مدونة أبوفلان تقنية ، أخبار ، تجارب شخصية ، مطاعم ، سياحة
,
اليوم الصبح وانا رايح أتريق مع صاحبي عبدالله
إلا دخان من صوب البيوت داخل منطقة العقيلة
وبما أننا شعب نحب التجمهر والطماشة
رحنا ولا سيارة قاعدة تحترق وعلى ما وصلوا المطافي راحت النار على السيارة الثانيه
ولأن الساعه 5 الفجر فراعي السيارة الثانيه نايم وراعي البيت نايم وعلى ما انزلوا الا شبّت السيارتين
.
.
الحمد لله الذي عافنا والله يكفينا شر الحوادث
.
نفس الحادث بالضبط صار بشارعنا قبل شهر تقريباً
بس الحمد لله الي احترقوا زد وجيتي لواحد من جيرانا واحس الكل حاقد عليه وانا منهم محد دق على المطافي إلا راعي السيارتين وما دق إلا لما انفجرت الزد وولعت بالجيتي وتفحمن وحاش طشار لسيارتهم الكامري الثالثه
حييييييييل الحمد لله الي راحوا منه السيارتين وبطل يزعجنا
بعض الحوادث الناس تحمد الله عليها وتستانس 🙂
لاحول ولاقوة الابالله
الحمدلله على السلامة والله يكافينا وياكم شر الحوادث
والله يعوض اصحاب السيارات
آمين الله يعوضهم خير ويعوض راعي البيت المظلة الكشخة راحت
المهم ماكو اصابات
و الا الحديد دفعة بلا
و العوض على الله
و تصدق عاد قاعد اطالع السيارات و الا شكلهم
شوي عتج
يعني الحسافه مو قويه 🙂
ان شاءالله ماكو اصابات
الحمد لله لا اصابات تذكر
مسكين و الله
الحمدلله في الحديد و لا فيهم
والله خسارة سيارتين بنفس الوقت شي جايد ومو هين، عسى بس مو مطلوبين أقساط تصير البلوة بلوتين.
السيارات قديمة
بس الانسان مايركب قديم الا عنده ظروف
الله يعينهم
الله يعوض اصحابها ان شاء الله,شيئ جيد ما احد تعرض لأي اذى.
الله ستر
ذكرتني ابوي كانت سيارته خربانه وحاطها عند البنجرجي
وبنص الليل السياره الي يم سيارة ابوي تحترق وتحوش سيارته ( شالحظ من بين كل سيارات ) بس الحمدالله لحقوا عليها
:/
الله يعوضهم خير ..
معقوله سياره تحترق بروحها !!
الله يكون بعونهم بصراحه
اي عادي يمكن ضربها شورت
مساكين
الله يعوض عليهم :\
allaa staar wallaa 🙁
yalla zain masar shay akbar ba3ad ,, enzain ma bayan shnu sebaab ? shloun e7trqat ilsayara ?
ماشفت الخبر بالجرايد الصراحه
يعني عندي سبق صحفي 🙂