مدونة أبوفلان تقنية ، أخبار ، تجارب شخصية ، مطاعم ، سياحة
بدأت أبل ببيع الآيفون 4s على موقعها الأمريكي بشكل مفتوح رسمي غير مقيد بشبكات أمريكا
وللتجربة قمت بطلب جهاز واحد ( 16 غيغا أبيض ) بالأمس على العنوان الأمريكي لأراميكس وعلى الفيزا الكويتية
وتم سحب المبلغ ( 198 د.ك ) وأنا الآن بانتظار الموافقه على الطلب أو الغاؤه وهو الأقرب بالنسبة لي 🙂
.
السلام عليكم
كم سعره بالكويت ؟ يفرق سعره ؟
شكرا
سعره بالكويت 250 دينار ومن امريكا مع التوصيل بيطلع عليك 205 دنانير الفرق 45 دينار
يعطيك العافيه
شنو الفرق ما بين شراء الجهاز من متجر ابل في بريطانيا و من متجر ابل في امريكا ؟؟؟
شدعوه ياخوي راد على العالم و مطنش سؤالي مابي منك شي
بس بغيت اعرف الفرق ما بين انك تطلبه من بريطانيا او امريكا
الفرق بين الاسعار و ليش ما الناس تطلبه من بريطانيا كالعاده
هل امريكا ماياخذون ضرايب ولا شنو القصه ؟؟؟
و اذا امريكا ما توصل عنوان ارامكس عادي مو مشكله
اذا طلع ارخص من بريطانيا اوصي صاحبي هناك يدزه لي
مشكور
يعافيك ربي
الفرق في السعر فقط سعر ال ١٦ غيغا يوصلك الى البيت ب 225 من بريطانيا
أما من أمريكا 205 يكلفك
الضرايب ببريطانيا 20%
وفي أمريكا 7%
مشكور على ردك
احسن انه الفرق مو وايد ولا يسوى اني اوفر
بعكس الفروقات ما بين متجر بريطانيا و محلات الكويت
و اذا الفرق فقط بال 16 جيجا ما اعتقد باخذ لي 16
لاني جربته و احس حجم الذاكره حده حده اعتقد 32
وايد بيكون افضل و طبعا 64 حده راهي بس مادري اذا
عمليه الحجم الكبير تأثر على سرعه الجهاز ولا لا !!
شي راجعلك ماله داعي تشرحنا ضروفك
السرعه ماتتغير بالحجم
بانتظار البشارة منك… 🙂
باذن الله
يعطيك العافية على متابعتك المميزة
يعافيك ربي
اخوي ابو فلان ياريت تقولنا لاطلبنا اي فون من الاستور البريطاني كم ياخذ ارامكس شحن وهل الكويت تاخذ عليه ضريبه وجم يوصل كامل لي عندي
التوصيل ياخذون منك ٦ دنانير تقريبا
والجمارك ماياخذون شي
السلام عليكم
انا مره طلبت اي باد ٢ اول ما نزل ورفضو طلبي وخصمو المبلغ وبعدين تم استرجاعه والسبب لانه ابل ستور الامريكي لا يتعامل مع ارامكس
واتمنى لو شالي هل السياسه او تم حلها من قبل ارامكس
لكي اطلب واحد وشكرا يا بو فلان 🙂
نفس الحاله اخوي عبدالله طلبت ايباد2 وكنسلوه بس بعد تغيير ارامكس للعنوان يمكن تمشي عليهم 🙂
عاد كنت ناوي اقولك يا بوفلان جرب اطلب يصير ولا لا
بس انت سبقتنا 🙂
ان شاء الله بس يمشي الطلب
الاخ المدون ابو فلان
انا من متابعي المدونة كل يوم. و استخدم انترنت جلف نت و عاملينلك. بلوك !!!
حاليا عم استخزم موقع بروكسي مشان اقدر اتابع مدونتك P:
انا من المتابعين لك بتوتر اذا قبلو الطلب خبرنا بتوتر مع اني ما اتوقع
بشرنا يابو فلان لا تنسى وانا متوقع ماتنجح العمليه
ابل تعقيد بتعقيد
عالبركة مقدماً لكن كأن السعر مرتفع ..
