مدونة أبوفلان تقنية ، أخبار ، تجارب شخصية ، مطاعم ، سياحة
قبل يومين رحت مكتبة جرير أشتري جنطة للماك أو حقيبه على قولة إخواننا العرب 🙂
ماحصلت المراد فا قالي الأخ الكريم إبن الكريم عبدالله الأنصاري قدس الله سره إمش نروح صوب الكتب قلت وليييه اشتغلوا ربع نزار قباني !!
رحنا عند الكتب والاخ راح عند قسم الشعر المفضل عنده وانا قمت افتر عند الارفف الثانيه.
الكتب الصراحه كثيره من كثرها ماتدري شتخلي وشنو تشتري بس الي لفت نظري بعض الكتاب او المؤلفين الي يختارون لكتبهم عناوين تجذب وإن كانت خاوية المحتوى بس اهم شي المبيعات
طاحت عيني على اول كتاب وصورته
عن الثقه بالنفس والظاهر انه عن الحياة الزوجيه والسوالف الي فيها طبعا معروف تخصص فوزية الدريع جنوب السره وانت الي رايح أكس دي اكس دي ههههههه
قلنا يله يمكن مو ملفت وايد العنوان مع انه الكل يبحث عن الثقه بالنفس خاصه الجنس اللطيف ( هيِّن )
بس الطامه الكبرى الكتاب الثاني الي لو واحد عيونه زايغه على قولة امي شراه على طول هو :
عسل البنات .. الظاهر الأخ مو متزوج جان نسى طعم العسل << لاتقراها المدام بس
فعلا العنوان ملفت إلى جانب الغلاف والصور الي عليه ..
وفوق مكتوب الادب الساخر , أنا الصراحه مافتحت الكتاب ولا تصفحته خفت احد يمر يشوفني ماسكه يقول اشعنده هالمطوع عيونه زايغه ..؟؟
المقصد انه الإنسان دائما إذا فعل شيء او الف كتاب يختار عنوان او شيء ملفت لجذب الناس وإن كان الفعل بسيط لايستحق التعب الكثير بس بشطارته يوصله لأكبر عدد ممكن ..
ما خلصنا طبعا طلعت من القسم الي اييب المرض ورحت لأحلى قسم والي أفضله على غيره واحس في فايده كبيييييييييييييييره جدا جدا جدا وهو قسم :
قسم البلعه او ترست البطن أو الرجيم <<< تعوذ من الشيطان ..
أخوكم : أبوفلان ..
بداية موفقة في المدونة ..
وفعلا الكتب تعرفها من غلافها ،،
ولو تسأل كتابها يقولون لك ” السوق عاوز كدة ” الله المستعان
تحياتي
أهلا وسهلا اخوي هورنت
طبعا غير الكتب الي ماصورتها والي تتكلم عن الاموال والاستثمار واشلون تصير مليونير بجم سنه عاد الناس اهم شي عندها الفلوس
🙂
الكتاب من عنوانه . لكن بلاك لا صار العنوان غير الموضوع وطلعت مغشوش بالكتاب بس عشان يصرف الكاتب بضاعته الكاسدة .
.
كل عام وانت بخير
أهلا وسهلا عناقيد نورت المدونه
فعلا بعض الكتب لاتستحق الشراء بس العنوان يخليك تشتري لانه مايمديك تقراه بالمكتبة او بعض المكاتب الي تمنع القراءة بالمكان نفسه .
وانت بخير وصحه وسلامه
التحية لك وبارك الله فيك والله يوفقك والي الامام
ألف شكر والله يبارك بوقتك وجزاك الله خير على الدعوه
ماذا أرى؟
شهالزين شهالزين 😀
واللون الأخضر ما شالله يطرح توجهك 😀
أمنياتي لك بالتوفيق 🙂
عيناكَ أرض لاتخون ,, الي قاعد تشوفه صج ههههههههه
شكرا شكرا
بس الظاهر المدونه بتصير كلها بلعه ببلعه
مدونه جميله بالتوفيق ابو فلان
شكرا أ ختي توته ورديه
ولكِ بالمثل ان شاء الله
جــزآك الله خير على المدونه …
و و و متـ’ـــآبعين : )
واياج اختي عنزية
وشرفني مرورج
فوزية دريع .. ودي أقرا كتبها بس وجها ما يساعد .. لذاك لما أفلست من أن تكون امرأة جذابة .. راحت تدور من الثقة بالنفس .. بالثقافة الجنسية .. وعاى قولتها (( بالدراسة العلمية والعملية )) ..
يقول أن لاندرز :
” الفقير يتمنى الغنى ..
والغني يتمنى السعادة ..
والعازب يتمنى الزواج ..
والمتزوج يتمنى الموت ” .
دنيا عجيبة غربية لا يدرك حقيقتها إلا من هداه الله ..
وميزه عن البهائم ..
فعتبروا يا أولى الألباب ..
انحولت عيوني يالله وصلت للتدوينه رقم واحد من مدونتك كان عندي فضول اعرف شنو اهيا ..
الحمد لله وصلت بالسلامة بعد جهد جهيد …
على فكرة كتاب فوزية الدريع “ثقتي في نفسي ” روعة وينفع للناس اللي ما عندها ثقة في نفسها ..