مدونة أبوفلان تقنية ، أخبار ، تجارب شخصية ، مطاعم ، سياحة
.
.
بعد السماح لي بنقل ملكية رقمي في فيفا من صاحبه الى اسمي
واجهتني مشكله كان سببها موظف الفرع حيث لم يخبرني أن الخط عندما يتحول الي ملكيه جديده يعتبر كالجديد بلا باقات
وبالتالي كنت استخدم الانترنت على أني مشترك في الباقه ولكن في الحقيقه كان يحتسب علي المبلغ بالميجا بايت !
وبالتالي تراكم علي مبلغ 54 د.ك وقطعوا الخط ، ثم راجعت الفرع مرتين ولم أجد عندهم الحل
لكنني بمجرد ارسال ايميل الى الشركه أشرح فيه مشكلتي قاموا بالإتصال بي وشرح الخطأ واسقاط المبلغ المستحق بالخطأ وكان 54 د.ك .
وقاموا بتفعيل الخط مره أخرى .
شكرا فيفا مره أخرى والآن مع فيفا تقدر 🙂
وشكرا للأخت منار النبهان من قسم الشكاوى
.
يه بوفلان توصطلي حتى انا ابي انقل ملكيه خطي ماني قادر عقدوني وينهم الي يضبطونا وينهم (المشكله نقل ملكيه بين اخوان)
ومعقدينها
نقل الملكية بين الإخوان مسوح فيه لأنه من الدرجه الأولى عادي
هههههه …
الف مبروك .. انشالله اخر المشاكل يارب
الله يبارك فيه
لا خلاص ان شاء الله ماكو مشاكل بعد
بالمبارك بو فلان 🙂
اليوم عيل صارتلي مشكله مع بنك التمويل الفاشل :@
🙂
حط الشكوى بصندوق الشكاوى وان شاء الله ما يقصرون p:
اذا تشكرهم فالشكر فقط لانهم ردوا على ايميلك وحلولك المشكله بدون لاتراجع ادارتهم
بس الموظف غلطان وكان لازم يصلح غلطته وماينقعونك ٣ ايام عشان يردون الخط
اعتقد جميع تجارب اصحاب المدونات ناجحة مع شركات الاتصالات
وبما انك يابو فلان واصل بشركة فيفا وصل لهم هل نكته
خط دفع مسبق عليه فواتير ومبالغ !!! وين صارت ؟
هاي اشلون هاي ؟
واشسويت على الخط ؟
يشكرون على التجاوب مع العملاء .. كل بإسمه
وإن شاء الله ينعكس هذا على الدعم الفني وخدمة العملاء ايضا
الزبون شنو يبي غير الراحة ؟ اهو دافع عندهم ولا عند غيرهم
تحياتي
اي والله
طبعا بوناصر كان التجاوب بعد الاستفسار فعلا من الفرع لأني قدمت لهم أوراق تثبت كل شي والحمد لله اني ماقطيت الوصولات
الحمدلله انهم تجاوبوا معاك وحلوا المسالة وما عصلقوا معاك مثلي ؛)
بالنسبة لي لمن حولت خطي لفيفا كان يوم اسود، مبلغيني الشركة قبل اكثر من ٦ اشهر تقريبا ان علي فواتير فوق الأمية فطلبت منهم كشف عن طريق الخدمة الهاتفية لأني شاك ان المبلغ صحيح وهذا من حقي، و الطلب البسيط هذا (الكشف) لي يومك ما شفته و الدعم الفني يقولي فاتورتك ما فيها خطأ و ما نقدر نعطيك الكشف !!!!
اللي يبط الجبد انهم محولين خطي (قضية) و اهم مصرين ما يعطوني الكشف !
الاستنتاج الشخصي : مافي شركة اتصالات بالكويت تسوى :((
أولا شي الحمدلله على السلامة واشوى انها عدت على خير 🙂
ثانيا على شنو تشكرهم؟ هذا حقك وانت رحت طالبت بحقك ، المفروض اصلا يعوضونك على الـ 3 ايام اللي صار فيها انقطاع لأنك بتدفع الحين اشتراك شهر وانت مو مستخدم الخدمة شهر + التبهذل اللي تبهذلته في مركزهم اللي ما يحل ولا يربط؟؟ وانا اقولك ليش ما انحلت مشكلتك مع الفرع اللي بالكوت .. لأنهم يطبطبون على بعض وما يبون يتمشكلون ، فخذها مني اصلا لا بلغ الادارة ولا بطيييخ نطر يومين وراجعته وقالك ما صارت ، ولو غير هالشي جان عطاك رقم الشكاوي تراجعهم على طول ، مو اجتهاد منك انت ارسلت ايميل لهم وحليت مشكلتك بنفسك ! وغير هذا المفروض قسم الشكاوى يطلب منك اسم الفرع الي صارت فيه المشكلة عشان ياخذ هالموظف افادة ، يا اخي فلوس الناس مو لعبة !!
عيل اقعد نص ساعة على الانتظار بخدمة العملاء؟؟؟؟ شنو هذا ؟
واحد قالي ما يردون عليك لأن خطك مو فيفا فلازم تتأخر .. اذا صج هذا الكلام ففعلا شيء سخيف جدا ، وانا ارجح كلام الاخ لأن ببداية الاتصال بعد ما تختار اللغة يقولك انت عميل فيفا اضغط 1 انت مو عميل فيفا 2 يعني خلك انتظار وانقع لما نتكرم عليك ونرد عليك.
مع فيفا ما تقدر ترتاح
مع فيفا ما تقدر تحل مشاكلك
مشترك معاهم نت سنتين .. كان من اجمل ما يكون ، ومن 3 شهور النت صاير كأنه دايل أب .. ماكو فايدة وكل ما اتصل يقولي غير اعدادات الشبكة ولما اغيرها ما يتغير شي !! اتصل مرة ثانية يقولي نفس الكلام ولا استفيد منه اي شي …. !!!
مع فيفا ما تقدر تشبك
مع فيفا ما تقدر تتصفح
ياخوي ياليت تقوولنا شنو ايميلهم عندي مشكله بنقل الملكية وابي اراسلهم واقولهم موضوعي يمكن تقول فاتحه خير وينقلون ملكيه الخط
تقدر تتواصل معاهم عن طريق موقعهم في قسم التواصل والاستفسار
اهما غلطانين شكرا على شنو ؟
المفروض تكتب تو الناس ..
جم مرة تنقعت وانت تتصل بخدمة العملاء وشكثر قعدت تنطر بالفرع اذا اخذت رقم لان فرع الكوت صغير وعليه ضغط كل المنطقه العاشرة ؟ ارقام الاجابة تتعدى ارقام فاتورتك
الله يعين الشعب
مبروك .