مدونة أبوفلان تقنية ، أخبار ، تجارب شخصية ، مطاعم ، سياحة
قانون اسقاط فوائد القروض الكثير من النواب كان يستغله للحصول على بعض المصالح الشخصية
والنواب مختلفين وكذلك المواطنين بين مؤيد للقانون لتصحيح أوضاع العديد من العوائل ، وبين معارض له لم يأخذ قرض من أي بنك
فما هو رأيك الشخصي ولماذا لمثل هذا الموضوع المهم بالنسبة للكثيرين ممن اضطر لأخذ قرض لبناء بيته ، أو أخذ قرض للعب بالأموال
جاري التحميل ...
.
موافق بشرط ، وفيه ناس اخذوا قروض لعبوا فيها ، فـ لازم يشوفون كل واحد ليش اخذ هل قرض وشنو سوا فيه .. واللي ما اخذ يعطونه منحه عشان يتساوا مع اللي اخذ
انا مع اسقاط الفوائد بس
مو كل الناس خذوا قروض وحتى اللي خذوا مو كلهم ماخذين نفس المبالغ
الله يعطيك العافيه
أنا مع إسقاط القروض بشرط تعويض الي ماخذه قرض،، او إنهم يوفرون ميزانية لتخفيف القروض، مثلاً لو القروض ٦ مليارات يوفرون ١ مليار و يخففون من ٦ عالأقل جذي ساعدوا الناس نوعاً ما.. أحسن من بدال لايتبرعون حق الدول و يعفون عنهم جزء من القرض !! مو الكويتيين أولى بهالفلوس ؟
السلام عليكم
انا غير موافق على إسقاط القروض لسبب:
اذا كانت البنوك هي المتسببة بالمشكلة فلا يجب مكافأتها على لعبها بل تحاسب على هذا العبث دون الدفع لها من المال العام و تسقط الفوائد
اما اذا كان بعض الناس اضطر لأخذ القروض لعلاج او بناء او شراء بيت – و هي الخدمات الواجب على الدولة تقديمها- فيتم إدخاله بلجنة المعسريين و الدولة تتكفل بمديونيته بمقدار معقول
و بالنسبة لاصحاب القروض العبثية فيدفعون ديونهم دون اي تدخل
و بهذا الدولة لا تدفع من المال العام و لا تكافئ البنوك او المواطنين العابثين
كلامك مضبوط ، ضيف على هذا لو تم اسقاط القروض ما فيه عدل لغير المقترضين + بصير الشعب اتكالي اكثر و بتتكرر
حد الدعسه مع اسقاط القروض
مبين اني ماخذ قرض ✌
انا مو ماخذ ولا قرض بحياتي بس اعرف ناس وايد ماخذه قروض لأسباب انسانيه و صحيه و سكنيه
والصراحه الله يعينهم على مصيبتهم
وانا مع اسقاط القروض كلها مو بس الفوائد
مهما كان هذول بشر منا و فيننا
الاول: لم يأخذ قرض و لديه أقساط سيارة يسكن في شقة هو وعائلته وليس لديه أي وسيلة رفاهية أخرى.
الثاني : أخذ قرض اشترى سيارة كاش , اشترى جتسكي , لديه شاليه من القرض .
اسقاط القروض : الدولة تكافئ الثاني على سياسة الاستهلاك والاول يعيش في حسره .
اسقاط الفوائد: الدولة تعاقب نفسها لعدم رقابة البنوك وتكافئ الثاني.
الحل: منحة مالية لكل كويتي فوق 21 وتكون متكافأة مع رقابة التجارة رقابة حقيقية وليست شكلية.
