مدونة أبوفلان تقنية ، أخبار ، تجارب شخصية ، مطاعم ، سياحة
رحت قبل يومين أتمشى أنا وأم فلان بالأفنيوز نكمل أغراض العيد وصاكنا اليوع مو متغدين
عاد كنا ناوين على نينو بس زحمه الناس لي الساعه 4 ناطرين دور بالحجز
قلنا خل نجرب مطعم يديد وشفنا هالمطعم ديكوره حلوه وقعدته حلوه وخفًّت عنه الزحمه رحناله
,
مطعم الفورنو : مطعم ايطالي إسمه ماخوذ من الفرن والله اعلم لأنه ديكوره فرن كبير وفوقه خشب ويطبخ ع الحطب .
موقعه بالأفنيوز مقابل مطعم لانوتر الفرنسي .
أول ماتقعد اييبولك المقبلات
زيتون أسود مهروس مع زيت زيتون وسلة خبز
وهذا الخبز
وبعدين طلبنا المقبلات
سلطة بالدجاج المشوي
وكبة مشروم مع البطاط والجبن وفيها صلصة
ماعجبتني وايد بس لابأس بها يعني ..
وهذا كالاماري بالبقصمات ( خثاق مقلي )
عجبني حيييل الصراحه
وبعدين طلبنا الأطباق الرئيسية
ستيك بالفطر <<< ما أبي أتذكره لأنه ماعجبني كلللللللش ملللللللش جنه مال مطعم هندي 🙂
بس للأمانه البطاط عجبني الي مع الطبق شكله حلو وطعمه مقبول
وهاذي صلصة الطبق
والطبق الثاني
عجبني حييييل الصراحه ستيك بالليمون صلصته كانت مينونه وتتبيلته خيااااال
وييبلوك معاه سلطة جرجير مع صلصة وخس
وأهم شي الماااي كشخه مستورد من مصر
يحطونلك اياه ببطل عشان يصلخون ويهك بالسعر خخخخخخخخ
,
التقـــــييم
المكان 10/8
جودة الاكل 10/7
السعر 10/8
لاهو غالي ولا رخيص وسط يعني شفتو الي طلبناه طلع 23 دينار كويتي فقط لاغير
الخدمه 10/8
,
السلام عليكم و رحمة الله ..
كل عام و أنت بخير يا أبو فلان ..
شلون أتواصل معك ؟
وعليكم السلام ورحمة الله وبركاته
وانت بخير وصحه وسلامه
إيملي موجود بصفحة التعريف أعلى المدونه
وحياك الله
يه يه يه !
هالمره من ايطاليه !
اممممممم حيرتني ! مزاجك صعب مره لحم ومره ( خضاق ) ومره مادري شنو ما شاء الله متعدد الاذواق !
بس ليش مثقل ( الخضاق ) وحاطها بحرف ال ض ! خففها عشان الرجيم واكتبها بال ث ترى تطلع احلى ومع الموضه 🙂 هههههههه ثالث بدليه في مدونتك ! فهل من مزيد ؟!
وصراحه انتقائك للمطاعم صاروخي ! والله شغل عدل ومشكور على المعلومات والي مثل ما يسمونها تجارب واضحه تدل على انما ولكنما والا وحيثما واخلولق وطفق وحرى ومادري شنو ! >>>> اكيد ما راح تفهم شي
ويعطيك العافيه وبالعافيه مع انها متأخره
تشاااااوؤ
ههههههههههههههه
حسبي الله على ابليسك توني شفتها وعدلتها
أول ماحطيت على التعليقات ولا انت راااد قلت بل لايكون قراها
ولا انت صايدها هههههههههههههه
انت لازم تتوظف بشركة وورد وتصير مصحح إملائي اللهم بارك
عاد انطر بعد يومين اليوم رحت مطعم قمة الجنون والرومانسية بس ترقب البوست اليديد
بس بسألك شنو معنى : تشااااااااوؤ ترا ولا مره قريتها فهمتها <<< اكيد لأنها نفس الكلمة كل مره هههههه
🙂
ما شاء الله متواجد
الله يسلمك ويطيل بعمرك وعلى سالفه التدقيق الاملائي لا تشوف البدليات قبل يومين بأمتحان العربي ! فخلني على حطتي احسن
وعلى سالفه تشااااااوؤ او بالكولومبي مثل ما انا فهمت تنكتب chawo يعني مع السلامه ! مصطلح دارج بين ( الشياب مو الشباب ) هاليومين مثل البلاك بيري فتشوف شايب يمر تسلم عليه ، يمشي عنك وهو طالع يقولوك تشااااااااااوؤ طبعا اكيد هالشايب مخرف !
