مدونة أبوفلان تقنية ، أخبار ، تجارب شخصية ، مطاعم ، سياحة
صورة من الأخ الحسينان عرضتها قناة اليوم تبين الفرق بين سرعة الاتصال بالانترنت وأسعارها بين الكويت والولايات المتحدة وبريطانيا وبين أسعار هذه الإشتراكات سنويا
طبعا لا مقارنة ابدا والسبب أننا لا نملك حكومة تملك ارادتها بدل ان يسيطر عليها التاجر ويفرض نفسه فرضا
سرعات متخلفة وبطيئة مقارنة بالسرعات العالية في اوروبا حتى لم نصل لنصف سرعتهم
بس الكويتي انفع 🙂
راح يجي اليوم الي يكون النت ارخص من سعر عصير سانكست وهذي دراسة مو من عندي
صحيح لكن نبقى في تخلف بسبب الجشع
يعني الناس توصل للشي بعد ٥٠ سنه نوصل مواصيلهم
ولو اني ضد شركاتنا
بس سوق الكويت يعتبر ولا شي مقارنه بسوق بريطانيا وامريكا هناك عندهم ملايين راح يشتركون واحنا عندنا المشتركين اقل من مليون والتاجر يبي يربح بالاساس
بو خميس وهل انت تعتقد ان هذي الشركات تربح من اشتراكات البيوت ؟
روح شوف عقودهم مع الوزارات والشركات والقطاع الخاص بمئات الآلاف 🙂
اكيد لازم يربح بو خميس بس لازم الربح الصافي ما ينزل عن 50000% مثلاً ؟
انا مشترك مع شبكة سكاي بانجلترا السرعه 20MB بس بمنطقتنا يوصل 15 MB وسرعة الداونلود حدث ولا حرج والتصفح واليوتيوب
والاستقطاع شهري ب9 دنانير فقط لا غير واذا تبي تضيف باقة قنوات سكاي الرياضية حق الدوري الانجليزي والاوروبي يوصل 15 دينار شهريا والرسيفر مجاني يابلاااش!!
الاسعار يا جماعة بيد الحكومه نفس طريقة خط التلفون من زين ولا فيفا الدوله تأجر الشبكه حق شركة الاتصالات واهي الي تفرض السعر يعني السالفه موبس جشع التجار ؟
السلام عليكم
جد سؤال محيرني ما ادري ليه احنا العرب متخلفين للدرجه هذي؟ هل حكوماتنا متخلفه ام احنا المتخلفين؟ الله المستعان
يبا خلك من هذيل انت حتى مو قد قطر ،و الامارات. انا لو من الحكومه اجيب مستثمر اجنبي ما اجيب واحد لو مو دعم الحكومه جان ما صار تاجر.
ياجماعة والله يبيلنا كلمة ووقفة نبي الشعب يحمر العين لا خدمة ولا سرعة مثل الناس نبي نحرقهم بتويتر لعل وعسى توصل لنواب الامة.
المشكله ان الشركات كلها متفقين فيما بينهم تقريبا و ما نشوف اي انواع المنافسات
و الاسعار متقاربة و هذا يدل على انهم مجتمعين على اساس واحد وهو السيطره
و طالما احنا كمستخدمين ما نتسغنى عن خدماتهم برغم سوء الخدمه الا انه الكره
في ملعبهم و غلاء الخدمه تتدخل فيها الحكومه و التجار و بما انه التاجر مدلع من
الحكومة فليس هناك مجال للتفاوض الا بكره الضغوطات كما كانت في الحملة
ضد الكبح !!
شالخرابيط!!
من قال الشركات البريطانية توفر هذي السرعات؟!
مثل ماقال الاخ فوق. السرعات ماتتعدى ٤٠ ميجا.
ومستحيل تاخذها كاملة ولا حتئ نصها.
يعتمد على خط هاتفك الارضي.
المعدل تاخذ سرعة ٤-٥ ميجا فقط.
عفوا اخوي تراك مضيع
عندهم هالسرعات وعندهم سرعات تصل الى 1.5 غيغا عند شركة فيرجن اطلقوها السنه الي طافت
وين قاعدين يبيعله 20 ام بي ويوصله 4 ام بي هذا عندنا يمكن
هذي شركة فيرجن موقعهم وشوف السرعات
http://store.virginmedia.com/broadband/compare-broadband/60mb.html?id=15208
شوف هالفيديو تيست سرعة الاتصال عندهم
httpv://www.youtube.com/watch?v=ytqocpkxCQI
سامحك الله تقووول ماوصلنا نص نص يابو فلان
قول ربع
يارجل ماوصلنا عشر والله شوف اكبر سرعه عندهم و عندنا
والله الحل حكومه منتخبه تطلع من شعب نفسه وحاسه بالي حاس فيه الشعب
بعدين ياليت اذا اشتركت بـ 8 تجيك 8 هههههه
هي سياسه إضعاف
هالشركات تلعب لعب بالمستهلك عندنا وإستغلال للبنيه التحتيه التعبانه لأكثر المناطق اللي خطوطها لاتتحمل أكثر من ١ mb
فيضطر المستهلك إلي الإشتراك بشركات الإتصالات اللتي بالأساس تؤجر الإنترنت من شركات الإنترنت وتبيعها لك بالغالي ..وكل ١ mb يكون عليه أكثر من مشترك وليس كما يعتقد البعض بأنه يحصل علي الوحده كامله ويبين من خلال الداونلود بأنه السرعه تتفاوت لأنه إشتراك أفراد وليس إشتراك شركات اللتي تأخذ الوحده كامله ..هذه السياسه مربحه لشركان النت وشركات الإتصالات ..ولا يريدون لخطوط وزارة المواصلات أو البنيه التحتيه لها تتطور حتى تعزز من أرباحها ويضطر المستهلك أن يشترك معها وخصوصا بأنه جل أرباح الشركات حاليا من خلال خدمات الإنترنت ..مع الأسف يريدون إهلاك مؤسسات الدوله حتى يعززو من أرباحهم وقيسو ها على الصحه والتعليم وخلافه
المشكلة بعد ان الشعب مايقاطع، البعض عباله اذا شرا الشيء الغالي يعني اهو الي واصل ومنو يقدر يشتري نفسه !! و آخر شي تلاقيهم يبيعون كب-كيك ولا تصميم دراريع بالمعارض
ما تتخيل حجم الاحباط الي حسيت فيه يوم شفت الارقام …