أنا ضد إسقاط القروض بشكل عام ومع اسقاط فوائد القروض
انا ضد اسقاط القروض ابوي عرف قدر نفسه وشرالنا بيت على قدرته المادية ولو ماخذ قرض چان صارت حالنا احسن فبإسقاط القروض تسقط العدالة الاجتماعية وتربح البنوك الربوية
مع اسقاط القررض مع اني ماعلي قرض. لسبب واحد التنميه تقوم علي اساس متين وليس هش ، ووضع معظم الشعب هش من القروض الربويه !! اولا الكل يوافق انه اكثر الكويتين مقترضين يعني اهم اغلبيه في هذي الحاله ويجب مراعاه الاغلبيه في احتياجاتهم. واولا واخيرا الموضوع ماله شغل في العداله اليونان اول شي سوته طيحت قروض مواطنينهم ولو اتشوف الاقتصاد بعدها ارتفع وهذا ملحوظ في سعر الذهب وارتفاع نسبه اليورو .. الزبده لاتصير نظرتكم سطحيه ليش امي يابت حق اخوي لعبه ومايابتلي !!! هذي سياسه واقتصاد وفيه مصلحه عامه حتي حق اللي ماخذا قرض مستفيد منه
انت ناسي ان الاقتصاد راح يتأذى من التضخم في الاسعار بسبب الوفرة المالية اللي راح يسببها اسقاط القروض، هذا راح يأثر على الكل (مقترض و لا مو مقترض) و امريكا اللي اهي اكبر اقتصاد بالعالم حاليا شعبها عايش على بطاقات الائتمان و القروض، و مع هذا اقتصادهم مو هش، الاقتصاد يصير هش اذا كان له مدخول واحد (النفط) اما اذا تنوعت مصادر الدخل ما يكون هش
ياخوان الله يهديكم
السؤال هل تأييد أسقاط فوائد القروض و ليس القرووض
ههههههه
فتحوا عيونكم عدل هههههه
أنا مع أسقاط فوائد القروض بأختصار لأنها ربا
و أعتقد أن السؤال لايصح لأن هذا حرام بالقرأن و السنه
و ذكرت بكتاب لله صراحه
فما ينفع أن نتشاور بشئ قد حرم الله
قال تعالى: (يَآ أَيّهَا الّذِينَ آمَنُواْ لاَ تَأْكُلُواْ الرّبَا أَضْعَافاً مّضَاعَفَةً وَاتّقُواْ اللّهَ لَعَلّكُمْ تُفْلِحُونَ) [سورة: آل عمران – الأية: 130]
وشكرا
ضد و بقوه
ما فيه مساواة اجتماعيه
و الدستور ينص على المساواة بين المواطنين
+
فيه ناس خذوا قرض الف دينار و فيه ناس 100 الف
قيه ناس خذوا و فيه ناس ما خذوا
فيه ناس خذوا و ادفعوا قروضهم و خلصوا
شلون يساوونهم !!
اسقطتوا هالمره و عقب جم سنه بيردون ياخون و غيرهم و عيالهم .. و احفادهم
و بيردون يطالبون مره ثانيه و ثالثه !!
حل الاخ Abdulwahab منطقي جدا
انا مع اسقاط فوائد القروض
لان اسقاط القروض ظلم لغير المقترضين
مايصير ناس تستفيد من القرض ويطيح عنها بارده مبرده
وناس تتحسر وخايفين من القرض ينتف معاشاتهم
أنا كان لي تعليق سابق في أحد المنتديات الإماراتية بخصوص إسقاط الديون عن المواطنين في الإمارات، وهذا هو رأيي:
للأسف، معظم اللي عليهم ديون من الشباب والبنات ماخذينها للكماليات مثل السيارات الفارهة والسفرات وغيرها من الأمور..الحين هذيل اللي تسلفوا من البنوك للكماليات والأشياء الفاضية راح يتساوون مع اللي وضع خطة لحياته وحرم نفسه من السيارات الفارهة والسفرات وما مسك قرض بحياته…
أتمنى أن يكون تسديد الديون يقتصر على أصحاب الدخل المحدود اللي تسلفوا لأمور أساسية فقط، مثل قرض البناء أوسيارة واحدة أو علاج، وذلك بعد الدراسة من لجنة على مستوى عالي وتحت إشراف مباشر من شخص موثوق يعينه رئيس الدولة -حفظه الله- لمنع الـ “واسطة” وضياع الحقوق في هذا الموضوع…
تحياتي للجميع
ضد اسقاط الفروض و ضد اسقاط فوائد القروض ,,
صحيح في ناس محتاجه هالمبالغ لعلاج بالخارج او بيت
او شي مهم لكن الله يكون بعونهم بس مو حجه !! لانه
العلاج بالخارج و البيوت السكنيه .. موفرتهم الحكومه و ما قصرت
بس ما يمنع في ناس ماخذته عبط !!
عشان سياره ولا سفره و يقول انا ولد عز و ما ادري شنو !!
و لو تم اسقاط القروض .. انا اللي ما خذيته .. باخذ دام دافعين عني !!
و لو تم اسقاط فوائد القروض .. شحقه للي ماخذينه عبط ؟؟
و مع هذا كله ,, ماخذين القرض برضاكم .. فـ تحملوا
و محد طقكم على ايدكم و مع ياخذ مبلغ شكبره الا انه معاشه يكفي و زود : )
بسم الله والحمد لله والصلاه والسلام على اشرف الانبياء وسيد المرسلين سيدنا محمد وعلى اله وصحبه وعلى من واله الى يوم الدين ..
صار حديث الدواوين وحديث المجتمع انا من رايي ضد اسقاط القروض بشده والسبب التالي
1-راح يرتفع العقار الى نسبه كبيره
2- المواطنين خالين من الديون في هذه الحاله يتم استقلال المواطنين ورفع سقف العقار والاجار وغيرها
لاتروحون بعيد قطر اسقطت القروض قبل فتره شوفو اسعار السلع واسعار الاجااار وحن ماودنا يصير الشي هذا بديرتنا والحمدلله رب العالمين وصل الله على نبينا محمد والسلام عليكم