والله عجبتني مقبلات المطعم
والحمدلله انك ما عطيته عشره ههههه
بالعافية عليكم
ربي يعافيك يا العبد
لا مايصلح عشره
ماشاء الله عليك
يعجبني فيك التغير ،،
اهنيك على هالهواية ( اللذيذة ) وبدون شك بالعافية لكم
طبعا تغسل ايدها ام العيال اوديها هالمطعم لوووول يمكن لا طلعت تقاعد اوديها
الله يسلمك يا اخويي
الصراحه اذا بقعد على مطعم واحد راح أزهق خاصه انه الأكل في أشكال وأنواع لا تعد ولاتحصى
يعني ماراح تحتار شو تختار ألف بديل وبديل
والله ام العيال مظلومه معاك يالشايب يا أخي لازم شوي رومانسيه يعني مره كل ٣ أشهر لاتصير نفسي ٣ مرات بالشهر لا خلها مره كل ٣ أشهر
بيييييه صدقني ذيك الساعه يمكن حتى طلعه من البيت مالك خلق قاعد لابس وزاك تسقي الزرع وجيك ع السياره واتوت بالآيفون هههههه يعني شايب cooooool
بالعافية والهنا والشفاء ..
بس في ملاحظة بسيطة .. ليش شيف المطعم مجعصصص ..
أحس كل طبق حاط نص الكمية الفعلية له ..
ولا الصورة مصغرته ..
.
.
يقول بول سويني :
كيف لمجتمع بعبش على البطاطس المهروسة والحلويات المعلبة والأغذية المجمدة … أن يعلم أبنائه الصبر ..
: )
إلا وين فلالالالالان ..
الله يعافيك يالمنصوري
صح مثل ماقلت الأطبقا تقول حق قطو مو آدمي بس شي مع شي يكمل بعضه وتشبع هههه لازم يطلعون فلوووووس
جنه المثل الي تحت قوي شوي هههههه بس اكيد ماتقصدني !!
مساء الخير
كل عام وأنت بخير مقدما
وشكل الأطباق عجييييييييييييب
وبالعافييييييييييييية
مساء النور وانتي بخير وصحه وسلامه
والله يعافيج
السلام عليكم
احب الفورنو اكلهم لذيذ بس ولا مره طلبت ستيك كله اطلب باستا او بيتزا والبطاط مالهم مو طبيعي نسيت ايمه “””بوتات مادري شنو””
بالعااااافيه 🙂
شكرا
وعليكم السلام ورحمة الله
والله تبين الصج المفروض الواحد مايطلب ستيك بمطعم نفس هذا بس شسوي ما أحب هالسوالف بيتزا مابيتزا
السلام ..
بالعافيه يارب ..
انا اول مره جربت باخر 2007 اول مابطل ومن كثر ماعجبني قلت لخواتي عنه ..
وكل مانروح له طلبتنا تكون لازنيا- باستا- فوتشيني -ريزتو ..
لذيذين ..
و مره طلبنه سلطه طلعت مقلب..
اخر شي ماعطكوم عصير ليمون بفنيال طعمه جنه فيري :\
ومشكور..
كالاماري يععععععععععععععععععععععععععععععععععععععععععععععععععععععععععععععععع
بس لستيك الثاني شكله قوي
ليييييييييييييييييش وع !!
بالعكس كان لطيف يذوب بالحلج
والستيك الثاني لاتذكريني فيه لاني نا ودي اتهور الحين واروحله