مدونة أبوفلان تقنية ، أخبار ، تجارب شخصية ، مطاعم ، سياحة
أمتلك فيزا الخير من بيت التمويل الكويتي وهي فيزا مسبقة الدفع بمعنى أنه يجب عليك تعبئتها من حسابك ثم استخدامها
لكنني لا أفهم سبب التخلف الذي يعاني منه بيت التمويل في وضع حد أدنى للتحويل للبطاقة وهو مبلغ 10 دنانير
بمعنى أنك لا تستطيع تحويل أقل من هذا المبلغ للفيزا لا عن طريق الأونلاين ولا عن طريق التحدث مع خدمة العملاء !!
لنفرض أنني أريد شراء سلعة من الانترنت والفيزا تحتاج دينار فقط لتكملة المبلغ في هذه الحالة لايمكنك تحويل هذا الدينار بل يجب تحويل 10 دنانير كأدنى حد لتكملة المبلغ !!
مع أن بعض البنوك الأخرى تقبل تحويل مبلغ دينار فقط !!
فهل يتكرم بيت الأمان والإطمئنان أن يعالج هذه المشكلة الغبية ؟!
.
اي والله يابو فلان وانا من اكثر الناس اللي تتضرر ب الشي هذه تعبت معاهم يا احول ١٠ يا بلاش وهاصه لاجيت احجز تذاكر من النت او الفنادق ينقص دينار ثلاثه احول ١٠ على شان دينار
ياااريت والله يحلونها ويخلصونا
حتى بنوكهم ما يصير تسحب أقل من 10 دنانير .. لكن شنسوي
مشاكل غبية فعلا
او ممكن تحول عشرة و يجيك المندوب يرجع لك الباجي!
يمكن أسهل بالحساب وما يحبون الخردة ههههه 🙂
موضوع ال 10 جديدة – اول ما طلعو بطاقات الخير كان الحد الادنى للتحويل 20
صج اكبر مشكله اواجهها
وغباء مو طبيعي !
وربي غباء انا واحد من الناس اخذت فيزا الوطني بسبب هالشي
الوطني تقدر تحول لو دينار التمويل لازم اقل شي عشرة طيب ما ابي او ماعندي خلاص مايصير !؟!؟
اصلا انت تعرف شنو قصة هالبطاقه
ترا عياره وجمبزه منهم ورب الكعبه عندهم الف ومليون وسيله علشان ايحصلون فلوس
والله لو ماخاف من ربي من الربا جان ماحطيت فلوسي عندهم
البنك الاهلي المتحد – بنك بوبيان – البنك الدولي
هذيله إسلامي بعد والمفروض انهم كاسرين احتكار التمويل حولو حسابكم حق اي واحد فيهم بدال بيت الدجالين
Ana a3any mn hal moshkilla gimt a7awel akthar mn el mablagh el ma6loob eb 5 KD bs 3ashan matwahag.. oo b9ara7a kfh aswa2 khedmat 3omala2
شباب انا لحضت شي عندهم والاكيد ان الكل منكم لحضه..
علي سبيل المثال :
حسابي فيه 5 دنانير
شريت من موقع قطعه سعرها 3.400 فلس
يصير رصيد حسابي في البنك 1 دينار فقط
ابي اعرف ال 600 فلس هذي وين تروح الله اعلم
حتي لو تلاحضون تحصلون استحاله ان فيه كسور مع المبلغ الي في رصيدك
ومنا الي ابوفلان 🙂
انا بعد واجهت هالمشكلة مع بطاقة الخير! بس شكيت بنفسي ماتوقعت منهم! الشهر اللي فات وانا داخله بحول فلوس الا طالعلي الرصيد -١٢ لما اتصلت على الو بيتك بكلمني الموظف نص ساعة آخر شي يقولي مادري ليش زوري احد الفروع .. لما رحت الفرع الموظفة مو عارفة وخذت رقمي عشان تسأل و تدق علي.. يوم اتصلت جان تقولي انتي ساحبه اكثر من الرصيد (مع العلم اني ما اشتري شي الا محوله المبلغ بالكااااامل و زايد بعد)
والسبوع اللي فات رصيدي كان فيه ٨ دنانير اليوم صار ٦ بروحه!!
اي والله مشكلة هالفيزا
اي والله اتمنى تنحل هالمشكله
ويوصلونها حق المسؤولين بالبنك
انا حولت فيزتي عالوطني والسبه هالشي
حريه في الاختيار
بنك بوبيان ياخذ على كل عملية تحويل( دينار )
اي والله ،، الصراحه شغله تغث ،،،
مادري شنو الفايده منها ،،،
زين سوه 10 قبل جم سنة اذكر اقل شي 20 دينار وبلشة صج
بعدها صارلي سنتين مع التجاري وكرت الفيزا مالهم اقدر احول ان شاء الله فلس لانه بالنهاية عملية الكترونية ماادري ليش التمويل عنده هذي المشكلة الي كانت تأذيني وقتها طالب الاعانة كلها 100 احط 20 واطلب شي ب 5 !!وهقة
سؤال : اكو شي بالنت بنباع بدينار ؟؟؟؟!!!!!!!
اكيد فيه ،،،،شوفي بامازون …
بس اتوقع الجميع يستغرب
مثلا الفيزا فيها ٧ دنانيروبشتري شغلع ب١٠ دنانيير :))) ليش اسوي المبلغ ١٧
انا مصيبتي اكبر عندي بالحساب ٨ دينار وبالبطاقة ٢ دينار ابي اجمعهم علشان يصيروا ١٠ واسحبهم ولكن ما اقدر والله مسخرة
انا وايد استخدم البطاقه بس ما لاحظت سالفه ال10 على الاقل لو يخلونها 5 دنانير
استغرب منك هذا الاسلوب ابوفلان بوصفهم بالغباء !!
يعني انسان متدين وهذا اسلوبك بالوصف ؟!
انتقد ولاكن باسلوب افضل
اسمحلي ولكن ملاحظتي ولي حق كتابتها
وازيدكم من الشعر بيت
انا عندي بطاقة انترنت بالسنه ياخذون عليها 15 دينار الله والعالم ومابي احط بذمتي انهم هالسنه مجوبلينها 30 دينار وانا ليلحين مارادعتهم
المدونة حلوة خالص والافتتاحية رائعة والصورة فظيعة اخر حاجة
يعني وقفت على هالسالفه ؟؟ لو اتكلم عنهم ما اخلص والله
ياما وهقونا بالسفر و البطاقه ما تسحب
وياما سوو اب ديت لسستمهم التعبان بدون لا يدزونلنا مسجات ينبهونا ويوهقونا
صراحه بديت افكر اني احول عنهم جديا
أنا مشكلتي مع هالبطاقه ما أقدر أدفع فواتيري عن طريق النت ومواقع التسوق دايم ترفضها كلمتهم 3 مرات يقولون البطاقه فعاله ! اوكي ادري فعاله وفيها مبلغ كبير بس ليش ماتنقبل :/
انا توني مطلعه البطاقة عشان ببدي أتعلم اطلب من النت بس مشكلتي مو عارفه افعل البطاقة واليوم أهما عطلها
مشكور ع الموضوع
أأيد الاخوان فعلا تأزمنا هالشغله ..
ماادري والبطاقه ليش مااقدر استخدمها بكذا موقع بنفس اليوم
هل فقط بطاقه الخير! والا كل البطاقات الاخرى نفس المشكله؟