مدونة أبوفلان تقنية ، أخبار ، تجارب شخصية ، مطاعم ، سياحة
.
.
تذكر نفسك وانت صغير قبل ؟
باجر العيد وتقعد انت واخوك تحسبون جم بتحصلون ؟ 🙂
والعم او الخال الي يعطينا فلوس نحبه ونقلقس عنده والي مايعطينا نعطيه بلوك 🙂
طيب هذا قديما
الحين انت صرت بهالموقف !
هل أنت توزع عيادي ؟ جم المبلغ تقريبا ؟
ولا انت من النوع الي لي الحين ياخذ 🙂
.
ana mn ennooo3 elli lel7een ya5eth 😀 ba3dni makobrt wayed 3ashan a36ii 😉
ايه من النوع الي يظلون شباب مايكبرون بسرعه ماشاء الله
بس جم تحصلين ماقلتي 🙂
خلها على الله يابوفلان لا تقلب المواجع !!
العيد ممتاز للعيال و بالنسبة لنا اصبح ،،،،، ولا بلاش خلني ساكت 🙂
كل عام وانتم بخير مقدما ، بس جنك مبجر حيل في الموضوع ! شكلك متوهق لوووول
ههههه حدي والله متوهق قاعد اكسر حساباتي
الظاهر هالعيد ماكو شي
الله يالعيادي ..
تروح من صباح الله خير عند أبوك وعيونك مغمصه وشعرك سبايسي .. يبه عيدك مبارك <<< حدك برئ تنطر ال٢٠ دينار ..
وآخر يوم العيد .. نروح شرق نشتري ألعاب ( سيارة لاسلكي ) ..
عاد مقصه واحنا صغار .. عموور عطني عياديك اخشهم بالبنك
🙂 آخر شي باني البيت منهم .. هههههه
…
چني طولتها 🙂
أنا الحين أعطي عيادي .. بس كلهم ٣ روس وأمرهم سهل .. عاد السنة الي راحت تليعنت شوي وما عطيتهم فلوس يبتلهم ألعاب بالعيدية عشان أبوهم ما يضربهم بجيبه ..
هالسنة إن شاء الله بدبل الچيله .. يستاهلون .. وخاصة فلان غلاته شيك مفتوح .. 🙂
هههههههههه شعرك سبايسي قصدك سبايكي 🙂
لا انا عندي حصالة حق فلان بس بالصيف أبطلها 🙂
Ana lail7en a5th ;p
bs shakli hal sena a5er sena ;p
ياحظج لي الحين تاخذين
لا أبشرج بينزلون المعاشات مبجر 🙂
الله ذكرتني بايام العيادي ويوم ماكان للعيد طعم مو الحين استغفر الله بس ما جنه عيد
الحين أغلبهم شباب يفضلون النوم على زيارة الأهل والعيد
ويجيك عيونه غمص وماله خلق
والكبار مفلسين عيالهم فلسوهم بالموضه 🙂
بييه توى الناس على العيادي .. الناس تفكر بالقرقيعان الحين ، زين انت ما قلت بموضوعك هل تعطي عيادي وجم تعطي ولا من النوع اللي ليلحين ياخذ؟
انا بديت اعطي من العيد اللي طاف اوزع دنانير وانصاص 😀
انا عطيت العيد 150 وبعده صارت 50 وهالعيد الظاهر ماكو شي 🙂
الله ابي عيديه من زمان عنه اهي اهي..
صراحه مافكر اعطي بعدهم يهال مايستوعبون اما خواتي اطلعهم وكان الله غفور رحيما ..
بس عادي استقبل عيادي ماعندي اي مشاكل 🙂
المعاش أحلى من العيادي 🙂
بس الياهل هم يأثر فيه اي شي عطيهم حتى لو ربع دينار
العيادي اللي تستلمها بالصغر ترد تعطيها بالكبر، تتعادل الحسابات ومادياً محد مستفيد، لكن الإستفادة معنوية وتأتي من فكرة الكرم بالعطاء.
