مدونة أبوفلان تقنية ، أخبار ، تجارب شخصية ، مطاعم ، سياحة
.
قبل يومين تقريبا يكلمني أحد الأصدقاء في الدوام فيقول ” شنو هذا الي اسمه تويتر شنو هالسخافات ” ؟
أنا : ليش سخافات ؟
هو : بس واحد يقول رايح اعبي بانزين والثاني يقول رايح الجمعية .
أنا : تويتر موقع اجتماعي تكتب فيه حالتك الحاليه شي عادي يعني .
هو : ايه بس سخافه كل واحد كاتب وين رايح ووين جاي .
أنا : قلت شفت هالسخافات الي تقول عنها عارضين على صاحب الموقع مبلغ ٤ مليار وانت تقول سخافات يالحبيب .
.
أيضا الميزة الثانيه تقدر تكلم أوباما بس ماراح يرد عليك 🙂
لأنه يتابع 700 ألف شخص بينما أصغر مدون عربي يتابع 30 فقط 🙂
هذا مثال للأخ جمال يشتكي عند أوباما على وزير المواصلات الي وعد فأخلف وقال راح نطبق التنقل بين الشركات والى الان ماشفنا شي !
.
.
كبيـــــــــــــــــر يا جمال !! 🙂
عزالله موضوع مهم
ويا ليت لو تتوسط لنا عند أوباما
وتقوله عن حساب المكالمات بالثانية
وكذلك التكلفة الدولية
ويا ليت لو تخليهم يحاسبون شركة زيــ..
على الأموال اللي أخذتها منا من غير حق
فعندما كانت الوحيدة
كان الظلم لا أشده !!
ولكن مع المنافسة بدأت العروض والدلع
ولكن لا يزال هناك ظلم مقارنة ً بالدول الأخرى !!
كذلك أتمنى أن توقف صفقة زيــ…
والأماني كثيرة .. ولكن
تبقى الأماني حبيسة الأفكار ِ !
🙂
هاذي المشكله ان الناس تظن انها تنتفع بالعروض وهي خسرانه بالفعل
وعند مقارنة شركاتنا بالخارج يبين الفرق الواضح
مو سخافات ولكنه يضيع وقت واسمح لي على رايي يا بو فلان.
انا ما اشوفه مضيعة وقت اذا كنت تدخله بوقت الفراغ جدا ممتاز ويفيد غيرك وتستقثفيد منهم
بالعكس رايك وانت حر ولك نظرتك الي قد تكون صواب
ماعليك من رأي صاحبك ولو نحترم رأيه بدون شك
تويتر اسهل وأسرع وسيلة لنشر الخبر الآن !! تغيرت اصلا فكرته من what are you doing إلى what’s happening
قوله كل العالم والمواقع المشهورة تستخدمه ليش بالله ؟ عموما …
جمال ماقصر وصل وجهة نظرنا إلى الرئيس الأمريكي 🙂 والبصيري قال وأخلف في وعده ، واتوقع راح نشن عليهم حملة من خلال تويتر لو صار لف ودوران في هالموضوع ( نقل الأرقام ) وبدون شك راح يكون الإنتشار راح يكون واسع عبر افضل و أسهل خدمة والي هي Twitter
تحياتي
بالضبط مثل ماقال اخوي بوناصر
مثلاً سمعت عن خبر حصل وودك اتعرف اخر التطورات ماعليك انك اتحط كلمه تدل عالخبر بالسيرج وراح توصلك اخر التطورات
وفي شي حلو بتويتر انك تقدر تشترك بخدمه اخباريه ببلاش والكثير هم اللي يقدمونها منها محليه وعالميه او حتى خدمه متخصصه مثل اخبار التكنلوجيا والطقس
وراح يوصلك الالتتويته على هيئه مسج لجهازك النقال .
الموضوع يبيله شرح بسيط للمستبعدين الفكره عشان يغير رأيه
منو قال أن أحنا محتاجين مساعدة اوباما
اولا ههههههههههههههههه
ثانيا الكلام هذا يحصل مع الناس اللي مالها في الاشياء يقولك انت فاضي قاعد تكتب انا بختبر بكرة ويقولك غباااء ههههه معليش ما يعرف عن الموقع اساسا
ثالثا جمال ماشاء الله عليه طب يا خي يكتب التويتة بالانجليزي كذا بيتعب اوباما علشان يقراها ويجيب مترجم ويدفع فلوووووس عليه وبعد كذة !!! هههه