مدونة أبوفلان تقنية ، أخبار ، تجارب شخصية ، مطاعم ، سياحة
اشتريت هذه النظارات مع أني لست صديقا للنظارات الشمسيه بسبب ارتدائي للنظارات الطبية ، لكن بما أنني سأجري عملية الليزك باذن الله بعد يومين سأضطر للبس نظاره شمسيه بعد العمليه وسأحتاجها ايضا بعد التخلص من النظارات الطبية
بحثت كثيرا في المحلات عن نظارة مناسبة كشكل وخفيفة كوزن أخيرا وقع اختياري على هذه النظاره من شركة ريبان المصنوعه من التيتانيوم المقاوم للكسر مع ديزاين الـ Aviator
المميز في هذه النظارة هو قابليتها لتبديل العدسات فهي تباع مع ثلاث عدسات باللون الأسود والعسلي والعسلي المدرج مع خاصية البولارايز في عدسة واحده منهم فقط وتتوفر بحجمين الكبير وهو الواضح في الصوره والصغير
النظارة اشتريتها من محل OPTY Sport في غراند أفنيوز وهو أول فرع له في الكويت بسعر 55 د.ك بعد الخصم
أيضا هي متوفره على موقع أمازون بسعر 47 د.ك من هنا Ray Ban rb3460
صورة لألوان العدسات المرفقة مع النظارة
من أفضل النظارات ومبروك 🙂 وسلامات مقدما على العملية
الله يبارك فيك ويسلمك 🙂
ابو فلان النظاره حلوه لكن وين احصلها في السعوديه
ماعندي خبره صراحه لكن شوف منو وكيل نظارات Rayban عندكم اكيد عنده
واصل تعجبني مواضيعك أرجوا إنك تواصل كثرة المواضيع
قبلة على راسك
تسلم ياسعد على كلامك الطيب واسعد بمتابعتك وباذن الله مواصلين رغم الانشغالات 🙂
لا باس عليك و بالسلامه ان شاء الله و مبروك على النظاره عليك بالعافيه راي بان من الماراكات المفضله لدي 🙂
الله يبارك فيك ويسلمك ويعافيك
شريتها سابقا لكن بدلت العدسات الى طبيه وكانت تسببلي ألم في العين بسبب العدسة
عزيزي في انواع عدسات طبية شفافه مع الشمس تصبح داكنه شمسيه وايد مفيده بدل ما تشيل معاك نظارتين 🙂
الحين ابشرك بفتك منهم باذن الله 🙂
الله ييسر لك أمر عمليتك ويبعد عنك مضاعفاتها ويشفيك ويقومك بالسلامه
اجل لازم تترك مشاهدة الشاشات لفتره من الوقت ومن ضمنها الجوال واللاب يعني متابعوك بيفتقدون وجودك
ترجع لمتابعيك بالسلامه يارب
ربي يسلمك ويحفظك
أعتقد بعض أنواع العلميات هي الي لازم تبتعد عن الشاشات عمليتي ماتحتاج لكن يحتاج تبتعد عن اي مصدر ضوء قوي
وربي يسلمك 🙂
ماشاء الله نظاره حلوه، بس ترى تقدر تخلي النظاره الشمسيه طبيه بنفس الوقت بس اكيد بتكون مكلفه أكثر، وطمنا شيصير بعد العمليه ونتايجها والله يسهل عليك 🙂
صحيح بس الطبيه الشمسيه المفروض تكون عدستها بدون ميلان لأنه يسبب ألم في العين
باذن الله تجربتي بتكون مكتوبه اهني بعد يومين 🙂
تقوم بالسلامه بوفلان اهم شي عيونك ياعيوني بعدين منو يكتبلنا بمدونتك الرائعة 🙂
الله يسلمك يابو محمد 🙂 وتسلم عيونك
الله يعافيك وعملية بسيطه ان شاء الله
وتفداك عيوني ياعيوني
>>ننتظرك ترجع بالسلامه يالغالي ^_*
الله يسلمك ويفداك اللاش 🙂
باذن الله ربي ييسرها
اتهنا فيها ,وبالسلامة ان شاءالله
ووين بتسوي عمليتك ونبي تجربتك بعد العملية , وشكرا..
ربي يسلمك
باذن الله بمستشفى السلام عند الدكتور شريف عبدالوهاب
اسال الله العظيم ان تتم العملية بخير و تقوم بالسلامة
وبالمبارك النظارة
جزاك الله خير بوسالم
ويبارك فيك الرحمن
الله يتمم العمليه على خير وتطلع سالم غانم وراح نفقدك $
شكرا وماتفقد غالي واللهم آمين
سلامات يالغالي ماتشوف شر يعطيك العافيه علي المواضيع المفيده ومبروك النظاره
الله يسلمك ويعافيك ويبارك فيك
أشكرك على كلامك الطيب
اتمنى تكتب عن تجربتك للعمليه ونصايحك لمتابعين المدونه ,
لاني بعد فتره راح اسوي هالعمليه ,, وما تشوف شر ان شاء الله
خوش شي خصوصا ان عادتا العدسات أهي الي تنكسر ” اذا كانت من زجاج ”
لكن الأهم الي ودي أعرفة هل متوفرة مع „ فلتر البلورايزد „ ؟
بو فلان لاهنت بغيت اسالك عن ماي يو اس ابطلب من الامازون ونش 4500 LB 2 طن تنصحني من وين اشحنة لني دايماً اشحن من ارامكس وشوفة غالي الونش وزنة 23 باوند شرايك يرحم والديك عطني خبر 90077979