مدونة أبوفلان تقنية ، أخبار ، تجارب شخصية ، مطاعم ، سياحة
.
الأخ ناصر العجمي أرسلي اليوم ليقول لي أنه بعد صلاة الفجر ذهب واشترى كيك بالهيل ورجع للبيت ليتلذذ بطعمه مع كوب من الشاي ويتابع مدونتي 🙂
ولكنه تفاجأ بعد أول عضه للكيكه أن هناك شيء ” يجكجك ” في فمه
فإذا الكيكه محشوه بقطع من الزجاج !
أترككم مع الصور لتحكموا عليها
.
اضغط على الصور لرؤيتها بالحجم الكبير
.
.
.
.
وهنا قطع الزجاج واضحه جدا !!
.
.
يقول الأخ ناصر أنه ذهب بعدها إلى فرع آخر ووجد نفس المشكلة أن الكيك يحتوي على قطع زجاج !
.
وي مسكين مايسوى عليه
والله زين انتبه مابلعها
7sbi allah 3lehom zejaj mra w7da
ashwa ma 9ar feh shay ma teswa 3leeh hal kekaa
قولي الله يستر على فطاير المدارس !
ياخي مايخافوا ربهم !
ايش ديتها يعني غير تنظيف الدقيق والمكونات من الشوائب
لكن حسبي الله ونعم الوكيل بسس
اعتقد في خطأ صاير من المصنع ومو دارين عنه
شدعوة !!
شهالمصنع الدايخ؟!
من أقل الصناعات من ناحية الجودة بالنسبة لي هو الفيصل
ويي عاد بعض المدارس اتبيع هذا الكرواسون لليهال
اظاهر شي من الاجهزه منكسر واهما يسون الكيك
بس ياترا شنو والصمونه كل الي فيها طحين وماي وهيل والمكونات هاذي يعني مايبيلها اختراع !
اشوه انها بالكيك مو بالفطاير
الله يستر عليهم بس
مدري .. يمكن أنه قطع سكر خشن ، السكر الخشن لمن ينحط بالكيك ما يذوب ويظل مثل ماهو حتى لو تعرض لدرجة نار عالية ويوم تاكله تحسه مثل ما ذكر قزاز مكسر
طيب حاول يذوبه لمن أستخرجه !! ههههههههه
اللي خلاني أفكر كذا أنه يقول لقى نفس المشكلة برفع ثاني يعني الكمية ماهي معقولة تكون خطاء كلها ..
وكمان هذا يذكرني بشغل رفلات أعرفهم :$
وكل شي وارد ..
والله طرى علي هذا الشي لكن مبين الأخ غاسلهم وتحتهم ماي !
شلون جا الزجاج للكيك غريب صراااحه
في البداية قلت يمكن سكر بس الصور تقول شي ثاني
يمكن خلل بالمكينه او طايح شي عاها شي غريب صراحه
خبر كارثه .. انا مذهول..
الفيصل انا من عشاقه والمدون كميل ياكل منهم بعد!
مصنعهم بصبحان وصاحبه يقولون رجل ملتزم صاحب صلاة وتعبد؟
من اليوم شعاري “لا فيصل بعد اليوم..” وحطيته على القائمه السوده مع “الرملاوي” اللي يبيع بيتزا ببرادة المعادن..
مع الاسف وثقنا فيك يالفيصل وطلعت مو قد الامانه يا اخي خاف ربك وراك حساب عسير..
نعم صحيح ارجل فيه خير كثير واعرفه
لكن اعتقد أن هذا ليس تعمد طبعا لكن خطأ فادح يجب ان يكون هناك فحص للكميات قبل انزالها الأسواق
صراحة كارثة ، لو كان اللي ماكل الزجاج طفل صغير؟؟؟؟ الله يستر.
المفروض تكلمون صاحب المصنع وتعرفون منه سبب الاهمال هذا
الله يعطيك العافيه اخوي بو فلان على نشر الموضوع لآنه الساكت عن الحق شيطان اخرس والله يعطيكم العافيه على تعليقات وبخصوص الي قالو سكر خشن انا ظنيت شي هذا واخذت العينات وغسلتهم وفركتهم بأيدي عدل وماذابو بالماي وقلت يمكن يكون دهون مجمده او يمكن شي ثاني ماله تفسير وخلونا نقول دهون مجمده او سكر خشن ابي واحد فيكم يأكل الشي هذا ويعض عليه بأسنانه وابي اسمع صوت اللي يطلع من دماغه لحظت القرمه والله ماتتحملون والله يستر لو احد عنده ضرس مفتوح او فيه سوسه الله يكون بعونه شنو بيعيش شعور مألم لا ويوعان بعد ياساتر عموما المفروض القائمين على شركة ماينزلون المنتج الا ليما يتأكدون من صلاحيته لأستخدام الادمي مو للبهايم عزكم الله وانا المشكلة احب كيكة الهيل وقت الحداق كنت اشتريها بكميات علشان طلعت البحر بس الظاهر بحول على نوع الايراني اللي يصنعونه بسوق الكويت ويوزعونه بقالات الايرانيه ولا بحول قرص عقيلي افضل ^_* ولآ بعتزل وبرد حق بسكويت بيتي بوب ههههههههه اتذكر زماني زمان اول 🙂 شكرا للجميع واتمنى التوفيق للجميع ولآخ ابو فلان على ضميره الحي وضمائر الجميع سلاموو عليكوو
لا حول ولا قوة إلا بالله
الحمد الله على السلامة وخطاك السوء 🙂
مادري اضحك على الموقف ولا اتضايق على هذا الإهمال !!