عادة طيبة ياليتها تظل
صحيح مثل ماقلت كل المناسبات حتى النجاح والاستقبالات 🙂
تاخذ وتردهم
لكن تظل حلوه بس لو غير الفلوس 🙂
صراحة أنا أعطي أختي الصغيرة بس و دينار يخب عليها هههههه
توني طالبة و أمي و أبوي أول من يعطيني و كل واحد 20 دينار و يدتي و خالاتي و عماتي على 10 تقريبا يعني العيدية ما تزيد عن المية وشي و عاد شوف أبوي لما يدري إن عندي هالمبلغ، يقولي يا ويلج ان قطيتيهم على خرابيط (قصده أجهزة الكترونية أو مطاعم) بس أكيد ما يمر العيد إلا العيدية طايره و محصلة زفة من أبوي 🙂
بل بوهباش الله يهداج
أذكر واحد من ربع الوالد عطى أخوي الكبير عيدية 225 فلس هههه
العيدية الوحيدة الي ماحسدناه عليها ههههه
عاد صارت ذكرى الحين
هاهاهاها حلو السؤال بوفلان .. واي راحت ايام اول الحين انا اعطي اخواني اللي اصغر مني وعيال اختي .. بس اخذ من زوجي عيديتي وام زوجي اتعيدنا بعد لوووول اعوض اللي ادفعه حق اخواني واكثر هاهاها .. حاسبتها صح 🙂
اهم واقوى عيديه من الزوج 🙂
لاعبتها صح
حلو تاخذ
لكن موحلو تدفع
(:
100 % أنت
انا كل عيد انسى اني اصرف انصاص ودنانير واروح على طول للوالدة واعطيها 20 واقولها عطيني من اللي صرفتيهم وكل مرة ترفض وتقول انت كل عيد تنسى تصرف فأعطيهم السايق واقوله دور لي صرف يروح ييب لي 5 دنانير والباجي جم نص ودينار اقزر فيهم ليما ادور غيرهم المهم رد على سؤالك اخوي بو فلن اي والله اعطي ومن زمان بعد والعدد كبير والله تقريبا 20 ياهل على نص و12 وسط على دينار و6 على 5 دنانير و4 على 10 دنانير الله يعين هههههههههههههههه
بس كلهم يحبوني الفلوس معوضه
شكلك من الحين مقسمهم 🙂 ومضبط أمورك
ماشاء الله الله يخليلك الوالده
الكبار يحرصون ويحبون يشووفون اليهال مستانسين ومصاريف الكبار مو وايد
أما احنا الي ناكلها 🙂
احلى شي العيدية لها فرحة خاصة مهما كبر الواحد يفرح فيها مثل الياهل 🙂
انا للحين يعطوني
قانون العيلة ماتنقطع العيدية الا بالزواج او التوظيف
ومرات انزل اوزع من فلوس البيت على اليهال اللي يعيدون بالفريج
فعلا لها لحظات جميلة جدا
في واحد بالعايله لي الحين يعطيني وانا ابو عيال 🙂
يقول هاذي عادتي ما اقطعها عنكم 🙂
لليحين آخذ
بس ما يعطون وايد .. ما أدري شالحكمة^^
فلوس ماكو 🙂
عيادي قبل أيام أبهاتنا غير عن عيادينا اليوم، قبل يعايدون بأنواط كل نوط ينطح نوط وإحنا اليوم نعايد بخردة. 🙂
راحت أيام العز وأنا أخوك.
عز الله صدقت
والله كانت تييني ايام وانا ابن 13 سنة ما اطلع بأقل من 140 دينار الحين اليهال مساكين اذا طار طار حصل 50 🙂
لا اخذ ولا اعطي 🙁
اشتقت للعيادي
فجأة اقطعوا الأهل عني العيدية مادري ليش لوول
يمكن تجاوزتي الحد المسموح فيه بتوزيع العيادي
احيانا الاحد وده يعطي بس يشوفج كبيرة يستحي يعطيج أقل من 10 فا يقول ما اعطي احسن
السلام عليكم و رحمة الله و بركاته
انا ليلحين اخذ , يمكن مره عطيت عن خاطر الياهل
و اذكر كانت 5 و كان بوسنتين ,, والله جنها وايد عليه <– توها تتحسف بعد سنتين !؟
المهم ,, اهم عيدية عيدية امي والله فديتها اصلاً لو لا عيديتها جان ما طلع لي شي ,, !
الحين العالم كلها تسافر بالعيد للأسف
قبل كان الريال و مرته يعطوني الحين بس واحد منهم قام يوزع !
تتوقع الازمة الاقتصادية الي اسمع عنها ومادري شنو سالفتها هي السبب ؟؟
اخوي هالشهر ماعنده الا يخطط هالعيدية شنو يسوي فيها
قبل شوي يقول حق امي عطيني 5 و اردهم لج من العيادي !
و امي تقوله بتردهم لي من فلوسي يعني قايل شي ؟
و انا اقنعها انها ما تعطي شي <– شريره
انا قبل و لا زلت بكل رمضان تقريباً من نصه افكر شنو اسوي بالعياااااادي ,, عاد الحين دامك ذكرتني شكلي باخذ لي بلازما مليت من تلفزيوني العملاق
و عندي 5 يهال خاطري اعطيهم عيادي ان شاء الله
نفرحهم مع ان 2 تحت عمر السنتين يعني ماراح يدرون عني بس عن خاطري
ماشاء الله عليج خلاص الواحد لازم من كيفه يوقف ماياخذ p-:
على ايامنا ماكو الا يارغوه يا سيارة لاسلكي 🙂
الحين الناس مو مثل اول ماتعطي يابو فلان
مايعطيك الا اهلك وامك واخوانك وابوك
اما الباجي ماااش
انا اعطي الحمدالله
بس لما قدمت استقالتي عطوني رديت لايام اول
لووووووووووووووول
هههههههه
يعني تنصح ان الواحد اذا تقاعد يعطونه بعد قياسا على الإستقالة 🙂
الله يخلي جدتي اهي الوحيده الي تعطيني انا في العيد الي زعلان ارضيه في العيد والي اكرهم ازورهم بي الغيد لانه اكل حلوهم >
والله النية مطية
عجل اكلهم حلو عشان جذي توصلينهم 🙂
الجده أطيب قلب ومصاريفها شوي مالها في الملابس والكشخه فلوسها زايدة
ابو فلان كني عرفت اسم فلان
خلها سر الله يرحم والديك 🙂
I had a desire to make my business, however I didn’t have enough of cash to do that. Thank God my mate told to utilize the loan. Hence I took the commercial loan and realized my old dream.
This blogpost is definitely cool and useful.