مطعم قيصر سيزر .. Caesars

يقولون الواحد اذا مافيه ضغط وسكر وعليه أقساط مايصير كويتي !!

وأنا أقول الي مايعرف مطعم قيصر مو كويتي 🙂

المطعم معروف ومشهور

مطعم قيصر : مطعم يقدم الأطباق الهنديه والصينيه وايضا الايرانيه بس التخصص الأصلي هو الأكل الهندي ..

المطعم موجود بعدة مناطق : الفحيحيل وهو أسوأهم , وحولي بارك بنظري أفضلهم , والسالميه كله زحمه , والفروانيه على ما أعتقد ..

أول شي طلبنا المقبلات

شوربة دجاج بالذرة

طبعا مع الليمون والجراقي تطلع مضبوطه

عاد شنو الجراقي .. هذا هو

وعشان يكمل الجو تطلب معاهم خبز نان بالجبن والزبده ..

الطبق الثاني فتوووش ..

وعندهم سلطة جربتها مره قمت اطلبها كل مره .. 🙂

سلطة الربيان بالأناناس .. أياباااااااه

وهذا بعد ربيان على الطريقة التايلنديه خطير الصراحه ..

طبعا صورته متأخر ولا الكميه اكثر من جذي ..

وبعدين بدينا بالأطباق الرئيسية

أكثر شي يشتهر فيه المطعم والي الناس تطلبه هو : ستيك قيصر ..

الي هو هذا

طبعا يختلف الستيك بالمطاعم الهنديه عن المطاعم الأمريكية إختلاف كلي من حيث طريقة الطبخ والتتبيله والحجم والطراوة ..

والطبق الثاني هو : ستيك مكعبات .. ستيك مقطع بحجم التكه

,

أخوكم أبوفلان من عشاق هذا المطعم ولكن الحق يقال !!

مايعيب المطعم هو الرائحه , بما أن المطعم يقدم الأكل على أطباق ساخنه يسمونها ” التش تش ” يعني يجيبلك الطبق والبخار يطلع منه بشكل كثيف فالجو بالمطعم كله ريحة اكل

يعني ملابسك كلها تصبغ ريحتها وهالشي راح تحس فيه لما تطلع من المطعم وتروح البيت تقط ملابسك ..

التقــييم

المكان 10/8

كبير ووسيع وفيه كباين ..

جودة الأكل 10/8

السعر 10/10

الخدمة 10/8

والسلام مسك الختام ..