مدونة أبوفلان تقنية ، أخبار ، تجارب شخصية ، مطاعم ، سياحة
.
.
.
نوّر البيت والله وتشرفت بمعرفة شباب تويتر بعد أن قمت بالتنسيق مع الشباب جزاهم الله خير لعمل غبقة للربع والويوه الطيبة الي تعرفنا عليهم بتويتر
وقلنا لازم تكون لنا جلسة نتقابل فيها ونتعرف أكثر وأكثر
ماشاء الله الشباب كلهم من الي ينشرح صدرك لما تقعد معاهم ناس أهل طيب وقلوب طيبة الله يحفظهم من كل شر
وأقول للشباب سامحوني ع القصور وان شاء الله اليايات أكثر باذن الله .
.
هي كانت بروفه على ماقالوا واجتماع مصغر للشباب في تويتر وان شاء الله المره القادمة راح أزيد الدعوات باذن الله .
.
منو حضر الغبقة ؟
طبعا غير أخوكم أبوفلان كان موجود أخونا هورنت والأخ بوجابر
والأخ بوراشد والأخ الكريم الخرينج
وعبدالله الأنصاري واخوه الفاضل حسن الأنصاري والأخ حسين
والأخ محمد امان والأخ عبدالله الهاشمي والكريم فيصل الشمري والأخ المنصوري .
.
ما قصرت يا بو فلان ..
رايتك بيضة ..
وجايات أكثر إن شاء الله ..
🙂
الله يسلمك اخوي العزيز المنصوري
وباذن الله تتكرر اللقاءات 🙂
عساك على القوة يبو فلان وكثر الله خيرك ومامن قصور وانا اخوك
وتشرفنا بمعرفه الشباب والله يجزاك خير الي جمعتنا هالجمعه الطيبه
الله يقويك اخوي فيصل ونتشرف ايضا بمعرفتك والساعه المباركه الي شفناك فيها يابعد حيي
السلام عليكم ..
ماشاء الله ، خوش جمعة عسى الله يجمعكم على خير دايما ..
وقواك الله اخوي بوفلان على هالمبادرة الحلوة ..
وعليكم السلام ورحمة الله
والله يقويك اخوي عبدالله وان شاء الله المرات اليايه نتشرف بمعرفتك
ماشاء الله تبارك الله جمعة مباركة الله محيي اصلك يابو فلان >>>متأثر بباب الحارة
بس عندي استفسار وش معنى كلمة غبقة هل معناها عزيمة او جمعة وهل هي كلمة كويتية ؟
تحياتي عزيزي
الله يبارك فيك اخوي محمد
الغبقه عبارة عن وجبة تكون في منزله بين منزلتين بين الفطور والسحور و تكون في رمضان فقط 🙂
اعتقد انها كلمه مايستخدمها الا اهل الكويت
كلمة غبقة تعني العشاء المتأخر برمضان ويسبق السحور ولو ان ابوفلان جزاه الله خير ما خلى مكان بالمعده
وهي كلمة عربية صحيحه ” الغبوق ”
والغبوق هو حليب الناقة الذي يشرب ليلا، وعكسه الصبوح الذي يشرب من حليب الناقة صباحا
http://lmgtfy.com/?q=%D9%85%D8%B9%D9%86%D9%89+%D8%BA%D8%A8%D9%82%D8%A9
وش ذا الرابط يوم دخلتة دخلني على جوجل وحاط معنى كلمة غبقة اقدر ادخل جوجل يابعدي بس حبيت اخذها من مصدرها رمضان كريم عزيزي
والله والنعم فيهم كلهم وفيك
وعليكم بالف عافية
🙂
الله ينعم حالك
والله يعافيك يالحبيب
بيض الله وجهك في الدنيا والاخره
عزالله انك كفيت ووفيت
وجزاك الله الف خير اللي جمعتنا بهالوجيه الطيبه مثلك وشرواك
ووجهك يابوجابر والساعه المباركه الي شفناك فيها يالغالي
looool!! wansa!!
والله والنعم فيهم وعساها دايمة إن شاء الله.
ماشاء الله ..
اجتماع حلوو ..
عقبال مانجتمع فيكم قريباً 🙂
ما من قصور يابو فلان وبيض الله وجهك وكثر الله خيركم وجزاك الله الف خير عرفتنا على الوجيه الطيبه وجمعتنا فيهم
ماشاء الله بالعافيه عليكم جميعاً 🙂
غريبة المزيون بوراشد طلع على الساحة ؟
والأغرب ان الخرينج ظهر و طلع مع بوراشد ..
والأعجب ان محمد امان .. خلا الشاليه وطلع
وينه اي واحد خل نكحل عويناتنا فيه 🙂
اقول انت الله يهداك وينك انحشت مره وحده حتى ماسلمنا عليك 🙂
راسلني فوق ابيك بموضوع
بالعافيه بالعافيه 🙂 ونعم بالشباب
الله يعافيك ان شاء الله
بالهناء و الشفاء و كل عام و انتم بخير .. لكن تذكر يا أبوفلان إن شاء الله المرة القادمة تدعونا مع الأخوة 🙂 صحيح أنا لا أدخل تويتر لكن نحن زملاء في التدوين ، أليس كذاك 🙂
تقبل تحيات أخوك نورانيوم
رايتك بيضة يابوفلان وماجاء منك قصور ، وجمعتنا مع الأخوة الي تشرفت بمعرفتهم
الجاية إن شاء الله عندي وشغل عيوش وهبص مع المعبوج 🙂
راح يتم التنسيق معاك بإذن الله
من جديد مشكور على هالبادرة الطيبة وماقصرت
ما شاء الله عليك أبو فلان كريم ..
مرة ثانية سوها وأنا بالكويت :p
ان شاء الله المرة الجاية تصير تعارف على مستوى اكبر بالحرم يا ابو فلان
“I am speechless. This is really a great blog site and incredibly partaking as well. Exceptional function! That’s not seriously much coming from an beginner writer like me, but it’s all I could assume right after enjoying your posts. Wonderful grammar and vocabulary. Not like other blogs. You actually know what you’re speaking about very. A lot that you simply made me desire to investigate a lot more. Your website has become a stepping stone for me, my pal. Thanks for that articulate journey. I seriously loved the 27 posts that I have learn up to now. “
موضوع ممتاز أتمنى لكم التوفيق