أعتقد مع إنخفاض الدولار المفروض ما يتعدى ١٨٠ او ١٨٥ دينار .. لو نجي نحسبها 649 دولار ضرب 306. فلوس = 198 دينار تقريباً .
هل الريت هو 306. ؟؟ أظن عالي جداً .
لا طلع علي مع الضرايب 710 $ اضف الى ذلك أن البنك ياخذ فرق العمله من باب النصب والاحتيال صار كله 198
شصار وياك؟
واحد من الربع المره الي طافت طلب ايباد وكفر .. وصل الكفر والايباد ردوله فلوسه لووول ..
انزين اذا ما مشا وياك عنوان ارامكس .. اكو شركة توصيل ثانية اسمها ماي يو اس جنه عدل؟ جرب منهم يمكن تمشي وياك اذا تبي 🙂
الى الآن جاري العمل على الطلب
يا بو فلان شلون على الكفالة (الضمان) لو وصل خربان او صارت مشكلة بالجهاز بعد فترة .. هل في احد يكفلة ويصلحة في الكويت ؟ ولا يجب ارسالة الى امريكا للصيانة ؟ والسؤال الثاني هل فعلا سوف يعمل على شبكة الكويت ؟
الاخ المدون ابو فلان
انا من متابعي المدونة كل يوم. و استخدم انترنت جلف نت و عاملينلك. بلوك !!!
حاليا عم استخزم موقع بروكسي مشان اقدر اتابع مدونتك P:
كلمتهم وان شاء الله يحلون المشكلة أو سيتم حلها بالقانون
اخوي انا طلبت من البريطاني ورفضوا الطلب
الغريب انهم ما دزوا لي رسالة لتاكيد الطلب
ولا اي رسالة ماعدا رسالة وحدة وهو نجاح تغير الايميل
وانا الحين افكر اطلب من اي باي ebay
ولكن البائع يقول
We accept paypal only.
We will not ship anywhere other than what’s written as a shipping address in your paypal account. Also, if paypal does not mark your shipping address as “OK to ship”, we will not send the item to you, cancel the transaction and refund the money.
To have an “OK to ship” address, you can get your address:
confirmed through paypal by registering paypal a credit card,
verified through adding a bank account to your paypal account,
International bidders can only pay with paypal with a VERIFIED address.
الي فهمته من الكلام انة راح يرسل الجهاز على نفس عنوان
بطاقة البنك
وانا مابي يجي الكويت دايركت ابي ارسل الجهاز الي ارمكس
اذا في حل ممكن اتساعدني
بخصوص موقعك انهم حاطين علية بلوك
ترا مو بس جلف نت حتى فيفا ولكن شلو البلوك
ويعطيك العافية على المدونة الرائعة
مو عنوان بطاقة البنك الكويتية .. عنوان حساب ال paypal .. وهذا يعتبر حساب بنك عند الامريكان تقدر تشتري عليه البطاقة .. بس ماعتقد بيكون الستاتس ماله OK to ship دامك من الكويت الا اذا حاط عنوان ارامكس ..
انا احضرته ب 500$ و هو راااااائع
بو فلان شسالفه مدونتك عندي بخدمتي فيفا ماتشتغل شسالفه ليكون قايمين عليك الشركات ﻻنك دوم مخسرهم. ومطلع الحق لوول بس اشوا افجه بشتراكي كيمز
يعطيك العافية يا بوفلان على الموضوع
وانشاءالله يوافقون على الطلب وارجو تحديث الموضوع حال الموافقة او الالغاء
وشالسالفة مدونتك محجوبة عند شركة فــاست تـلـكـو!!
بس مرات اقدر ادشهة بس اعلانات جوجل محجوبة تكون
والله يابو فلان جنه الشركات رفعت شعار “الشركات تريد اسقاط بوفلان” ;q
السلام عليكم
شكرا للشرح
واتمني اخبارنا بما حدث معك
هل تم شراء الجهاز
ام الغو العمليه
وشكرا
بو فلان تكفى ، شصار على الطلب ؟؟ مشى و لا ألغي ؟؟؟؟؟
السلام عليكم ياخوي ابو فلان عندي سؤال هل الايفون لما اشتريه من ابل يكون معرب ام لا
اي نعم