مدونة أبوفلان تقنية ، أخبار ، تجارب شخصية ، مطاعم ، سياحة
,
كما تعلمون فقد قمت بعمل أبديت لجهازي الآيفون 3G لنظام الآيفون 4 في هذا الموضوع ..
ولأن الجهاز 3G لايدعم أهم خصائص النظام الجديد والي هي :
( الملتي تاسك – الوول بيبر )
قمت قبل قليل بعمل جيلبريك للجهاز وتفعيل هاتين الخاصيتين وفعلا حبيت الجهاز أكثر 🙂
,
الطريقة تجدونها في هذا الرابط ..
وغدا إن شاء الله موعد صدور التحديث الجديد IOS4 لنظام الآيفون رسميا من قبل الشركة ..
أي سؤال أي استفسار الأبواب مفتوحة للأحباب 🙂
,
بو ….. حبه حبه .. انت سويت ابديت 4 وشنو الفرق بين ال اب ديت الي سويته انت والي بينزل باجر ؟؟
؟؟
الأبديت الي سويته نفس الي بينزل باجر بس انا مسوي قبل لاينزل عن طريق نسخة البيتا
2- الأبديت الي باجر يصلح للثري جي أس أما الثري جي مو كل المميزات راح تضبط معاه
شكرا على حسن تعاونكم معنا ….
انزين ليش تقول مستخدمين الماك بس يقدرون يسوون ابديت ..
مستخدمين الويندوز مايقدرون يسوون ابديت عن طريق الاي تيونز مثل العاده ؟؟
اهلين وسهلين
هذا الكلام انه بس الماك قديم قبل لا تنزل ابل التحديث 9.2 للايتونز رسميا
كانت ابل اصدرت التحديث نسخو البيتا للماك والمطورين فقط عشان جذي ماكان يصير الا ع الماك لانه مافي نسخة للاكس بي بس الحين نزلوها قبل يومين وكل شي صار يصير 🙂
اها … شكرا حبيب الكل يا بو فلان
بو فلان … والله طلعت تسهر … :p
عزيز غالي يالحبيب
تدري باجر ماكو دوام وعندي جم ايفون وايبود للربع بسويهم
بس الحين الله يسلمك قمت اطقطق روس 🙂
شكرا لك أخي ع الشرح …
العفو ماسوينا شي
شلونك ابوفلان:
يعني شنو (مالتي تاسك)؟ يعني واجهه تفاعليه اكثر؟ يعني يطق مطر عليها ويطلع برق ويسوي حركات مثل هاتف نظام الاندرويد ؟
هلا والله بوحمد
وينك صارلك فترة غاط ماتبين ؟ عسى ماشر ؟
المالتي تاسك : يعني تعدد المهام الآيفون قبل التحديث كان اذا قاعد تفتح صفحة بالسفاري ودق عليك واحد وتبي ترجع للصفحة يعيد تشغيل السفاري ويبدأ اللود من أو ويديد
المالتي تاسك يخلي البرامج شغاله حتى لو طلعت منها واذا رجعتلها ترجع نفس المكان الي طلعت منه 🙂
خوش معلومه ..
انزين الايفون اليديد فيه حركات؟ يعني اذا بره غبار يطلع شعار غبار واذا مطر يطلع برق ومطر على الشاشه ولا بس بهواتف الاندرويد هالحركات ؟
سمعت ان السيرفس للايفون الجديد مو زين
مششكور اخوي ,
لآكن انا معي 3g واخاف اسوي التحديث والجهاز يكون بطيء مثل ماصار مع بعض الاخوان ارجوا الافاده ,
هل يكون الجهاز بطيء ام لآ ؟!
العفو طال عمرك
والجهاز راح يكون بطيء جدا