مدونة أبوفلان تقنية ، أخبار ، تجارب شخصية ، مطاعم ، سياحة
تابعت في الايام الماضية رحلة سفاري كينيا على انستغرام التي ينظمها الأخ المصور ماجد سلطان الزعابي
وهي رحلة للمصورين المهتمين الى دولة كينيا مدتها اسبوع ، الرحلة مخصصة كلها لتصوير الحياة البرية والبحرية والخروج بلقطات رائعة جدا
فيديو للرحلة السابقة قبل شهر تقريبا
httpv://www.youtube.com/watch?v=xI-k8qxTleQ
أيضا لمن يرغب من المصورين بخوض هذه التجربة هناك رحلة اخرى ينظمها المهندس ماجد سلطان الى كينيا في الفترة من 12 – 18 أكتوبر
تجد تفاصيل الرحلة وطريقتها والجدول هنا : Link
باذن الله سأحاول خوض هذه التجربة في السنة القادمة وان كنت غير محترف في التصوير الا أن الرحلة بحد ذاتها مشوقة
واااااو ما شالله عليك تغطية احترافية وان شالله كرسيك محفوظ السنة الياية عزم عزم يالغالي
والله نتشرف صراحه ننضوي تحت لواء بوعبدالله
باذن الله السنه الجايه اذا الله احيانا معاك
شكراااااااااااااااا
عفووووا
كان ودي اروح بصراحة
بس شفت السعر حيل حيل غالي .. لو اروح بروحي اوفر
1100 دينار من غير التذاكر … مكلفة بصراحة
تروح بروحك لازم تكون لك خبره في تأجير وأماكن التصوير الممتازه والطريقة وهكذا
السلام عليكم ورحمة الله هلا بالعبد
صدقت المبلغ غالي والجدول مال السفاري موجود بالموقع سو كوبي بيست وارسله بالضبط حق اي شركة سفاري محترمة وشوف السعر صدقني راح يطلع عليك اكثر بوايد
واذا بتروح خلكم اربع اشخاص تخيل انا رحت يومين بس ماساي مارا ٥٠٠ دينار من غير تذاكر
وثاني شي السعر هذا حق ورشة تصوير يعني دورة كاملة من سفرات السياحة الثانية وصدقني هامش الربح اصلا غير مرضي جدااا مقارنة مع الدورات التي اقيمها في الكويت بين اهلي مرتاح من غير سفر ولا تعب
وربي يوفقك ان شالله يالحبيب واذا تحتاج اي خدمات حاضرين للطيبين
الله يوفقكم
بس محتاج عده سنعه يابوفلان للزوم مو اقل من ٧٠-٢٠٠ الرائعه وفيه اقوى
ووايد انجل ومكرو والله يعينك التصوير مخاسير
اسال مجرب ولاتسآل طبيب
بس للي يحبه تهون عليه هالامور
الله يخلي مواقع التأجير 🙂
ماتكلفك ٢٠٠ دينار احلى عدستين 🙂
هههه درب الفلس صدقت يالغالي مو اقل من ٧٠-٢٠٠ ولازم كونفيرتر ١.٤ يعطي نتايج حلوة مع الاضاءة الزينة ومثل هذي الورش عادة ما تكون حق المصور اللي عنده العدة شبه مكتملة من عدسة زوم وعدسة وايد انجل عالاقل
وربي يوفقكم
ماشاء الله شغل مرتب و موفقين ان شاء الله
شكرا بوفلان على التقرير
أنا أقل دوله أركب فيها طيارة الامارات أخاف من طياره هالمره أركب طياره تروح نص عالم ما اتحمل هههههه