مدونة أبوفلان تقنية ، أخبار ، تجارب شخصية ، مطاعم ، سياحة
وكما وعدتكم ان اكمل الموضوع بالجزء الثاني
ولازم نذكر نفس المقدمه الي طافت 🙂
قبل أن تقرأ يجب أن تعرف أنه لولا إختلاف الأذواق لبارت السلع ..
بعض العطورات تعشقها أنت ويكرهها غيرك ، وبعضها تكرهها أنت ويعشقها غيرك ..
والبعض من الرجال يفضل استعمال العطورات النسائيه والبعض من النساء يفضلن العطورات الرجاليه ..
فلا أحد يقولي هذا العطر مو شي وانا ماعجبني مشكووور يبا بس عطنا عطر حلو يعجبك والله يعطيك العافيه <<< فاهم ولا لأ ؟
,
العطر الثامن
عطر لاليق .. lalique
هالعطر ماشاء الله فواااح وريحته قويه ولكن مايعجب الكل فيه تقريبا من ريحة الشرقع الغربي
يعني مكس شرقي فرنسي
,
العطر التاسع
عطر ديور ..Dior homme intense
هالعطر ماشاء الله روعه بمعنى الكلمه على عوود عربي بس عيبه مايطول بس رهيب والله
,
العطر العاشر
لا هوم .. l’homme
هالعطر طاحوا فيه طيحه الشباب ماشاء الله حلو وبااارد
,
العطر الحادي عشر
عطر أكوا من أرماني .. Armani-Acqua
هالعطر ماشاء الله ريحته روووعه وبااارده وشبابيه انت بس رشه والكل بيسألك شنو راش ؟؟
,
العطر الثاني عشر
ديفي دوف سلفر شادو .. silver shadow
هالعطر دعايته كانت قويه جدا هو حلو فعلا بس مو ذاك القوي يعني تحس ريحته مالوفه مع باجي العطورات يعني مقارب لعطر ماني متذكره الصراحه .
,
العطر الثالث عشر
فيرساتشي .. versace
واحد من الشباب يستخدمه حلو ماشاء الله انا جربت البنفسجي منه عيبه انه مايطول معاك ..
ودمتم بحفظ الله ..
وان شاء الله مع أجمل العطورات النسائية في جزء قادم
ما شالله !! نسائية في المرة القادمة 😀
هههههههه
لو تحط خدمة توصيل منازل شغل عدل بعد :p
عشت يابو فلان
نبي من هالسوالف الطيبة من وقت الى آخر
مشكور
مشاء الله عطور حلوة
وأنا من عشاق عطر لا هوم ..
مشكلتي أحب العطر فترة وأصير بعدها ما أطيقه 🙂
تصير بأحسن العوايل 🙂
وانا نفسك مره ضربت على عطر كان غالي حبتين وصرت أي محل عطور امر جنبه أدخل أسم العطر وأطلع
ويوم يانا الرزق شريته الحين باقي فيه ثلاث أرباع وكرهته بعدين عرفت انه الشي لي زاد عن حده انقلب ضده من كثر حبي له كرهته