أو تقدم الخدمة ؟
* الشركة التي ستقدم هذه الخدمة وتسبق بها غيرها سيتحول شريحة كبيرة من عملاء الشركات الأخرى إليها لأنها ستنفرد بتقديم أقوى خدمة يمكن تقديمها خاصة في هذا الوقت الذي أصبح الإنترنت مطلب شعبي ووطني 🙂
وأعتقد أن شركة VIVA هي أولى وأجدى شركة لتقديم الخدمة لانها مرتبطة بشركة STC في المملكة وهي تقدم نفس الخدمة لعملاءها في الممكلة , بالإضافة إلى أنها سبقت الكل في جعل استقبال المكالمات مجاني
.
بعض المعلومات عن الخدمة ؟
* الشرائح كلها طبعا تكون شغاله بنفس الوقت ( للانترنت فقط )
* تستطيع وضع شريحة في الآيفون وأخرى في الآيباد وأخرى في الرواتر كمثال
* الشرائح الثلاث كلها تكون باشتراك واحد وتعمل كلها على شبكة الثري جي
* الشرائح الثلاث يمكن تشغيل خدمة النت فيها بوقت واحد , بينما استقبال الاتصالات لايعمل في الشرائح الثلاث بنفس الوقت بل تستطيع نقل الخدمة لأي شريحة عن طريق ارسال رمز واختيار الشريحة التي تريد تشغيل خط التلفون عليها .
.
خدمة يحتاجها كل مستخدمي الانترنت والمواكبين للتطور ..
أنا شخصياً أعاني كثيراً من هذه المشكلة ..
واضطريت ألغي خط الداتا والسبب التكلفة الزائدة ..
بالاضافة الا أني احتاج خط تلفون ..
بنفس الوقت ..
….،،،،،،،……
مرة بالغلط حطيت خط التلفون بدال خط الداتا بالراوتر وكانت المصيبة استخدام 5 أيام كلفني 75 دينار ..
بعدها لغيت الخط وخسرت الرقم المميز والسبب أن الشركة مو راضية تتفهم الوضع وحاجة الناس ..
نفس الحاله وكان الخطأ من الموظف وصار علي ٦٥ دينار
الخدمه فعلا يحتاجها الكل
بتصير ضربة معلم
سؤال من متى هالخدمة متوفرة في السعوديه ؟
هالخدمة متوفرة من قريب في السعودية
تقريباً من ٤ أو ٥ شهور ..
والله قريت مواضيع مكتوبه بالـ 2006 كانت بدايتها
وبعدين طوررها وخلوها تشتغل كلها مع بعض وماكانت في كل مناطق المملكه
معقولة بنفس التكلفة هالخدمة ؟ و الا راح يزيدونها ؟
انا بصراحة اللي مخليني ما افكر ب الايباد مسألة تعدد الاشتراكات !
اعتقد لهم الف طريقه اما يخلونها بباقات او يلزمك باشتراك سنه او غيره هم ادرى بهالشي
حلو القكرة بس أدش الشرايح الثلاث بالتيلفون ههههههههههه
اذا التلفون صيني يمكن 🙁
الخدمة جدا ضرورية لنا كعملاء لكن اعتقد ان مالك امل يطبقونها لانها راح تخسرهم
هم الحين مستانسين قاعدين يشفطون شفط من كل صوب بس ان شاء الله العوضي نجيب يستجيب ويقدمون هالخدمه لعملاؤهم الناس اغلبها راح تحول عندهم وتفتح اشتراكات الحد الاعلى
بوفلان دائما انت رائع في مواضيعك اتمنى لك كل التوفيق والنجاح
فعلا مواضيع حساسه تخدمنا وتخدم غيرنا على عكس مدونات الدعايات
ان شاء الله نجيب يستجيب 🙁 اعجبتني
والله يجزاك خير ولا قصور في باجي المدونات كل مدونه تعمل على ماترتضيه نسفها 🙁
شكرا بومحمد
والله نتمنى هالشي من كل الشركات مو بس ڤیڤا
لكن هالشي بيخسرهم يعني نقدر نقول شبه مستحيل .. لكن املنا بفتح التحويل بين الشركات الثلاث علشان يصير التنافس على اصوله وتهل علينا الخدمات المميزة من كل صوب
لو تسويها اي شركة مو بس عملاء الشركات المنافسة بيحولون عليها اعتقد حتى مستخدمين الدي اس ال العاديين الي ما يحتاجون سرعات عالية راح يستفيدون من هالخدمة .. لان بكل بساطه لو هو خارج البيت النت بيصير على الهاتف النقال حتى لو تلفونه عادي مو سمارت فون مثلا نوكيا فئة E او اي فئة تدعم الاتصال بالانترنت وال٣ جي
ما اعتقد فيها خساره
بالعكس الشغل بيصر أكثر والباقات أغلب المشتركين بياخذون أعلى باقه
فكره ممتااازه جدا ! لو يتم تطبيقها سوف يكون هناك اقبال شديد عليها
ان شاء الله يتم تطبيقها باذن الله
املنا في فيفا كبير .. ومنا إلى الأستاذ نجيب العوضي
والي يقول انها بتخسر الشركة غلطان لأن الوضع الحين صار الربح بالكم مو بالكيف مثل قبل !!
تحياتي لك بوفلان على الموضوع والبادرة والتذكير لشركة فيفا
فعلا الكم هو الفاصل في المسأله
الله يسلمك ويخليك
جان زين يسونها اروح سيده اخذ خطهم مال ٥٥ خدمه الخمسه وخمسين
لان صج راح توفر وايد وايد
وانا قبلك 🙁
والله يابوفلان حطيت ايدك على الجرح
يوميا اكثر من 5 مرات اشيل الشريحه من الايقو الي الايباد والعكس ….
انشالله فيفا تسمع … وبوعيده يقولك صوتك وصل
هالفيفا صار ولعة وشرار وصك على ام زين و ابو الوطنية !
في السعودية عندنا شركات الاتصالات تطورت بشكل كبير والله يخلي المنافسه (من يتخيل ان STC الحين هي نفسها الشركة العجوز اللي كانت قبل)
بس لو ربي يفكنا من هيئة الاتصالات والمعلومات كان احنا بخير محددين حد أدنى للاسعار
تشوف كل الشركات ملتزمه فيه يعني الانترنت باقة انترنت مفتوحة بـ 350 ريال لكل الشركات (طبعا مو مفتوح تماما (حسبي الله على سياسة الاستخدام العادل) لك 30 جيجا في الشهر.
خدمة الشرايح المتعدده موجوده في موبايلي بعد بس اغلى على كل شريحه 4 ريال شهريا
اما STC رسم شهري 5 ريال على ما اعتقد
بعدين ترى الصبر جميل كل شي بيجيكم بس شركه جديده ما راح يجي كل شي مع بعض
على فكره المدونه اعجبتني يعني يا حظك