مدونة أبوفلان تقنية ، أخبار ، تجارب شخصية ، مطاعم ، سياحة
قمت قبل قليل بطلب الماك ميني لأحد الأصدقاء بعد حصوله على خصم 100 $ بسبب خصومات الجمعه الأسود
موصفات الجهاز هي :
2.4GHz Intel Core 2 Duo processor
320GB hard drive
2GB installed RAM
لكن مع وجود ضرائب طبعا قيمتها 54$ صار المبلغ الإجمالي :
قمت قبل قليل بطلب الماك ميني لأحد الأصدقاء بعد حصوله على خصم 100 $ بسبب خصومات الجمعه الأسود
موصفات الجهاز هي :
2.4GHz Intel Core 2 Duo processor
320GB hard drive
2GB installed RAM
لكن مع وجود ضرائب طبعا قيمتها 54$ صار المبلغ الإجمالي :
عسى الله يبارك له فيه، و يوصل له بالسلامه : )
مع اني أستخدم آي ماك، الا ان فكرة شراء الماك ميني تراودني .. عطنا رايك يابوفلان،
و خصوصاً ان أي شيء أشتريه من آيتونز تكون عليه حماية و ما أقدر أطالعه الا بآيتونز الغبي و الشاشة ما تساعد !
و عساك عالقوة
الله يسلمك
ليش عاد شاشة الآي ماك على كيفك !
والله يقويك
مبروكين إن شاء الله ،، وهذا السعر ما يتطوف
يوصل بالسلامة إن شاء الله
الله يبارك بعمرك
السعر فعلا مضبووووط ورخيص
والشكر لك يوم نبهتنا بتويتر
مو هذا سعره حرام كان وايد ارخص
الله يعز ذيج الايام اللي كانت اجهزة الماكنتوش طحيحه
ومحد ياخذها لا و ما تعدي ال ٣٥٠
٤٠٠
كان ارخص في زمن الاسعار والعالم ماشهد مثل هالتضخم في الاسعار
وبعدين ربعنا اهنيه كانوا قليل الي يعرفون الماك ويشتغلون عليه
الى هاليوم الي صارت التفاحه المقرومه موضه 🙂
مبروك الماك وانا الظاهر بحول على الماك لآدائه الجميل وبصراحه مليت من الويندوز وتغير مطلوب لحياة افضل لجذيه ماك وبس وغيره يأكل خس بس قبل لآ اخذ راح استشير اخوي بو فلان والآخوان ذوي الخبرات العاليه بالماك عن بعض المواصفات قبل لآ اغامر واتحسف 🙂
خطوة ممتازه وانا انصحك تحول اليوم قبل باجر
والمواصفات دائما تكون ممتازه من ابل لكن على حسب شغلك وطبيعة عملك تاخذ الجهاز بالمواصفات الي تحتاجها
انت بس حوّل وابشر بالي بيساعدك
مبروك .. يوصل بالسلامه
اللله يبارك فيك ويسلمك والفال لك 🙂
سؤال لأهل الماك بس مستحي اقوله .. اقول؟
السؤال هو هل البرامج لازم تكون اصليه يعني مافي كراكات وباتشات كالتي نشوفها بالوندوز في الماك؟
شلون تنزلون البرامج بالماك؟ فيه برنامج شبيه بي
Ubuntu Software Centre
انا استعمل برنامج المايا.. وايد اقرأ ان اهل الماك يواجهون صعوبه بتشغيل البرنامج على الماك..
البرامج نعم فيها كراكات وباتشات
وتنزيل البرنامج مجرد تسحب البرنامج وتقطه بمجلد الابلكيشن يعمله تصطيييب على قولة اخواننا المصاروة
الفقرة الاخيره الله اعلم لاني ما اعرفها فا اتوقف في الافتاء 🙂
بالمبارك الله يوصله له بالسلامه و أسرع وقت 🙂
والله أنا في رايي انه الماك مني ناجح للصاله ( غرفه الجلوس ) و فكره دايم براسي لو بغيت أخذ جهاز للبيت راح يكون ماك مني و بركبه على تلفزيون الصاله خاصه بعد الHDMI
بووضحى
الف الف الف مبروووووووووووك
وخووش سعر والله ..
عليك بالعافية ياربي
الله يبارك فيج يا من اكون
الله يعطيك العافيه خلاص لي صار وقته وبأخذ الماك بقولك علشان تفيدني بالمواصفات وعموما انا احب اقوى نوع للكرافيكس والتصفح والافلام حتى للألعاب 🙂 ولو اني اكثر شي يهمني الكرافيكس والتصفح يكون ممتاز ومافيه هينق نفس الويندوز وبارك الله فيك
افا عليك حاضر انت أشر واحنا نقشر
مبروووووك يتربى بعزك ان شاء الله …
المفروض انت تاخذ عليه ضريبة بعد .. تستعمله اسبوع وترجعه له .. 🙂
الله يبارك فيك
المفروض يكون اخوه الكبير آي ماك معاه عشان يتربى بعزه 🙂
ايه هذا الي بيصير
نصيحة سريعة:
اذا بغيت تطلب من أمازون مرة ثانية لاتطلب على عنوانك بأرامكس، لأن أمازون ياخذ ضريبة بيع على ولاية نيويورك.
اذا كنت ماتقدر لأن أرامكس بنيويورك، افتح عنوان بدي اتش ال، راح يكون العنوان بولاية أوهايو، وأسعار الدي اتش ال أغلى من أرامكس بنص دينار لكن الخدمة وايد أسرع.
على فكرة ترى خصم البلاك فرايدي كان 12 دولار بس، يعني دينارين ونص بس.
طبعا 12 دولار نعمة لكن انا أقصد ان ماينقال عنه “سعر مايتطوف” مثل ما تفضل الأخ هورنت.
تتهنا بالجهاز انشاءالله وعليك بالعافية.
هلا بوفهد واشكرك على النصيحه السريعه الجميله
اكثر من واحد نبهني على هالشغله والظاهر بفتح بدي اتش ال
بس الجهاز كان سعره 600 وصار عليه خصم 100 اشلون حسبتها 12 $ ؟
سعره 699 بأبل ستور، لكن انته شاريه من أمازون، وأمازون يبيعون الماك ميني ب612 دولار وانته خذيته ب599 دولار منهم يعني الخصم 13 دولار.
تقدر تدش على أمازون الحين وتشوف السعر بنفسك لأن أمازون أسعارهم أرخص من أبل ستور إلا بشغلة وحدة اهيا الآيباد.
ممكن تشتريلي و انا اعطيك حقه