مدونة أبوفلان تقنية ، أخبار ، تجارب شخصية ، مطاعم ، سياحة
مطعم أمريكي مشهور افتتح مؤخرا أول فرع له في الكويت في مجمع الأفنيوز في التوسعة الجديدة غراند افنيوز
المطعم يقدم العديد من الأطباق الأمريكية من ستيكات الى الباستا والبيتزا والسندويتشات والمأكولات البحرية
المنيو متنوع جدا والأطباق فيه كثيره تحتار شو تختار 🙂
الطلب كان عبارة عن ربيان مقلي بالبقصمات جدا لذيذ وممتاز مع الصلصة الحارة قليلة
وطبق سلايدر برغر لحم يتم تقديمها مع البيكلز والبصل المحروق وحجنها يعتبر كبير مقارنة بالبرغر ميني لدى المطاعم الأخرى
اللحم ترف وطري وتقدم مع البطاط وحلقات البصل
أما طلبي فكان قطعة ستيك مينيون وهو افضل قطعة ستيك يقدمها المطعم ، وشخصيا افضل الفيليه بشرط ان يكون طبخها ميديام ويل بحيث ماتكون ناشفه
كانت طريه جدا وهي من افضل قطع الستيك التي تناولتها فعلا
مطعم تشيز كيك فاكتوري مشهور بكيك التشيز فاكتوري ولديه انواع عديدة وبأحجام مختلفة من الكيك
بالفراوله والاوريو والسنيكرز والاناناس والليمون والكثير منها ، كما يوفر تشيز كيك عبارة عن كيكة كاملة بحجمين اما ٧ انش او ١٠ انش والسعر يختلف طبعا
طلبنا كان تشيز كيك فراوله وتشيز كيك بالليمون والقطعتين طعمهم لذيذ
التقيـــــــــــيم
جودة الأكل 10/8.5
الخدمة 10/9
المكان 10/9.5
السعر 10/8
عوافي
ولكني فضلت مطعم الدكتور 🙂
بالعافيه لكن جودة الاكل ١٠\١٠ بالنسبه لي
لاحظت انك طالب اكل مو الاشياء الحلوه عندهم
حاول مره اخرى واسال عن المعروف عندهم احسن
كيف البرجر عنده من الصوره اللي اشوفها شكلها يمليها زيت .
بالعافيه بوفلان بالنسبه للتب اماونت هذه تكون مخزنه باللاي اوت للفاتوره للي يحب يدفع عن طريق الكي انت و يحب يدفع تب او بخشيش يقوم باضافه المبلغ عساس المطعم يقوم باضافته للفاتوره الخاصه بالكي نت و بالنسبه لسعر الاكل مناسب ولكنه غالي للمرطبات و العصائر …
ياعليكم اكل يالكوايته اهم شي عندكم بطنكم
اللهم لاحسد!!
اسمنا “كويتيين” وليس “كوايته”.. هذا اولاً.
ثانياً: المطاعم موجودين بكل ديره مو حكر على الكويت فقط!!
اعوذ بالله…
بالعافيه . بس مطعم ادارته فاشله للامانه ، اول تجربه لي
حجزت الساعه 8 الا ربع ، و ما وصل الدور الا 9 و ربع و اخرتها
طاوله بين 3 شباب !! و تقول لي بكل بساطه
اقعدي معاهم ولا روحي احجزي من جديد !!
وغير هذا لما ابي اسأل جم باقي على الحجز لانه اهم يحددون
الوقت ، تقول لي وحده من الموظفات انطري ولا اكنسل الحجز ؟
و طبعا طلعت من المطعم سيده ، قلت بعذرهم لانه زحمه و مطعم جديد 🙂
بعد جم يوم رحت لقراند افنيو ، قلت هالمره بجربه على هالمدح
طبعا وقفت بطابور الحجز من الساعه 11 لما 1 و كل شوي يقولون
روحوا مراح نفتح !! و كل شوي يعطونا حجي و اسباب مختلفه .
لما وصلت الساعه 1 فتحوا الحجز و حجزنا بس ما فتحوا المطعم
الا 2 و نص و احنا اول ناس !!
و مع انه كان ” جيس ” مكتوب عليه نفتح 11 ونص !!
و كان الاستاف كله موجود و من الفراغه يصورون المطعم !!
بس شنو السبب ما ادري ، و اصلا ما همهم انه في ناس تنطر !!
المهم دخلنا وكانت الطاوله حلوه ، بس قالوا لنا مافي الا كيك
غير الاكل ، مافي !! ، « و طبعا احنا بس نبي كيك .
طلبنا وجابوا الطلب ، و بكل صراحه وحده من الشيز كيك
فيها ” شعر ” و القفاش و المواعين عموما معدومه فيها النظافه ،
حتى طلبنا منهم جدد و نفس الشي النظافه صفر !!
فـ بالنهايه ، المطعم ما يستاهل هالزحمه و فوق هذا الكيك عادي 🙂
اخوي واستاذي ابو فلان
ما نوع الكامير اللي تستخدمها في التصوير يوم تروح المطاعم
انا رحتله بدبي
تجربه فاشله بس الجيزكيك نااااااااار خصوصا الاوريو و الريد فيلفيت
عوافي علي قلبك خوي وتسلم ايدك ع التقرير
بالعافية ابو فلان
سؤال، كم استغرق وقت الانتظار حتى جلست
في دبي، وصلت عنده و الا الطابور طويل، فالي سويته و كنت لوحدي، اخذت قطعة من تشيز كيك بالمانجا، خرافية، دسمة، و رااااااااااهية، و طلعتب من المطعم، جلست عند حوض السمك المقابل للمطعم، اكلت جزء منها، ثم خرجت للنافورة الخارجية، و كملت الباقي، بصراحه من أفضل ما ذقت
عواااافي
اكلهم عجيب ولكن ضارت معاي سالفة طلبت عيش بانغ بانغ المهم العيش كان بعضه مو مستوي كلمت المدير وقالي حنا آسفين راح اشيل حساب الطلب واذا حاب اجيب لك عيش ثاني وحسابه علينا قلت له لا شكرا لأننا كنا منتفخين من الأكل ????