مدونة أبوفلان تقنية ، أخبار ، تجارب شخصية ، مطاعم ، سياحة
أحد الزملاء سأل قريبه مقدم في الداخلية عن عمل الكاميرات الجديدة واتضح أنها تقوم بنقل بث مباشر Live لحالة الشارع وهل يوجد حادث أو زحمة حتى يستفيد من ذلك رجال المرور وسيارات الإسعاف والإطفاء
بالإضافة الى رصد السيارات التي تسير على حارة الأمان وتسجيل مخالفات مباشرة على أصحابها في الخطوط السريعه
،
البعض يقول انها تحسب المسافة بوقت السيارة الي تقطعه يعني مثلا انا امشي 140 وخفتت لمن جيت للكاميرا لكن بعدها زدت السرعه الى 140 و مثلاً المفروض بين الكاميرات الوقت كسرعة قصوى دقيقتين لكن مريت قدام الكاميرا الثانيه في دقيقه فتصورني ؟!! هل هذا صحيح ولالا
هذي اللي بشارع الخليج تختلف عن اللي بالطريق السريع.
كلام منطقي لكن اشكك بصحته بالكامل والسبب ان كاميرات المراقبه ورصد احوال المرور يفضل ان تكون متحركه لتعطيها مجال لتغطيه اوسع ام الكاميرات الثابته فهي مقيده بموقع معين
اما الشيء الغريب الثاني هو طالما ان لها مهمه منفصله عن الكاميرا التي بالقرب منها فما هو سبب وجو هذه الكاميرات بالقرب من الكاميرات القديمه
ولمذا لا يتم توزيعها متباعده عن الكاميرات القديمه وبذالك يتم زيادة عدد الاماكن المراقبه
اخيرا مافهمته انها كاميرا عاديه لا تستطيع تحديد السرعه يعني…….زي عدمه
يعني مجرد مناقصه بوعبدالله ؟! ما اتوقع
هذي الكاميرا تعطي زاوية كبيرة وعريضة (وايد انجل) والزوم والوضوح فيها اقوى من كاميرا رصد السرعة ، لأن كل وحدة لها وظيفة بخصائص معينة لتؤدي وظيفتها.
اذا من يقوم بفسفسه ميزانيه الوزاره و من هم المستفيدين !
ياجماعه انا مصورتني بفلااااش !! مومعقوله مراقبه وتصور شلووون !!!
شركات الكاميرات يلعبون لعبة على الوزارة ، باعوهم كامرات قبل مدة بمواصفات معينة و يدرون انهم راح يحتاجون في المستقبل الى ما هو افضل من اللي باعوهم ، علشان بعدين الوزارة تحتاج لهم و تطلب تطوير الموجود …و تحط الشركة السعر اللي تبيه !! و هكذا دولايك …
هذي الكاميرا اتصور !
انا شايفتها مصوره سياره دايسه عند اشاره تقاطع
الدائري الثالث و الرياض باتجاه كيفان
اتصور السرعه و اللي يطوفون الاشاره الحمرا