مدونة أبوفلان تقنية ، أخبار ، تجارب شخصية ، مطاعم ، سياحة
،
,
د. ك 16G = 299
د.ك 32G = 359
،
النصيحه لمن يرد شراء آيفون 4 ..
1– اذا راح تييبه عن طريق شخص من متاجر أبل مباشره فهذا وقت مناسب .
2– اذا كنت تريد طلبه عن طريق الانترنت مع دفع الشحن والتوصيل فانتظر قليلا .
3– اذا كنت تريد شراءه من دولتك كما في الكويت فانتظر لمدة شهر لأن الشركات ( الغانم – يوريكا – الكتروزان – الأوربي ) راح يتنافسون بأقل الأسعار ولكن سيبقى الفرق كبير مع شراءه من الخارج .
،
مميزاته حلوة ..؟؟ يعني ؟؟؟
تنصحني اشتريه .. انا عندي اي فون 3G
يا ريت تعلمنا شنو مميزاته ؟؟؟ اذا ما عندك مانع طبعا 🙂
ويسلموووو على النصائح
وعلى الموضوع ..
نعم يسوى من قلب
مميزاته :
1- بطارية أقوى 16% من الثري جي أس .
2- تصوير فيديو HD
3- شاشة ذات وضوح قوي جدا اقوى اربع مرات من الثري جي اس .
4- كامرة 5 ميغا بكسل .
5- حساسية الحركة فيها ميزة يديده قوية حق الالعاب ..
البروسيسور اسرع بروسيسور في الأجهزة المحمولة
وغيرها كثير
يعني راح يفرق معاج مع الثري جي
تخيلي عندج كورولا وشريتي بي ام 745li 🙂
والله انا شايف انه السعر واااايد مباالغ فيه
لانه سعر الجهاز ب 199 دولار و 299 الرسمي مع الخدمه
ومن غير الخدمه ببريطانيا ينباع ب 170 لل16 غيغا
و 210 لل32 غيغا ,,,
فاتمني انه الناس ما تتسرع …
فعلا يا أخ أحمد السعر جدا مبالغ فيه
بس سعر الجهاز 210 لل 16 غيغا و250 لل 32 غيغا في بريطانيا مفتوح رسمي
وان شاء الله الناس ماتتسرع وان كانت الشركات ضامنة ان الناس راح تشتري منهم لأن ليس كل الناس عندها وعي بالموضوع
أشكرك
مميزاته انه فيه كاميره فيها فلاش دقتها 5 ميغا بكسل
وفيه كاميره اماميه , حق مكالمات الفديو
وفيه منه اللون الابيض والاسود
وفيه وايد مميزات بخصوص المالتي تاسكنغ وغيره
وحجمه اصغر من ال3جي اس ,,
ووايد حلو ,, وحاليا العيب الوحيد الي فيه اهوه (( السيرفس )) يقولون انه السيرفس فيه مو وايد قوي
والله الأسعار مبالغ فيها وايد : (
إلا إذا بييني هدية : )))
هههه أكيد شي ببلاش ربحه بيَن 🙂
وان شاء الله الله يرزقك بواحد او وحده تييبلك اياه هدية :-p
شكرا .. اخوي احمد ..
سعر مناسب بس أنا أشوف الانتظار قليلا مثل ماتفضلت الى أن نرى الشركات الاخرى ماذا ستقدم لنا
اشوف انه فرق كثير
صحيح فيه ايجار ورواتب بس خفض السعر لبيع كمية أكبر هاذي أحلى سياسة
وراح نشوفه كل 4 ايام يطيح عشر دنانير من كل شركة إلى أن يستقر على سعر 250 إلى 280 ..
توقعت يكون سعره مبالغ فيه بس طلع العكس الأسعار أوكي
بس هم بننطر لما نشوف عروض باجي الشركات
صج هذي أول مشاركه لي بس انا متابعه مدونتك
بالتوفيق ياااارب 🙂
بالنسبة للخارج لا طبعا
لأن سعره في بريطانيا :
16 غيغا 210 وال 32 غيغا 250 دينار
فالفرق صاير 80 دينار وايد غالي
حياج الله اختي
اهم شي انه الجمهور يستفيد 🙂
والله انا وحدة بنطر بشوف اي ستي جم راح توصل سعرة وبعدين لي الخيار
آي سيتي بعد 4 اشهر ينزلونه بسعر 380 ما أدري وين تفكيرهم
تلقينه واصل بـ 290 عند الشركات الثانيه وهو توه يايبه 🙂
والله صراحة انا من معجبي شركة ابل بس شايف انو السعر شوي غالي
بس لو توضحلي اخوي ابو فلان كم حيكلف لو اشترتو من النت
تكلفة الجهاز اذا طلبته من بره :
أول شي ماتقدر تجيبه الا عن طريق ebay وهو موقع مزاد وبالتالي لن يبيعه لك براس ماله ..
