مدونة أبوفلان تقنية ، أخبار ، تجارب شخصية ، مطاعم ، سياحة
الكثير يرغب بطلب جهاز سامسونج Galaxy s III الذي اعلنت عنه ساسمونج قبل ايام ( اضغط هنا )
هناك موقعين موثوقين يوفرون الهاتف
الموقع الأول والذي طلبت منه جهازي قبل قليل هو موقع Handtec.co.uk
يوفر الجهاز بلونيه الأبيض والأزرق بسعر 200 د.ك 443 باوند لأن التوصيل سيكون دولي وبالتالي سيتم خصم الضرايب
لكن فرق العمله راح يسحب البنك اكثر بدينارين او ثلاثه
عند الطلب منهم تقوم باختيار التوصيل عن طريق Middle East DHL كما في الصورة وتضع عنوانك في الكويت وسيصلك الجهاز الى البيت
اطلبه من هنا واختر اللون الذي ترغب به : Link
الموقع الثاني هو موقع clove.co.uk لكن السعر أغلى من الموقع الأول الجهاز سيكلفك 210 د.ك
ومتوفر ايضا باللونين وعن طريق شركة DHL ايضا سيتم التوصيل
اطلبه من هنا واختر اللون الذي ترغب به : Link
الجهاز سيتوفر بتاريخ 30 من هذا الشهر وسيتم الشحن بعده بيومين او ثلاث
وبدون شك سيكون سعره لدينا اغلى بكثير واعتقد سيكون الفرق اقل شي 30 د.ك
بو فلان الله لا يهينك سؤال
شلون على التعريب ؟ بمعنى اللغه و الكيبورد يجون فيه offical نفس الآي فون ؟؟
الجهاز يكتب عربي ويقرا عربي لكن القوائم الله اعلم اذا هي عربي او لا
بو فلان ليش ما استعملت shopandship? لا يكون سالفة ضرايب؟
اولا لانها ليست من ضمن الخدمات المتوفره للتوصيل الدولي
ثانيا لانه راح يوصلني الى البيت
اذا طلبته على طريقتك في رسوم إضافية لازم أدفعها عند الإستلام؟
لا ابدا مافيه
ابو فلان الله يعطيك العافية
والله انا متردد اشتري الـ 16 gb صحيح اقدر ازيد عن طريق الـ SD Card بس مو مثل لو كانت الذاكرة داخلية !
ننتظر يقولون موعد إنطلاقها بااسواقنا نفس الموعد العالمي !!
تزيده وتحطلك ميموري Glass 10 طياره ووممتازه جدا
يعطيك العافية بوفلان.. شتنصح؟ اطلبه من الموقع ولا انطر؟ واي لون تنصح فيه؟
الله يعافيك اطلبه افضل
واللون الابيض افضل
هاتف 2000 راح يوفرة بأقرب وقت
هاتف الفين يوفر حبتين ويطيح الاسعار
طيب كم سعره بالدولار الامريكي أو الريال السعودي..؟
بالريال 2755
عليك بالعافيه مقدماً
انا ان شاء الله باخذلي الازرق
لونه غريب 😉
الله يعافيج
نعم فعلا لونه غريب وجديد في عالم الهواتف
الحمدلله في السعودية راح يوصل عند STC في 23 مايو قبل السوق الاوربي ^_^
ما اعتقد ابدا
انا الصراحة ما احب اشتري اي جهاز الا عقب ما اشوف عدة ريفيوات حتى تكتمل الصورة عندي بعدين اقرر يسوى ولا لأ…
انا وظيفتي اسوي هالريفيو 🙂
أبو فلان في تصريح من STC على تويتر انهم بيوفرنه قبل 29 علشان السوق الرمادي لان الوكلاء في السعودية خسرو من حركة طلبه من الخارج
والله قد يحصل ولو اني استبعده وبيكون سعره مرتفع او مع عقود سنويه
بو فلان ولا تهون
ممكن تشرح طريقة الطلب
حبه حبه
لاني للحين ماني عارف شلون اطلب 😉
بسيطه تضيف الجهاز الي تبيه ADD to card تضغط عليها
بعدها check out
بعدين تختار الشركة الي تبي تشحن عن طريقها مثل الصوره الي فوق تختار DHL
بعدها تعبي بياناتك الكويت والمنطقة الي ساكنها وايميلك وارقامك وعنوان البيت بالشارع ورقم المنزل وتدفع بالفيزا
السلام عليكم
هذا السعر اليوم بتاريخ 6/5/2012
http://im12.gulfup.com/2012-05-06/1336288996921.jpg
يعطيك العافيه يا اخوي
ماتغير شي يابو أحمد
بعد اضافة خدمة الشحن الدولي بيزيد عليك سعر الشحن