مدونة أبوفلان تقنية ، أخبار ، تجارب شخصية ، مطاعم ، سياحة
الكل أعتقد لاحظ انتشار جهاز جديد عبارة عن عدسة أو كاميرا جديدة بجانب كل الكاميرات القديمة التابعة لوزارة الداخلية
سواء عند اشارات المرور أو في الخط السريع
صراحة تساءلت في تويتر عن الهدف منها أو عملها وصلتني عدة اجابات وردود لكن كلها عبارة عن تخمين او اعتقاد ولا شيء فيها يقيني
هل هي فلاش فقط ؟ أو كاميرا جديدة بدون فلاش ؟ أو هي لرصد بيانات المركبة ؟ أو أن الكاميرات القديمة أصبحت أو ستصبح خارج الخدمة ؟
.
انا اتوقع ان هذه اهي الكاميرات الجديده اللي تنحط مكان القديمة اللي كأنها صندوق .. واعتقد السبب إن الصور ترسل بشكل مباشر للإدارة العامة للمرور (وايرلس) مو نفس النظام القديم اللي كان فيها هارد ديسك وبين كل فتره وفتره تيي سيارة الشركة اللي ماسكة المشروع وتسحب منه البيانات.
الزبدة : تصورك الكاميرا اليوم ،، الليله زهب الكي نت ودش موقع وزارة الداخلية
Pp;
في كاميرات نفس طقتهم على فحيحيل بس الفرق انه بين الكامير والثانيه كيلوين
يقال والله اعلم انه تحسب السرعه والوقت بين المسافتين وتحسب متوسط اللي مشيته
فماتقدر تدوس بعد ماتعدي الكاميرا
كلامك صحيك اخي
يابو فلان نبي مواضيع يعني ع الاقل باليوم موضوعين مرات يمر يوم يومين وما كتبت شي وانا من اشد متابعينك واتمنالك التوفيق وردي هذا موجه لك فا لا تحطه بالتعليقات احذفه وشكرا
هذا فلاش انا متأكد لأن اكثر من مره اشوفه يشب مع الكاميرا
اللي تحسب سرعتك والوقت والمسافه
اهيا اللي موجوده بسلوى وعلى شارع الخليج
اللي يصير شكلها مثل صندوق اسود كبير
هي للمخالفات و الازدحام
أنواع الكاميرات في الكويت 5
1. الكاميرات التي في الطرق السريعة.
2. الكاميرات المحمولة في السيارات و مع الاشخاص
3. الكاميرات للإزدحام و المخالفات المباشرة. وهذي هي الصورة أعلاه
4. الكاميرات المعلقة توجد ثلاث كاميرات في الكويت حالياً
5. الكاميرا الذكية لم تشغل لحد الآن وهي تحدد سرعة السيارة من الكاميرا الأولى إلى الكاميرا الثانية وتحدد السرعة.
ياجماعه انا مره امشي على الفحيحيل السريع راد من السالميه وامشي تقريبا ٨٠ الى ٩٠ يوم تعديت جسر القرين والقصور صورتني الصغيره مع ان ممشاي بالحدود هذي !! انا لحد الحين مادري ليش صورتني ؟؟؟؟
المشكله بليل والشارع فاااضي يعني مافيه احد وياي علشان اكون يمكن بالغلط !!
انا اتوقع انها فيها فكره هالكاميرا بس مادري شنو بس عزالله عليها فلاش يبط العين
مناقصه لا اقل ولا اكثر .. هذي حاطينها عند اشارة القرين ومبارك الكبير من سنتين تقريباً
واللي حاطينها على الطرق السريعه لرصد المخالفات المباشره .. حتى كامرات المراقبه صارة ترصد مخالفات
يعني احس حساب المخالفات + الاقساط + ماجلت البيت + قرض الزواج + اجار البيت + الديانه اللي عند باب بيتك
افرح يعم افرح
هذي يا محفوظ السلامه …كاميرت فيديو و موجوده في قطر و البحرين ..ومره تخالفت و وروني فيديو اني ماشي سرعه
أعتقد أنها للمخالفات المباشرة يعني تتصور اهني على طول تنزل عليك المخالفة والله أعلم
الي يقول فلاش بعيده طبعا لان الحاليه فلاشها يعمي العين
الي يقول تنقل المخالفة على طول يمقن كلامك صح يمقن لا
الي يقول لتسجيل الحوادث والزحمه ايضا يمقن صح يمقن لا
ههه كل شي يمقن ماندري شنو عملها
والله احسن خل يرصدون الناس اللي ما تحترم القانون و المستهترين
و الناس اللي توهم فرحانين بلياسنهم و مأذين خلق الله و معرضين
سلامتهم و سلامه اللي حوالهم للخطر ارواح ناس قاعده تروح
هدر بسبه هالسرعه و الرعونه و عدم احترام القوانين
اللهم احفظنا و استر على ابناءنا و احفظهم من كل مكروه
هذي حق الفقارى
مشكلتنا بالكويت بعدم حرص الداخليه على نشر الوعي وبوجود الراسطة الي هي فوق القانون
وين التعليقات ؟؟؟ ولا انا داخل مبجر !!!
مره واحد طاف الكاميره والاشاره حمره ..
صورته الكاميرتين !
القديمه و وراها الجديده !
مستحيل تكون كاميرا .. كوني مصور فوتوغرافي و اعرف بأمور الكاميرات فالعامود يحمل صندوق فيه عدسه واحده فقط و مستحيل الكاميرا تكون بدون فلاش لأن الكاميرا ماتقدر تصيد سياره ماشيه خصوصا بالليل بدون فلاش و اعتقد مستحيل الكاميرا و الفلاش يكونون بعدسه وحده .. ممكن كامرة فيديو ترصد الزحمه للمرور او بيانات المركبات .. هذا و الله اعلم
تخمينك غلط ، اذا تعرف بالتصوير في كاميرات تصورك بوضع الليل اوضح من النهار… واذا علي السرعه كان ماشفت فلم… كلهم واقفين ويسولفون علي حسب كلامك ماتقدر تلحقهم الكاميرا ياخوي الناس تطورت انشالله يحطلك كاميرا واحد ملي ، السؤال هو شنو الامكانيات والمواصفات،.. مو عالشكل نقدر نخمن
هذي فلاش لانه راح تتبدل الكاميرات وتصير الزرقاء اللي عالخليج و لان فلاشها ضعيف
وكل ما كان الفلاش قوي كل ما قدرت الكاميرة تصيد السيارات على سرعات اعلى
هذي الكاميرا تصيد لمسافة بعيدة يعني مو تخفف عند الكاميرا وبعدها تدوس لانها راح تصيدك اذا دست بعدها.
هالكاميرا اتصور السرعه و تجاوز الاشاره الحمرا
انا مره شايفتها مصوره سياره مسرعه
في الدائري الثالث الاشاره اللي عند تقاطع طريق الرياض باتجاه كيفان
دايما وراها بوكس اسود عباره عن فلاش