مدونة أبوفلان تقنية ، أخبار ، تجارب شخصية ، مطاعم ، سياحة
,
,
طبعا مافيه إلا الكويت هي المقصودة
الأسبوع الي فات أخذتلي شاليه تأجير بقيمة 300 دينار غير الماجلة الي كلفت تقريبا 100 دينار !!
مو هذا المووضوع الموضوع انه من حظي ان الكهربا طفت ثاني يوم عن نص الشاليه 🙁 لمدة 4 ساعات واليوم الي بعده أيضا طفت الكهربا ساعتين ..
أعتبر نفسي محظوظ لأن شاليه جاري توه واصل وكانت الكهربا طافية عن كل الشاليه والمسكين ماخذه ايجار والعيال معاه صدورهم ضاقت
صرنا كأننا قاعدين بغزة الله يرحم الحال
,
أحد الأقارب يعمل في محطة من محطات الكويت مهندس يقول أن المشكلة ليست في انتاج الكهربا فالإنتاج يكفي ويزيد لكن المشكلة أن الكيبلات لاتتحمل زيادة الضغط !!
يعني باختصار شي اسمه محولات وتدعيم وزيادة الميغاواط كله خرطي بخرطي
بالإضافة إلى أن المحولات الي قاعدين اييبونها لاتتحمل حرارة أكثر من 50 درجة
للأسف بلد نفطي ويسلف البلدان الاخرى لعمل محولات لانتاج الكهرباء يشتكي أهلها من الكهرباء !! وكل يوم يعيشون في قلق خوفا من تعطل الثلاجات وفساد الاكل وضياع النوم
,
والله بهالفلوس يابوفلان كنت تقدر تروح دبي وتقعد بأحسن الفنادق اللي على البحر (فنادق مدينة جميرا و دبي مارينا).
عزالله إنك صاج خلها على الله 🙂
بس هناك حر وين تفتر والمجمعات بروحها تطلع روحك وتنشف جيبك 🙂
الحراره عندنا ما تسمح بالإستيراد من الخارج
يعني عندك راجمات سميرتش الروسية الي تارسه الجيش الكويتي
ترجم صواريخ بدرجه حراره 50 تحت الصفر وما تشتغل اذا الحراره 30 وما فوق :\
انا اقول نغير مكان الأرض احسن لنا علشان كل شي يشتغل والحراره معتدله وشتانا ثلج او كحل افضل نلجأ مـُـناخياً بحدا الدول الاوروبيه وانا ارشح النمسا لرخصها :p
أما سالفة اللجوء مناخيا يبيلها اقتاح بمجلس الأمه ههههه
الخرافي اييبلنا بتناكره جو من النمسا ويبيعه بربع القيمة ويكون نفس الاسمنت المدعوم 🙂
إحنا نعمّر العراق وموزنبيق ونوصّل لهم الغاز قبل الكهرباء ..
وفي بلاد “التجارة” – ام مليارات- ما تقدر تعطي حق نفسها ذرّة “واط” ..!!
هُزلت !!
عيل لو دولتنا حجمها حجم مصر ؟
شبنسوي إن شاءالله ؟
بنلعب على وحده ونص ؟ ولا إيه ..؟!
هذا تطبيق مثل دهنا بجيب غيرنا
وعشان اذا سافروا للدول هاذي يقولولهم خيركم سابق 🙂
ليش بعض الناس بقطر ما يواطنوننا؟ شنو اللي بيننا وبينهم فهمني يا أبو فلان؟
من ايام الغزو يتشمتون بس انا ما ألومهم بسالفة الكهربا