مدونة أبوفلان تقنية ، أخبار ، تجارب شخصية ، مطاعم ، سياحة
أخيرا بدأت تظهر الخدمات في محطات الوقود لدينا في الكويت حيث كنا نعاني من جفاف لا خدمات غسيل ولا محلات ولا مطاعم
بدأت حاليا الشركات التي تدير المحطات ومنها شركة Alfa بتزويدها بالخدمات مثل المطاعم ومحطات الغسيل ومحلات اتصالات كان الاهتمام فقط بمحطات بعيده عن المناطق السكنيه والتي تكون باتجاه الشاليهات لكن حاليا تم التعميم على اغلب المحطات حتى التي تكون بين المناطق السكنيه
اتمنى يفتحون كشك للقهوة تطلبها وانت رايح مشوارك
اتوقع راح تنجح نجاح خيالي
اعتقد جم محطة عالملك فهد فيها بعض
اعتقد جم محطة عالملك فهد فيها بعض الخدمات..
-اتجاه النويصيب.. محطتين.. سب واي باللي بعد جسر هدية ومحطة بانتظار الافتتاح بعد جسر جنوب الصباحية بنفس الاتجاه.
– اتجاه مدينة الكويت قبل جسر فهد الاحمد.
– العقيلة مقابل الرقة في الطريق الفاصل (الاولى).
ومثل ماقال اخوي راشد نبي كوفي شوب بكل محطة..
مكشور عالبوست اخوي بو فلان
مو ملاحظ يالغالي ان كل همك مطاعم ؟!
مو ملاحظ يالحبيب اني قاعد اتكلم عن الخدمات بشكل عام 🙂
ويه اسوء خبر الحين البطينيه يصفون دور حق المطاعم ويسون زحمه بالمحطه
كل محطة بانزين بين المناطق يمها جمعيه ومطاعم ماله داعي صراحه يزيدون الزحمه عند البانزين ..
لو في الطرق الرئيسيه باماكن بعيده حلوه بس بين المناطق ماينفع..
هذا راي شخصيي يمكن الايام تبينلي العكس
اللي جد تستاهل خدمات محطة جبد
قبل فتره رحت ولا فاتحين محطة تنظيف سيارات وبرجر كنج وخدمات روعه بجبد
شي يفتح النفس ما شاء الله
عاد المحطات بروحها زحمه لا والحين مكدونالدز
الله يعين