مدونة أبوفلان تقنية ، أخبار ، تجارب شخصية ، مطاعم ، سياحة
حصلت بالأمس على جهاز ايفون 32 غيغا من viva بعد اشتراكي على رقمي بعقد بقيمة 30 دينار لمدة سنة
أمتلك جهاز آيفون 4s ايضا 16 غيغا لكن صراحة اكتشفت أن المساحة غير كافية أبدا وأنا من النوع الي يحب تخزين الصور والفيديو في الجهاز وعدم مسحها
شركة viva توفر عدة باقات مع الآيفون 4s بالجدول التالي كل باقة وسعرها :
.
السلام عليكم ورحمة الله
مبرووك الجهااز أبو فلان
حدث جهاازك للاصداار 5.0.1 لأنه الأسبوع القاادم راح ينزل الجيلبريك للايفون 4 اس + الايبااد 2
وهذا راابط التحديث للايفون 4 اس
http://appldnld.apple.com/iPhone4//041-3417.20111215.Slnt4/iPhone4,1_5.0.1_9A406_Restore.ipsw
الله يبارك فيك
الجهاز عليه آخر أبديت
أشكرك يابركة وانا شخصيا ما احب الجيلبريك
لكن هناك اتحديث قادم لحل مشكلة الأرقام وظهورها عند قدوم اتصال
خيراَ فعلت , انا قمت بعمل مقارنه بين اسعار فيفا و زين ووضعتها في مدونتي , انتم السابقون ونحن اللاحقون , إن شاء الله بشوف اولاَ شلون بيكون الجلاكسي اس 3 وبعدها اقرر جلكسي ولا ايفون .
طبعا مع فرق الأسعار فتش عن فرق جودة الشبكة وخدمة الانترنت والتغطية في الكويت
مبروووك ….. تبيع جهازك بو ١٦ جيجا ؟ 🙂
الله يبارك فيك
لا اثنينهم للاستخدام 🙂
الف مبروك الجهاز والله يعطيك خيره …. اخوي ابوفلان خلفية جهازك اشلون سويتها ؟
الله يبارك فيك
اي خلفية بالضبط ؟ الماك ولا الايفون !!
ماشاء الله ..
فيفا تكب عليك كب من الايفونات مدري ليه ؟
دفعت فيه الله يسلمك 160 دينار 🙂
محد كب علينا 🙂
مبرووووك وزين تسوي
بس بعرف بوفلان اخذته على رقمك ولا رقم يديد ؟
ربي يبارك فيك بومحمد
أخذته على نفس رقمي لكن بحركة لف ودوران الغيت الخط ورديته لاني العقود على الخطوط القديمة ماراح يقبلها السستم
تكسره بالعافيه ان شاء الله .. عفواً بو فلان ١٦٠ ليش ؟ سعر الجهاز ١٠٧ و مقدم شهر ٣٠
ولا في رسوم اضافيه ؟
الله يعافيك
بالضبط لازم تصفر حسابك القديم دفعت بعد 25 دينار
المقصد اني دفعت فلوس وأخذته الحبيب يعتقد أنه بلاش
عزيزي الكويتي ناقصك فلوس لا تشتري جهاز بروحه وتشتري حريتك ..
ليش المستخدم الكويتي يحب يكون عبد لشركات الاتصالات ويوقع عقد سنة! وسعر الجهاز نفسه ويتدبس بخدمات لا يحتاجها ولا يدفع ويتحلطم الي نهايه العقد..
عزيزي الكويتي ناقصك فلوس لا تشتري جهاز بروحه وتشتري حريتك
مبروك عليك بس لو ماخذ الـ 64 غيغا أفضل لان سعره حاليا بالسوق 260 دينار يعني فرق 10 الى 15 دينار عن أمريكا والمساحة جدا ممتاز خاصة للي يصورون فيدي عالي الوضوح
مبروك ابو فلان لكن عندي سؤال شنو الطريقة اللي اشتركت فيها على ” رقمك ” لاني اتصلت فيهم كذا مرة يقولون لازم رقم جديد
ياريت تبلغني بالطريقة ومكان الفرع وشكراً