مدونة أبوفلان تقنية ، أخبار ، تجارب شخصية ، مطاعم ، سياحة
اشتريت هذا الميموري كارد للكاميرا من احد محلات بيع الالكترونيات في السيتي سنتر في ميونخ بقيمة 12 يورو مايساوي تقريبا 4.250 د.ك
وهو من نوع Sandisk HD Class 10 ولم أجد سعة أكبر من هذه السعة للآسف فالسعر جدا رخيص ومناسب
بالأمس توجهت الى الكترونيات الغانم للسؤال عن سعر الميموري نفسه أخبرني أنه يباع بسعر 10 د،ك عندهم !
نصيحتي لمن يحب السفر لاتشتري ميموري اقل من 32 غيغا ويكون لديك ميموري احتياطي بسعة 8 غيغا مثلا
كل شي برة الكويت أرخص من الكويت الا البانزين 🙂
اي والله صدقت
اي والله كل شي برا الكويت ارخص
اسهل عملية يقوم بها البائع او التاجر (فقط في الكويت) يشيل علامة الدولار ويضع علامة الدينار الكويتي.. حتى بحساب الفايده ما يتعب روحه
اخوي ابو فلان اذا انت تبحث عن ميمور كلاس 10 انصحك بمايكرو اس دي
micro SD من انتاج شركة سامسونج تحصله بإي باي سعته 32 جيجا واذا تبيه للكام ركبه بالادابتر حق الاس دي واعتقد امورك بالسليم
انا مجرب وطلعت علي مع التوصيل تقريبا 44 دولار (هاليومين بـ37) وعليك التحويل طبعا التوصيل 0 لأني حطيت عنوان الكويت والحمدلله تم توصيلها بعد اسبوع من الطلب
وهذا رابط الميموري من البايع نفسه واتمنى اني افدتك
http://www.ebay.com/itm/Samsung-32GB-32G-micro-SD-microSDHC-micro-SDHC-T-Flash-Memory-Card-Class-10-/270842687213?pt=Digital_Camera_Memory_Cards&hash=item3f0f7b6eed#ht_6130wt_881
واذا تبي طلبت لك عشانك بس عموله 10 دنانير 😛 حاضرين للطيبين
حاضر اذا بخاطرك تواصل معاي وتحت امرك
للأسف هذي ماتضبط مع الكاميرات تحتاج ادابتر حتى تقدر تستخدمها مع الكاميرا
ايضا ماتتحمل تصوير الفيديو راح يعطيك فقط 5 ثواني تصوير فقط
كنت املك الفلاش ميموري من نفس الشركة وبه مشكلة وقد راسلت الشركة وتلقيت الرد من خدمة العملاء انه يوجد خلل في الفلاش ميموري يؤدي إلى تحوله إلى وضع القراءة فقط وبشكل دائم (لايمكن مسحه ولا الكتابة عليه) فنصيحتي ابتعدوا عن أي فلاش ميموري من صنع هذه الشركة وعندي الايميل اذا احببت نسخه منه سارسلها لك .. تحياتي
غريبه عندي واحد استخدمه من سنتين ماشي تمام معاي
يمكن البعض فعلا واجه المشكله الي ان شاء الله ماتواجهني 🙂
This is weird! I was in Munich and I went to buy an SD card and it was more expensive than Kuwait :/ I guess its a store thing!
فيه انواع كثيره هذا النوع ارخص من الكويت يمكن تحصل منتجات اغلى لان عندهم ضرايب ايضا
هناك صناعتهم ! هني جمارك ويبون الربح وحوسه ونقل وبعدين معروف الكترونيات الغانم دايماً اغلى
ما عليك كلام ” Sandisk ” و استخدم مثله بو 32 و الحمدلله .
و صح كلامك و دايم لما اروح الغانم اشوف اسعار ” Sandisk ” اغلى من برا !
و بالنسبه للجمارك للشركات طبيعي بتاخذ منهم بس يزيدون السعر
بشي معقول مو دبل ! و مثلا عندك انا شريت عدسة كانون 24-105
من امازون سعرها فوق 900 دولار الاغلبيه قالوا لا تشترينها بسبب
الجمارك راح تاخذ عليج 5% على كل 100 دولار ، طنشت كلام
و توكلت على الله و طلبتها و الحمدلله لما وصلت ما اخذوا شي
و طلعت علي كامله للكويت مع ” وزن ارامكس و التخليص الجمركي ”
كله بـ 290 دينار كويتي : )
بس جم سعرها بالغانم ؟ سعرها 613 دينار كويتي و يقول لك مسوين
عليها خصم بـ 550 دينار « بكل الاحوال نهابينك ! : )