أيضا موقع امازون سترفع الشركات فيه السعر ..
يعني لو نحسبها هو سعره 250 د.ك للـ 32 غيغا + فائدة البايع 30 د.ك + الشحن تقريبا 5 د.ك + الجمرك يأخذ على اي شيء فوق الـ 100 دولار 5% يعني تقريبا 20 د.ك ..
بيطلع تقريبا 305 يعني ارخص من عندنا بـ 45 دينار تقريبا
يعطيك الف عافيه .. بو فلان .. على المعلومات 🙂
الله يعافيج وحاضرين للطيبين
سعره واايد زين وحلوه استعمالاته
انا كلمت اخوي انه يشتري لي اياه من امريكا بس قالي ماقدر اشتريه كاش لازم اقساط وهم بعد لازم يسوي عندهم اتفاق وحده لويا
مشكور اخوي ويعطيك ألف عافيه 🙂
هل اللون الابيض متوفر ..سمعت انه لحد الان غير متوفر حتى في بريطانيا
تحياتى
اللون الابيض غير متوفر
تم بيع عدد قليل جدا في امريكا ومقفول
يامرحبا ومسهلا
ياجماعه مو صج الي قاعد يصير بالمحلات بشرق والمحلات الثانيه سعر الجهاز يديد 450 وبدون كفاله شسالفة هالعالم؟؟؟؟؟؟؟؟؟؟؟؟؟؟
وبالنسبه للون الابيض لي الحين مانزل هذا معناته انهم يحاولون يعدلون مشكلة السيرفس الي فيه
وللعلم اخوي طالب ايفون فور اسود 32 قيقا طلع عليه واصل الكويت مع الشحن وكل شي 270 دينار عن طريق موقع ابل
ووياه كفر هديه
وهم اكو معلومه
ترا شريحة الخط العاديه الي اهي الميني سيم ماتركب عليه
لازم ميكرو سيم
والحل سهل
انك تقرض الشريحه العاديه لين تركب عالايفون 😀
او انك تروح للشركه تقول ابي ميكرو سيم واكيد راح تنطر مثل هالعالم الي ناطره
بس انا براي الحل مفاجأه الاسعار راح تكون بالعيد ان شاء الله
مرحبااا
انا ان شالله بشتري اي فون4
شهر عشره اتوقعون ينزل سعره
ولا انطر بعد
وجزاكم الله خير
مرحبيتن
شهر عشره يمديه وصل 280 د.ك اذا بتنطر ينزل سعره انطر لي شهر 6 الجاي ينزل الجديد 🙂
انا اقول لاتتأخر عن شهر عشرة لانه بعدها راح يثبت السعر الى ان ينزل الجهاز الجديد
السلام عليكم
اذا ماعليكم امر شنو الفرق بين الايفون 4 الاسود والأبيض اللي مانزل ؟ هل الفرق اللون بس ؟؟
بريطانيااا نزلت الابيض حاليا ولالا …؟ بليييز ابي رد
وهل اكيييد مفتووح رسمي
وكم التكلفه كامله بالريال السعودي
لا مانزل لحد الحين واتوقع فور جي اس اي تي الجديد الي را يغطي على فور جي اس للعلم ابو 8 جيجا طاح بجبود الي ماخذينه نصيحه مني لسنه لحد يشتري ترقبوواا المفاجأه والاختراع الجديد المبدع والسعر الرخيص ..
هااااي للكل ممكن اعرف ايفون 5 جي اللي يتحجون عنه او ال4جي اس اي تي اهو نفسه يشتغل من دون خطوط (شرائحح ) سواء كانت وطنيه زين فيفا ويشتغل على القمر الصناعي هذا اللي سمعته ويقولون ادفع 9 دنانير للسنه صح ولا لأ؟؟ بليز قووولووولي ويسلموو وانا من عشااااق هالشركه
ارجووو منكم الرد على الخاااص
– السلام عليكم
– انا بسأل شنو فرق الأيفون الأبيض عن الأسود؟ (iphone4)
– او يعني انا الحين بشتري 4 !
– ا بعرف متى راح ينزل iphone 5؟
السلام عليكم انا محتار اشتري بلاك بيري ولا ايفوون 4
ناس يقولون بلاك بيري حلوو وناس يقولون ايفوون4 حلوو محتار