اتمنى منك تراسلهم او تراسل جريدة من الجرايد الي تحب ( العلوم الطيبة والفضايح ) وتخليهم ينشرون الحادثة علشان يتسنع المصنع
تحياتي
فعلا انا كنت شاك قلت يمكن سكر خشن لكن انت ابخص على ماقالوا
واشكرك على الموضوع ونشره
شكرا اخوي هورنت والله يسلمك وخطاك اللاش وعلى فكره انا من قرأ مدونتك بس للآسف نسيت اسيف العنوان بالايفون وارسلك الموضوع مع اخوي بو فلان واتشرف اني اكون من قراء مدوناتكم الجميله والى الامام
وحاولت ادزها لجريدة الوطن ودخل على سايت حقهم بس للسف مافيه اي ايميل خاص فيهم علشان ارسله الموضوع عموما اقدر امر فرع جمعية على طريجي لشارع الصحافه وأخذلي جم كيكه من نوع بو زجاج مصغول 🙂 واخليهم يجيكون بأنفسهم افضل
الى حماية المستهلك 🙂
و انطر لين يجيبوا العيد فيه
ذكرت بطول كلامك اخوي انك ( قرطة او محاولة تذويب او غسل و غيرهم )
هل جربت ( تذوقها فقط ) ؟
مجرد لعق لربما كنت فعلا سكر مثل ما ذكرت الاخت أمل
تذوق فقط دون قرط او عض عليها فقط مجرد لعقة للتأكد حتى لا نظلمهم
تلوعت جبدي أنا احب فطاير الجبن بالزعتر و هم وياي أخوي أبو حمد المدون يحبها بعد 🙁
شكرا على الموضوع ابوفلان الحبيب 🙂
و تحياتي يا ضحية الفيصل مصنع الزجاج بالهيل و الكيك
العفو ياكمبيوترجي
الحمدلله على سلامته أهم شي .. والله يستر ويحفظ كل من ياكلها .
وللأمانة الفيصل خوش شركة ماشفنا منها الا كل خير ، ولازم تشدد المراقبة على العمال يمكن كان متأخر في المعاشات ولا شي 🙂
الحين ماعرفنا هو خوش ريال ولا يتأخر بالمعاشات !
يمكن خطأ لكنه فادح
حسبي الله عليهم .. امبية مصيبة اذا جذي
لو انا من الاخ ناصر اشتكي لحماية المستهلك ..
اوكي اشرحلك شنو حصل ليما طلعت اول قطعه بحلجي من القطعة الغريبه الي مالقينا لها حل اهي سكر ولا دهون مجمده ولا شوارفسكي طايح من قلادة عاملة فلبينيه 🙂 ولآ اللي اهو انا تذوقت طعمها مافيه اي نكهه تدخل على هذا الكائن الغريب اللي بحلجي لجذيه هونت اني اكل الكيكه بس رديت فجيت الكيكه الثاني من الجيس وقبل لآ اكلها قلت خلني اتفحص واشوف طلع الشي هذا تارس قاعة الكيكه وقعدت انبش واطلع واغسله عدل الايما حصت كميه وسويت منها حاتم ألماس اخطب فيه ايد حماية المستهلك لشركة الفيصل 🙂 خوش تمام ولآ مو خوش تمام وانا قلت للشباب والبنات اللي يحب يـتأكد بنفسه يروح اقرب فرع يشتري كيكه ويجيك ويسويلها تحليل مخبري يعطينا استنتاجه وشنو يطلع معاه ألماس فالصو فحم اللي اهو 🙂 وشكرا لكم جميعا
خطاك السو أخوي ناصر ..
الفيصل قمة في القذارة ما أحبه من الله ، المهم في يوم العيد أختي طلبت منهم صينية فطاير والله العفن تارسها عدل وواضح وأختي الله يسامحها خل يولون ليش نشتكي بحماية المستهلك ؟؟!!